Af hverju heitir það hótunarbréf? Hverjum er verið að hóta?

Svo er það líka kallað að lóga dýrum en ekki lóa. Lóa er fugl eða getur líka verið kona. Svo verður þú að skilgreina nánar hvað þú meinar með “svona oft”. Hverju dýri er jú bara lógað einu sinni. Svo verður þú líka að skilgreina hvaða aðstæður má lóga dýrum við.

Þetta gæti t.d. heitið “Undirskriftasöfnun fyrir því að banna að dýrum verði lógað nema þau séu veik eða slösuð”. Þú verður líka að segja hvaða dýr vegna þess að nú má slátra ýmsum dýrum okkur til matar og það verður seint bannað.

Ég myndi hins vegar ekki skrifa undir þetta vegna þess að ég held að ef fólkið sem vill láta lóga gæludýrinu sínu vegna þess að það er orðið leitt á því eða það er að fara í frí myndi bara gera það sjálft ef það væri bannað og þá oft á miklu kvalafyllri hátt fyrir dýrið.

Þú ættir frekar að stofna athvarf fyrir heimilislaus dýr þar sem fólk gæti komið með dýr í staðinn fyrir að láta lóga þeim og svo verður þú að skrifa oft í blöðin og hvetja fólk til að fá sér ekki dýr nema það meini það og líka hvetja þá sem eiga dýr að láta þau ekki eiga afkvæmi nema það geti örugglega fundið góð heimili fyrir þau öll.