Þetta er ritgerð sem ég gerði í skólanum sleppti bara inngani og lokaorð :o)




1. Almennt um ísbirni.
2. Húnauppeldi.
3. Fæða.






1 Almennt um ísbirni


Ísbjörninn er rándýr af bjarnarætt, hann er hvítur á lit og dökknar smá á sumrin. Hann er með svarta snoppu og klær og lifir við strendur Norður-Íshafs. Ísbirnirnir fara suður á bóginn á veturna en birnurnar ala húna sína í desember við strendur Norður-Íshafs. Ísbjörninn er eitt stærsta bjarndýrið hann er u.þ.b. 1,6m yfir herðakamb, og getur orðið allt að 2,5m langur og 700 kg. Ísbjörninn getur hlaupið ótrúlega hratt, hann þreytist fljótt og getur orðið svo uppgefinn að hann getur ekki staðið. Þeir synda hægt en eru afar þolnir, þeir geta synt klukkustundum saman jafnvel dögum. Hámarksaldur ísbjarna getur orðið 25-30 ára.







2 Húnauppeldi


Mökunartími ísbjarna er um miðjan apríl, þá dveljast karldýrin hjá birninum í fáeina daga til að eðla sig. Síðan fara karldýrin burt á meðan meðgöngunni stendur. Frjóvguðu eggin bíða og verða fullþroskuð í oktober eða nóvember þá fer birnan að bera eða eignast húnana. Oftast eru húnarnir 2 sjaldnar 1 eða 3, þeir eru litlir og bjargarlausir og halda sig hjá móður sinni. Um mánaðarmótin mars-apríl gægjast þeir út úr húsi sínu með móður sinni, þá eru þeir um 10-12kg og myndarlegir. Húnarnir eru um 18 mánuði á spena en samt löngu farnir að éta mat. Þeir eru hjá móður sinni fram að 2 og hálfs árs aldri.






3 Fæða


Algengasta fæða eða bráð ísbjarnarins er selur, hringanórinn sem er minnsti selurinn, 120 cm á lengd og um 50 kg. Ísbjörninn er mjög góður í að læðast að bráð sinni og er mjúkur í hreyfingum. Það má segja að hann sé nærri því ósýnlegur, hann er hvítur á litinn eins og snjórinn og ísinn og á auðvelt með að nálgast bráðina. Hann felur sig bakvið ísklump og reynir svo að loka undankomuleið hans til sjávar. Oft veiðir ísbjörninn kampsel sem er mjög stór selur og getur orðið allt að 600kg. Ísbjörninn á auðvelt með að veiða kampsel því hann þvælist um og veitir aldrei viðnám. Önnur dýr sem ísbjörninn veiðir eru: Blöðruselir, rostungar, ýmiskonar fiskar, hreindýr, sauðnaut og fuglar. Einnig bíta þeir gras, söl, þang og þara.