'Eg er sammála þér það á ekki að klóna dýr. Síðan kom það í ljós á dollí að þegar hún varð eldri byjaði hún að fá fullt af sjúkdómum.

Þetta er náttúrulega hásiðferðislegt málefni og margir hafa eflaust mjög misjafna skoðun á þessu.

Ef að við hefðum ekki stuðst við rannsóknir á dýrum þá væru til dæmis læknisfræðin örugglega enn frekar vanþróuð. Ég er ekkert að verja það að fólk hafi neglt dýr á planka og skorið þau upp lifandi en það verður að viðurkennast að mjög mikið af þeim gæðum sem við búum í dag eru komin með misvafasamri hjálp annarra dýra. Og ekki má gleyma að í flestöll skiptin sem að þú heyrir getið um nýjar uppgötvanir á sviði lænisvísinda skaltu ekki gleyma að þar hafa í mjög mörgum tilfellum margar rottur komið við sögu.

Klónun er ekki sársaukafull fyrir flest þau dýr sem koma að þessu og í raun þá mundi enginn vita hvort þetta gengi upp nema ef skyldi vera fyrir Dolly. Jú, vissulega finnst mér alls ekki sniðugt að fólk skuli vera að klóna manneskjur en í sannleika sagt þá get ég séð ýmislegt gagnlegt við klónun dýra.
Þá er ég ekki að tala um að klóna heimilishundinn heldur að til dæmist reyna að bjarga dýrum í útrýmingarhættu. Ekki að nota það til að fjölga dýrunum heldur að reyna að halda úti fjölbreyttara erfðamengi. Einnig gæti þetta hjálpað til við að rækta líffæri í menn.
Það eru jákvæðir hlutir og neikvæðir en eins og er þá vantar frekari rannsóknir og því miður verðum við að styðjast við rannsóknardýr til þess. Það er kannski versta staðreyndin.

Það er einnig ákaflega mikill misskilningur á hugtakinu klónun í gangi hjá mörgu fólki. Margir halda að ef þeir klóni hundinn sinn þá fái þeir nákvæmlega eins hund og þau áttu og þurfi því í raun ekki að upplifa söknuð við missi hins. En hvað með þá tvíbura sem eru náttúruleg klón? Eru þeir allir eins? Neibb, þeir eru erfðafræðilega eins en þeir hafa upplifað mismundandi hluti þegar þeir eru að alast upp og mynda sín eigin persónueinkenni. Hundurinn Snati 2 gæti því aldrei orðið eins og hinn upprunalegi Snati því þeir eru einfaldlega mismunandi lífverur sem eiga það eitt sameiginlegt að hafa nákvæmlega eins erfðaefni.

Ég hef ekki heyrt annað en að ærin Dollý sé fullkomlega heilbrigð og lifi góðu lífi þó því hafi verið spáð að frumur hennar væru fyrirfram gamlar og hún myndi eldast illa. Hins vegar hef ég heyrt að það hafi tekið um 300 tilraunir að fá þetta klónaða eintak. 300 fósturlát eða mjög vanskapaðir einstaklingar áður en það tókst.

Það að láta klóna gæludýrið sitt er síðan aðallega peningaplokk. Fólk er að borga stórar fjárhæðir fyrir engar niðurstöður og ég held að flest þau fyrirtæki sem eru að taka peninga frá fólki fyrir þetta séu ekki í neinni aðstöðu til að klóna eitt eða neitt. Ástæðan fyrir að fólk vill láta klóna gæludýrið sitt er að það heldur að það fái sama dýrið sem er náttúrulega ekki rétt heldur fær það dýr sem lítur eins út.