Fyrir þá sem ekki vita þá hefur verið að uppfæra hinn epíska stjörnufræðivef www.stjornuskodun.is í sumar en hann var opnaður á ný í dag. Hann lítur fokking vel út og er víst enn verið að bæta við hann á fullu ásamt einhverjum stórum verkefnum á dagskránni.
Til að nefna eitt verkefni tengt umsjónarmönnum vefsins hafa Stjarnvísindafélag Íslands, Stjörnuskoðunarfélag Seltjarnarness og landsnefnd um ár stjörnufræðinnar 2009 ákveðið að gefa öllum grunn- og framhaldsskólum á Íslandi stjörnusjónauka að gjöf, en Setbergsskóli fékk fyrsta sjónaukann í dag. (sjá http://www.stjornuskodun.is/frettir/nr/242)

Á þessum vef er drullumikið af greinum um stjörnufræði, sólkerfið, stjörnulíffræði, leiðbeiningar um stjörnuskoðun og stjarneðlisfræðileg fyrirbæri. Auk þess er þar að finna safn allra þátta Vísindaþáttarins, sem er það eina jákvæða í íslensku útvarpi (fyrir utan harmageddon stöku sinnum), það er samt greinilega ennþá verið að koma þeim öllum aftur á síðuna en það eru bara tveir þarna akkúrat núna.