Tekið af mbl.is
Eftir Atla Fannar Bjarkason - atli@bladid.net
Bítlarnir Paul McCartney og Ringo Starr koma til landsins 5. október í tengslum við afhjúpun friðarsúlu Yoko Ono í Viðey. Samkvæmt heimildum Blaðsins verða þeir á landinu 5. til 11. október, en friðarsúlan verður afhjúpuð 9. október, á afmælisdegi John Lennon, sem hefði orðið 67 ára væri hann á lífi.

Heimildir Blaðsins herma að Paul og Ringo muni dvelja á Hótel Borg, en með þeim í för verður fylgdarlið lífvarða og aðstoðarfólks. Paul McCartney kom síðast til landsins árið 2000, en þá var fyrrverandi eiginkona hans, Heather Mills, með í för. Paul lét lítið fyrir sér fara í ferðinni. Meira fór fyrir Ringo Starr þegar hann kom til landsins árið 1984. Ringo tók lagið ásamt Stuðmönnum í Atlavík og margar góðar sögur eru til um ferðalag hans.

Nánar er fjallað um þetta í Blaðinu í dag.


Gaman af því :)
Byrði betri