ekki vera fúlir… textinn í greininni er tekinn af golfsíðu mbl.is en með nokkrum breytingum…

————————

Eftir margra mánaða sigurgöngu á PGA mótaröðinni hefur Titleist nú kynnt nýja kynslóð Pro V1 golfbolta: Pro V1x og endurbættan Pro V1. Endurbætti Pro V1 er hannaður fyrir kylfinga sem hafa fjölbreyttan sveifluhraða en nýji Pro V1x boltinn hentar kylfingum með hraða sveiflu.

Endurbætti Titleist Pro V1 boltinn er hannaður með þarfir þeirra kylfinga í huga sem hafa hægan eða meðal sveifluhraða. Hann hefur nýja mýkri og þéttari kjarna formúlu “1.550” sem framkallar meiri spuna á boltann. Ysta lag boltans hefur einnig fengið nýja hönnun því núna eru 392 dældir í mörgum mismunandi stærðum á boltanum sem skila enn lengra flugi. Endurbætti Pro V1 boltinn hefur einnig meiri "Drop-and-Stop” eiginleika á flötinni.

Nýji Pro V1x boltinn er hannaður fyrir kylfinga með hraðari sveiflu og/eða brattari upptöku, sem hafa ekki eins mikla þörf fyrir eins mikinn spuna á flötunum. Helsti munurinn á þessum tveimur boltum er ysta lagið sem að er 332 dældir í sjö mismunandi stærðum á Pro V1x.

Nýji Pro V1x boltinn skilar lengri höggum fyrir þá kylfinga sem eru með hraða sveiflu vegna þess að hann rúllar meira. Hann flýgur líka lægra og er því góður í vindi. En Pro V1x boltinn hefur minni spuna og harðari tilfinningu þegar hann er sleginn heldur en Pro V1. Báðir boltarnir hafa góða endingu sem er kannski mesti kosturinn við þá.