Já einmitt.

Isaac Newton´s3ja lögmál hreyfingar segir að fyrir hverja verkun sé jafn mikil og þveröfug gagnverkun (For every action, there
is an equal and opposite reaction).

Þar sem að mótorar þyrlunnar eru skrúfaðir fastir í skrokkin og færa aflið í aðalþyril um gírbox og drifsköft þá er jafn mikil orka að reyna að hreyfa skrokkinn í öfuga átt við aðalþyril og stélþyrill kemur í veg fyrir það.

Aftur á móti er til margar aðstæður þar sem hæglega er hægt að halda flugi áfram eða lenda örugglega ef bilun verður í stélþyrli. Margir halda að það séu bara endalokin ef stélþyrill bilar sem er alls ekki rétt.

Eins og sést á myndum þá eru flestar þyrlur með stórt lóðrétt stél sem tekur við af stélþyrli að halda nefi þyrlunnar beinu á yfir ákveðnum hraða, sem er mismunandi eftir aðstæðum. Þannig að oft er stélþyrill ekki notaður til að framleiða neitt kný á farflugi og sparar þar með afl og eldsneyti.

Einnig ef stélþyrill bilar í hægu flugi eða hangi (hover) þá er einfaldlega lokað fyrir afl til mótorana og vélinni lent með sjálsfsnúning (autorotation).