Ég verð að segja að ég er þér hjartanlega sammála um að þetta verði gott ár hjá Jordan, en þeir eiga eftir að vera í mikilli samkeppni við lið Sauber sem er að koma mjög sterk inn og að öllum líkindum verður baráttan um 3. sætið mun spennandi en þetta klassíska McLaren vs. Ferrari einvígi. Talandi um þetta nudd hjá Barrichello, það var mjög gróft en það er harkan sem gildir. Frentzen á ábyggilega eftir að sjást á pallinum á þessu tímabili það er öruggt.
Ástralíu keppnin var líka stór sigur hjá Sauber og þá líklega mest hjá Kimi Raikkonen sem sýndi það og sannaði að hann á fullt erindi í Formúlu 1 sama hvað Jaques “árekstur” Villeneuve segir.

Hvað með Williams liðið?

Já ég held að Jordan eigi eftir að gera góða hluti í ár. Frentzen var að keyra virkilega vel og Trulli reyndar líka þar til að hans bíll fór að klikka. En við skulum ekki gleyma Williams, þeir eru sterkir þó að úrslitin í þessari keppni hafi ekki verið góð. Hvað Sauber varðar er ég ekki eins bjartsýnn, ég er ekki viss að þróunarvinnan hjá þeim verði næg þegar líður á tímabilið.

Ég hef líka góða trú á williams, mjög góðir ökumenn báðir og það skiptir miklu máli. Ég er sammála því að það verður mjög mikil keppni um 3. sæti framleiðanda í ár, mörg frábær lið !

WILLIAMS

Hallló ég er að koma nýr inná þessa umræðu en ég hef alveg tröllatrú á Williams liðinu vegna þess að þeir eru að ég held komnir yfir byrjunarvandræði með bíl og vél eins í fyrra.
En Jordan eru með góðan bíl og Frentzen er mjög góður. Það er kannski spurning um dekkin á þessari vertíð, hvernig munurinn verður þar á á milli liða.
Með venlig hilsen KIDDI

Þó að allir séu annaðhvort Maclaren eða Ferrari, Hakkinen eða Schumacher, finnst flestum gaman að hafa sitt 3. lið líka. Sjálfur er ég Ferrari maður og 3ja liðið mitt er Williams og það eru margar ástæður fyrir því. En þó að ættartré aðalökumanns þeirra sé ein af aðalástæðunum er hún alls ekki sú eina.

Jordan lítur mjög vel út í ár og það verður gaman að sjá hvort þeir taki ekki upp þráðinn frá 1999 tímabilinu þar sem þeir stóðu sig frábærlega.

Einnig verður mjög gaman að fylgjast með Benetton sem eru með tvo afbragðs ökumenn þá Giancarlo Fisichella og Jenson Button ásamt því að að vera með skemmtilega hannaða vél sem einnig verður gaman að fylgjast með.
Önnur lið held ég að komi ekki til greina í 3ja sætið, en ef eitthvað þá væri það BAR.