Grafísk hönnun er að einhverju leiti kennd á Upplýsinga- og fjölmiðlabrautum. Ég var í FÁ á sínum tíma á þeirri braut, en var ekki ánægður með kennsluna. Það eru ekki “fagmenn” að kenna þar að mínu mati.

Annars mæli ég persónulega með listnámsbraut sem undirbúningsnám fyrir frekara nám í grafískri hönnun. Þar færðu grunn kennslu í öllu þessu basic: Litafræði, formfræði, fagurfræði og listasögu. Listnámsbrautin í FB er t.d. góð.

Þegar þú klárar það getur þú t.d. sótt um í LHÍ og útskrifast þaðan með BA gráðu í Grafískri hönnun.

Í sambandi við síður tengdar kennslu, þá veit ég ekki um neina spes síðu tengda kennslu, en ég segi að þú eigir bara að skoða síður hjá öðrum hönnuðum og reyna fyrir þér sjálfur í Illustrator eða Photoshop.

Nokkrar síður tengdar hönnun:

fréttasíður:
http://www.designiskinky.net/index_main.html
http://www.k10k.net/
http://www.lounge72.com/root/

Nokkrir færir hönnuðir og stofur:
http://www.asterikstudio.com/
http://www.demo-design.com/
http://iso50.com/iso50.html

Svo er stórt tenglasafn hérna á áhugamálinu sem þú getur rennt í gegnum.

Gangi þér annars bara vel.

Margmiðlunarskólinn er held ég duglegur í þessu, en ef ég man rétt þarftu að klára Upplýsingabraut í IR.

Ég mæli með Borgó, þeir eru með mjög fína listnámsbraut þar sem þú lærir grafíska hönnun og einnig að teikna sjálfur.

Nánari lýsingu finnur þú hér.

LHÍ er eini skólinn á íslandi sem útskrifar grafíska hönnuði.

Borgó kennir Fjölmiðlatækni (nám á frammhaldsskólasviði) og Mms kennir grafíska miðlun eða eitthvað svoleiðis.

Idan.is
Spurning: Hverjar eru forkröfurnar í Margmiðlunarskólann og í grafíska hönnun? Hvað komast margir inn í LHÍ á ári? Er stúdentspróf af náttúrufræðibraut?

Fullt svar:

Margmiðlunarskólinn er í Iðnskólanum í Reykjavík. Nemendur sem hefja nám í margmiðlunarskólanum þurfa að hafa lokið tveggja ára námi í upplýsinga- og fjölmiðlagreinum eða hafa sveinspróf í bókagerðargreinum eða hafa lokið námi af listnámsbrautum, tölvubrautum, stúdentsprófi eða öðru sambærilegu námi. Námið í margmiðlun er 80 einingar og er almennt í fyrstu en nemendur velja síðan þrívíddarhönnun eða hreyfimyndagerð. Hægt að skoða námið nánar á www.ir.is/.

Inntökuskilyrði í Listaháskóla Íslands eru stúdentspróf og umsækjendur þurfa að hafa lagt fram möppu með vinnu sinni. Auk þess er sérstök inntökunefnd sem velur nemendur úr hópi umsækjenda. Valið byggir á mati á innsendum verkum og viðtölum. Samkvæmt samtali við LHÍ eru 18 nemendur teknir inn á ári. Nám í grafískri hönnun við LHI er nám í framsetningu á upplýsingum á myndrænan hátt fyrir fjölmiðlagreinar. Umsækjendur verða að velja á milli þess hvort þeir leggja áherslu á prent eða skjámiðla.

Stúdentspróf af náttúrufræði er nægjanlegt til að sækja um í Margmiðlunarskólanum og LHI. Nám af listnámsbraut með viðbótarnámi til stúdentsprófs er líka möguleiki. Námið í Margmiðlunarskólanum er á framhaldsskólastigi en námið í LHI er á háskólastigi.