Þessi spurning hefur komið fram áður, og yfirleitt eru svörin svipuð.

Það eru nokkrir flugskólar sem kenna til einkaflugmanns á Íslandi. Flugskóli Íslands er sá stærsti, og sá eini sem kennir til atvinnuflugmanns. Margir eru fúlir út í FÍ, og margir eru hæst ánægðir með hann.

Allir skólarnir bjóða upp á ódýrt kynnisflug. Farðu niður á völl á sólríkum degi og labbaðu á milli skólanna (ef það verður þá ekki búið að læsa þig úti). Kíktu á flugvélarnar og fólkið. Veldu skóla þar sem þér líst vel á kennarana, flugvélarnar og verðið, í þessari röð.

Margir skólanna eru með heimasíður, mér sýnist allir nema Helgi vera á Tenglasíðunni hérna á Huga. http://www.hugi.is/flug/tenglar.php?fid=78

Kristbjörn

Davíð! Eins og Kristbjörn ráðlagði þér, þá er mjög gott ráð að fara niður á völl og fá kynnisflug. Flugskóli Íslands rukkar fyrir það - það er mínus en ef þú ákveður að kaupa þér kynnisflug, biddu þá um Sigga flugkennara, hann er fínn. Flugskólinn Flugsýn er skólinn sem ég er að læra hjá. Þetta er ágætis skóli, gott fólk og hann er ódýrari heldur en FÍ. Þess vegna ákvað ég að velja hann. Kennararnir sem ég mæli með eru : Hjalti(frábær), Eggert(mjög góður) og Þorsteinn(yfirkennarinn=mjög góður, ef ekki sá besti). Kynnisflugið hjá þeim er ókeypis, biddu um að Hjalti fari með þér og hann sýnir þér allt sem þig langar að sjá og vita um.
Ég segi bara góða skemmtun.