En það er alveg ótrúlegt samt hversu öruggir þessir bílar eru og það sýna spa og monza slysin. Banaslysið á monza varð út af því að brautarstarfsmennirnir voru nær brautinni en reglur segja til um.

Ég hef lítið gaman af málaferlunum verð ég að segja… :P

En hvað varðar öryggi bílanna, þá fannst mér það áhugavert sem Jackie Stewart sagði í fyrra (eða hitteðfyrra, man ekki alveg hvenær) þegar hann var spurður um hvað honum fyndist um hvað framúrakstrar væru erfiðir, og af hverju hann héldi að svo væri. Hann sagði eitthvað á þá leið að keppnirnar hefðu verið svona miklu jafnari áðurfyrr ekki af því að gripið var minna eða bílarnir jafnari hvað kraft varðar, heldur vegna þess að öryggið var miklu minna. Þessir jaxlar voru að keyra á upp undir 300 km/klst á bílum með engum vængjum (mekanísku gripi), örmjóum, grjóthörðum dekkjum sem gátu enst í 2-3 keppnir, og fleygðu þessum ferlíkjum fyrir horn eins og ekkert væri, öryggisbelta lausir. Það er kannski ekkert skrítið að þeir voru ekki mikið í því að þrengja að hvor öðrum; þeir þurftu þokkalega mikið pláss, og ef það var ekki fyrir hendi var árekstri ekki forðað. Og lífslíkurnar voru ekki beint miklar, oft var það eina sem stoppaði bíl sem fór útaf brautinni næsta tré.

En ég er nú kominn svoldið lengra útfyrir efnið en ég ætlaði mér :)