Hérna kemur fréttin af mbl.is
Bandaríska leikkonan Julianne Moore segist borða svo lítið til að halda línunum í lagi að hún sé alltaf svöng. Hún segir það sama eiga við um leikkonur almennt. Moore segist lifa á megrunarfæði einu þar sem hún sé svo upptekin af því að halda sér grannri, borði bara morgunkornsstangir og jógúrt.

Moore segir í viðtali við breska tímaritið Grazia að algengt sé að leikkonur sleppi því að borða kvöldmat eigi þær að fara í myndatöku næsta dag og það þyki ekki öfgakennt. Hún kennir Hollywood um það að allar leikkonur eigi að vera magrar. Þó svo hún liti út fyrir að vera vannærð, t.d. ef hún léttist um 3 kg. til viðbótar, yrði það ásættanlega á Hollywood-mælikvarða.