Häkkinen og Jordan eru bara að reyna að koma í veg fyrir að Schumi geri sömu mistök og þeir… En, jú þeir voru doldið í skítnum í fyrra, sérstaklega þar sem þeir náðu ekki einusinni að standa í hári eins né neins nema að halda keppendum fyrir aftan sig og hægja á keppninni. Að vinna eina keppni þar sem 6 bílar tóku þátt, þar af 4 þeir lélegustu seigr ekki margt um að vinna. Trúðu mér, ég er harður Ferrari maður, og vildi frekar sjá þá fara inn í pit, frekar en að keppa og vinna með þessu móti. En þó svo hvað það snertir, þá skil ég ekki afhverju fólk var að henda hlutum inná brautina þegar þessir 6 bíla kepptu, þeir héldu jú heiðri keppninnar uppi, það hefði frekar átt að fara og grýta skúrana hjá hinum liðunum!

Málið er bara að þetta er að verða fínt hjá kallinum!

Þannig er mál með vexti að menn hætta ekki allir á topinum, en þegar menn gera það mun aldrei vera hægt að segja: “Hann var ekki bestur”. Menn get kannski aftur á móti sagt að hann hafi ekki verið bestur þegar tvö til þrjú slæm tímabil eru áður en hann hættir..

Mér finnst nokkuð skemmtilegt hvað þú virðist vera “sár” Ferrari stuðningsmaður. Við munum koma sterkir á næsta ári, þarna ertu að nota “munum, kannski, sennilega” orð. Þú getur ekki enn sagt neitt um næsta tímabil, sjálfur hef ég ekki viljað tjá mig of mikið um McLaren, við vitum ekkert hvernig nýja fyrirkomulagið og nýju reglurnar koma út, einnig vitum við ekkert hver nær að gera bestu V8 vélina.

Þú segir að Häkkinen hafi ekki hætt á toppnum, nei hann var ekki alveg á toppnum en hann tók þá ákvörðun að hætta. Hann vann t.d. tvo sigra á síðasta ári sínu, og tapaði einum svo eftirminnilega á Spáni þetta ár. Hann átti að etja kappi við M. Schumacher sem var á rosalega góðum yfirburðabíl þetta ár og sjálfur var hann á handónýtum McLaren bíl.
Þetta er ekki ósvipað og hvernig M. Schumacher gekk í ár, hann var ekki á góðum bíl og afsannaði þar að hann gæti unnið á hvaða bíl sem er. Því í raun á hann ekki neinn “alvöru” sigur á árinu, hann vann jú vissulega Bandaríska kappaksturinn svo eftirminnilega en er það sigur til að tala um? Ef þetta hefði verið Räikkönen sem hefði unnið hefði ég ekki talað mjög mikið og hrósað mér af því!

Spurning, á M. Schumacher að hætta eða ekki? Þú getur fengið endalaust mörg svör við þessu, “já”, “nei”, “eftir ár” o.fr.
Þetta er ákvörðum sem hann verður að taka sjálfur, menn geta tjáð sig og sagt sitt álit á netinu og í fjölmiðlum, þegar Häkkinen, Eddi Jordan o.fl. eru að segja að hann ætti að hætta núna eða eftir ár, þá eru þeir að miðla sinni reynslu að ég tel. Þeir vilja honum ekkert illt, held þeir séu bara að gefa góðlátlegar viðvaranir til M. Schumacher um að passa sig á því að tapa ekki “gljáanum”!

Eins og ég sagði hér á undan mega allir hafa sína skoðun og þetta er í grunnatriðum mín skoðun en alls ekki þín skoðun, menn geta verið sammála mér og/eða ósammála mér!

Kv.
FusionLorus

Það þarf að taka tillit til þess að slæmt tímabil hjá Ferrari er allt neðan við 1. sæti eftir árangur þeirra síðustu ár. Og það er betra en flest önnur lið. Og þrátt fyrir að Schumacher hafi ekki unnið keppni (fyrir utan BNA kappaksturinn) þá endar hann samt í 3. sæti, á undan Montoya og Fisichella, sem ættu að vera á betri bíl ef miðað er við stöðu bílasmiða. Þetta er orðið miklu jafnara eftir að var breytt stigagjöfinni og miklu erfiðara að ná afgerandi forskoti, þar sem annað sætið er ekki það langt á eftir.

Hvort Schumacher eigi að hætta eða ekki, þá er þetta algjörlega hans ákvörðun. Ef hann vill keppa og hefur andlegan viljastyrk til þess þá er hann að mínu mati besti ökurmaður sem nokkurn tíma hefur verið uppi í formúlu 1. Ef hann aftur á móti missir áhugann á því að keyra til sigurs, þá gæti ég alveg trúað því að hann hætti.

Reyndar hefur ég verið að spá því að hann hætti eftir þetta tímabil til að hleypa Raikkonnen inn í liðið og Rossini taki þá hitt sætið af Massa. Jean Todt hefur verið að segja að hann vilji sjálfur fara að hætta og taka hærri stöðu innan Ferrari. Mér finnst líklegt að Ross Brown taki stöðu Jean Todt og Schumacher fari í stöðu Brown sem keppnisstjóri, því ég get ekki séð það að hann fari nokkurn tíma frá Ferrari. Þetta er hans annað heimili og fjölskylda. Að Raikkonnen fari til Ferrari er ekkert ólíklegt. Hann er búinn að segja að hann ætli að ákveða sig á þessu tímabili hvað hann ætli að gera. MacLaren bíllinn hefur alls ekki verið að standa sig á æfingum og hafa verið að bila frekar mikið. Það er ekki uppörvandi fyrir þá, sem áttu við vandræði að stríða á síðasta tímabili. Ef Ferrari verður síðan hraðskreiður og heldur í við hina er allt hægt.

Annars er maður ekki farinn að spá neitt að viti í komandi tímabil þótt það sé farið að styttast mikið í fyrsta mót í Barhain. Ég held að eini alvöru samanburðurinn sem hægt er að gera milli liða verði þá, í kappakstrinum. Það er aldrei hægt að segja til um það hvað er verið að gera á æfingum, hverjir eru þungir og hverjir léttir, og hvað er verið að æfa. Þannig að við verðum bara að bíða og sjá.