Jújú, það er hægt að læra á þyrlu á Íslandi, hafðu samband við Flugskóla Íslands, þar byrjar kennsla í júlí.

Ég man eftir að hafa heyrt um þetta frá því að ég byrjaði að fljúga fyrir meira en 20 árum.

Þegar (ef!) fyrirtæki bjóða þetta (oft kallað Ab-Initio sponsored training program) þá er það vegna þess að ekki er hægt að fá nægjanlega marga flugmenn til að fylla stöður eða að stjórnvöld vilja þjálfa sína eigin landsmenn til að fá þessar stöður.

T.d sponsorar Grænlenska heimastjórinin 2-3 einstaklinga á ári til flugnáms á flugvélar án þess að það sé nokkur trygging fyrir starfi við lok náms.

Ég hef aldrei hitt neinn sem hefur fengið alla þjálfun sína greidda af fyrirtæki frá 0 tímum til atvinnuflugmannsprófs (H).

Að ganga í her einhvers lands til að fá flugþjálfun er sjálfsagt ekki ógerlegt en áreiðanlega mjög erfitt ferli og krefst sjálfsagt einhverrar heppni líka. Auk þess að það þarf að hugsa það mál mög vel hvort maður vill virkilega sinna herþjónustu með binditíma til einhverra 4 til 6 ára. Það er margt annað sem maður þarf að gera annað en að fljúga og yfirleitt fljúga herflugmenn ekki sérstaklega mikið á ári.

Aftur á móti er mjög algengt og ég þekki nokkra aðila sem hafa fengið blindflugsáritun sína í gegnum fyrirtæki sem hafa greitt fyrir það. Nú til dags er mjög dýrt að taka blindflugsréttindi á þyrlu en það getur kostað ca 2-2.5 millj. og fyrirtæki sem fljúga á borpalla á Norðursjónum borga það gjarna til að fá reyndan þyrluflugmann í vinnu til sín.

Ég er hræddur um að það sé einfaldast að byrja bara að spara og vinna mikið til að borga sjálfur fyrir flugnámið. Eins og kemur fram fyrir ofan þá verður hægt að læra hér heima og var reyndar hægt áður fyrr hjá Þyrluþjónustunni fyrir 1. jan 2005 þegar JAR-FCL 2 reglur tóku að fullu gildi hér fyrir þyrluflugnám.

Það er ekkert ókeypis í þessum heimi og eins og Aesir bendir á að þá þurfa þeir sem læra að fljúga hjá herjum að binda sig í vissan tíma eftir að herþjónustu lýkur. Það þarf ekki að vera alslæmt og svo getur vel verið að ef þú ferð þá leið að innrita þig í her að þér líki það vel og viljir hafa að ævistarfi. Stór hluti hermanna sér aldrei stríðsástand þannig að þetta getur verið fínt líf.

Ef þig langar að fara herleiðina þá skaltu hafa samband við sendiráð viðkomandi landa sem hafa her þar sem þig langar að læra að fljúga.

Gangi þér vel,
Helico.

ég vissi að ég þyrfti að vera í hernum nokkur ár ef ég myndi gera þetta