Ég myndi hvetja þig til þess. Ég byrjaði að læra rúmlega þrítugur og sé eftir því enn að hafa ekki farið fyrr og þá alla leið. En annars finnst mér einkaflugið alveg meiriháttar.

Það er ekki nokkur spurning að þú átt að taka einkaflugmanninn til að þú getir hjálpað pabba þínum að liðka cessnuna. Skrýtið að þú þurfir að spyrja eftir að hafa setið í með pabba þínum.

Svo er það mun erfiðari spurning hvort þú átt að fara út í atvinnuflugið. Það verður þú aðeiga við sjálfan þig, alveg eins og þú þarft ákveða hvort þú ferð í lögfræði, guðfræði, verkfræði, viðskiptafræði eða nokkuð annað nám. Hvað viltu gera ? Ef flugmannsstarfið er það sem þig langar til að leggja fyrir þig, þá skaltu taka atvinnuflugmanninn, og gera allt sem þú getur til að koma þér í vinnu (sem er ekki auðvelt í dag,en staðan breytist hratt, og ferðalög eru alltaf að aukast).

Byrjaðu alla veganna á einkaflugmannsprófinu, kláraðu menntaskólann, safnaðu tímum, og reyndu að komast að því hvað þú villt verða. Það er alls ekki gefið að allir þeir sem hafa gaman af flugi vilji verða atvinnuflugmenn.

Og alls ekki gera lítið úr einkafluginu. Einhvern tímann heyrði ég að munurinn á að fljúga Cessnu í einkaflugi og 747 í áætlunarflugi væri eins og munurinn á að keyra sportbíl og járnbrautarlest. skemmtileg samlíking, þó ég viti ekki hve nákvæm hún er.

Kristbjörn

Ég held að það sé engin spurning um að þú ættir a.m.k. að byrja og sjá til hvort þig langi til að fara alla leið.

Varðandi hvort þú eigir að leggja atvinnuflugið fyrir þig er þín eigin ákvörðun. Útlitið er ekki alltof gott þessa dagana en allt getur það breyst á stuttum tíma. Hann karl faðir þinn ætti að geta upplýst þig um kosti og galla þess að gerast atvinnuflugmaður.

Skoðaðu þetta í sem víðustu samhengi og sjáðu hvað er í boði. Það er aldrei að vita nema þetta sé það sem þig langar til að gera í framtíðinni.

Þú mátt líka vita að það eru til tæki sem heita þyrlur og það er líka hægt að fá vinnu við að fljúga þeim jafnt og flugvélum.

Gangi þér vel með að taka ákvörðun.

Kveðja,
Helico