Þetta er partur úr greininni “Gullöldin og djöfullinn” sem ég skrifaði í sumar. Þar var fjallað um þetta atvik.



6. desember héldu Rolling Stones risatónleika á Alamont speedway track, skammt utan við San Francisco. Stemningin þar var eldfim frá byrjun og að lokum sauð uppúr milli æstra áhorfenda og gæslumanna á tónleikunum, sem allir voru meðlimir Hell´s Angels mótorhjólagengisins. Einn áhorfandinn dró upp byssu og fór að veifa henni. Gæslumennirnir stukku á áhorfandann, börðu hann hrottalega og stungu til bana. Það var gósentíð hjá fjölmiðlum að tengja saman morðið á áhorfandanum, bölvunina sem Anton Lavey lagði á hippamenninguna og Manson morðin. Ekki minkaði gleði þeirra þegar út spurðist að áhorfandinn var drepinn meðan Stones voru að spila lagið Sympathy for the devil!