Reglurnar eru skýrar, sá sem bregst við undir 0,1 sek hefur þjófstartað hvort sem hann græðir á því eða ekki. Eftir að búið er að segja viðbúinn má enginn hreyfa sig í blokkunum fyrr en skotið ríður af. Varðandi Powell (Jamaíkumanninn) þá getur ræsir dæmt hvern þann úr leik sem hann telur hafa brugðist við á undan skotinu. Oft er það svo að viðbragð eins dregur annan með sér en í þessu tilfelli taldi ræsirinn að þessi slökun aftari fótar Drummonds hefði ekki getað haft áhrif á Powell og því dæmdi ræsirinn Powell úr leik einnig. Ræsirinn getur því dæmt alla 8 úr leik ef honum finnst þeir bregaðst of snemma við.
Ef skoðaðar eru myndirnar af þrýstilínuritinu frá blokkunum af þessu starti þá sést þetta mjög vel. Það eru allir kjurrir í “takið ykkur stöðu” stöðunni nema Drummond sem er að hreyfa sig. Síðan segir ræsir viðbúinn og stuttu síðar er breyting á þrýstilínu Drummonds og svo eiginlega strax á eftir Powells. Þrýstilína annarra hlaupara var stöðug (flat line).
Reglan á ekki að koma Drummond á óvart því að hann er alinn upp í bandaríska háskólakerfinu þar sem ekkert þjófstart er leyft (sá sem þjófstartar er dæmdur úr leik umsvifalaust). Það að hann segist ekki vita um að hann megi ekki hreyfa sig í stöðunni viðbúinn er rugl því að hann er margreyndur keppnismaður á stórmótum og alvanur þessum blokkum.
Drummond hegðaði sér eins og fífl og virðist ekkert hafa lært af fíflalátunum sem hann hafði í frammi efir sigurinn í 4x100 á Ol í Sidney. Powell vék strax af brautinni. USA frjálsíþróttasambandið vildi ekki taka á þessu máli í stað þess að segja að þetta væri mjög óvenjulegt og ekki það sem USA vildi sýna (það var stjórnandi hjá þeim sem sagði Drummond að hreyfa sig hvergi)og biðjast afsökunar. Í stað þess segjast þeir ekkert geta gert. Afsökunarbeiðni Drummonds hljómaði eins og Screw you. Evrópskir fyrirmenn í frjálsum hér eru orðnir þreyttir á yfirgangi USA og Spánverjar segja að USA geti ekki haldið að aðrar reglur gildi um þá en aðra og ætla að sækjast eftir banni á Drummond fyrir óíþróttamannslega framkomu.
Bjössi Arngríms er sá sem veit mest um þetta mál en hann var einmitt sá sem var að lýsa á HM með Samma.
Lífið gengur út á að vera númer 1, ekki númer 2.
Eins og flestir vita er HM í frjálsum íþróttum ný lokið en það var haldið í parís að þessu sinni. Í undanúrlsitum, að ég held, var Jon Drummond dæmdir úr leik efitr mjög umdeilanlegt þjófstart en hann leysti um þrístingin í blokkunum en þær nema þrýsting. En ef maður skoðar hægt og nær sér maður að hann rétt leisti um þrýsting í blokkirnar en þrýsti svo aftur og var ekki einu sinni fyrstur upp úr blokkunum. Eftir þetta þá mótmælti hann meðalannars með því að legjast á brautina en það er náttúrulega bara vanvirðing við aðra keppendur því þá kólna þeir. En það skrítnasta við þetta er að tveir voru dæmdir úr fyrir eitt og sama þjófstartið sem á nú ekki að eiga sér stað því hinn fylgir eftir eins og ef þú værir að fara úr blokkonum eftir mistök hjá ræsi þá væri maður dæmdur úr eða því annar þjófstartar en að mínu mati er það bara vittleysa. Ég myndi gjarnan vilja ykkar álit áa málinu en takk fyrir mig í bili.
Hugi notar vefkökur til að bæta notendaupplifun á vefsíðunni og greina umferð um hana.
Einnig hefur Hugi uppfært persónuverndarstefnu sína.