Ég senti inn skoðanakönnunina hver er flottasti bíllinn. Það veldur mér vonbrigðum að Íslendingar skuli ekki þora að segja að annar bíll sé flottastur heldur kjósa bara þann sem þeir halda með.
Bæði Maclaren og Ferrari fengu mörg atkvæði þótt þeir séu ekki baun flottastir. Ég held með Jean Alesi og hann ekur fyrir Prost. Prost bíllinn er ljótur og þess vegna kaus ég Sauber sem er langflottasti bíllinn, þið verðið að viðurkenna það. Næst flottasti bíllinn er að mínu mati Benetton. Ég var að vona að þessir bílar myndu fá mörg atkvæði en svo var ekki. Það er gaman að Íslendingum skuli finnast Öryggisbíllinn svona flottur.

Svo hefur hver náttúrulega sína skoðun. Það getur vel verið að einhverjum finnist Ferrari flottastur.