Ég er alveg sammála. Það var einmitt umræða um þetta heima hjá mér og við fórum að bera þetta tímabil saman við 2003-2004 tímabilin, þegar Ferrari var með frekar mikla yfirburði. Þá fékk maður aldrei á tilfinninguna að tímabilið væri leiðinlegt.

Annars er mér hætt að lítast á hvernig horfir í F1 ef þessi reglumál komast ekki á hreint. Ég hef fylgst með formúlunni síðan byrjað var að sýna hana á Íslandi og það var meira að segja fjárfest í gervihnattadisk til að geta haldið áfram að horfa eftir að stöð 2 fékk sýningarréttinn. Maður hefur látið sig hafa það að horfa á pólsku, þýsku og núna ítölsku útsendinguna til að fylgjast með en ég held að ef topplið, eins og Ferrari og McLaren, hætti í formúlunni þá verði þetta endanlega búið að vera. Alla vega væri minn áhugi á F1 þá horfinn. Það er kannski þessi pólitíski bragur, sem kominn er á formúluna, sem er að kæfa áhugann.

Ég held að næsta keppnistímabil verði fjörugt, Brawn fengu alveg snilldar bíl upp í hendurnar frá Honda (sem hljóta að vera að naga sig í handarbökin núna eftir að hafa ákveðið að hætta) en þeir hafa ekki úr mjög miklum fjármunum að spila svo að ég held að hin liðin sem hafa meiri fjármuni ættu að vera komin á sama stall og Brawn á næsta ári.

Hinsvegar minnkaði áhorf mitt mjög mikið bæði 2001 og 2004 en þessi tvö tímabil átti skósmiðurinn gjörsamlega og þau voru bara leiðinleg, jafnvel þótt ég hafi á þeim tíma verið Ferrari maður. En í ár finnst mér gaman að fylgjast með spútnik liðinu þó svo að ég vilji smá meiri keppni í þetta þá vil ég samt sjá þá vinna! :P