Skv. heimasíðu Flugskóla Íslands kostar það um 740.000 sem miðast við að þú gerir samning við Landsbanka Íslands.
Svo kemur inn ýmis konar kostnaður, þú þarft að verða þér úti um heilbrigðisskírteini, radíóskírteini, sakarvottorð og ýmislegt í þeim dúr. Þú þarft svo að verða þér úti um headset, hnébretti, plotter og reiknistokk, einnig AIP bók og ýmislegt í þeim dúr. Yfirleitt fylgja reyndar plotter og reiknistokkur með námsefninu en ég veit ekki hvernig það er hjá FÍ.

Svo þarftu að borga fyrir hvert próf sem þú tekur hjá FMS en þau verða að lágmarki 9 og kosta held ég 3500 hvert og eitthvað kostar svo verklega prófið hjá FMS líka.

Þú getur reiknað með allavega 850.000 kr sem þarf til þess að fá PPL skírteini.

Þegar þú svo ert kominn með einkaflugmannsskírteini þarftu eitthvað að geta flogið og til þess þarftu að þekkja einhvern vel sem á vél eða að þú þarft að kaupa þér hlut í vél sjálfur eða ganga í flugklúbb og það má reikna með um 250.000 kr þar (svo er mánaðargjald og flugtímagjald borgað mánaðarlega) en svo er það þannig að þegar þú hættir í klúbbnum færðu endurgreiddar þessar 250.000 kr.

Ég myndi segja að með ÖLLU, þá kosti einkaflugmaðurinn rétt undir millunni.
Best er að kaupa hlut í einhverri vél sem er á landinu, því að það er eiginlega ekki hægt að eiga vél einn. Gjöldin eru allsvakaleg árlega.
Ég á t.d. ódýra vél, og gjöldin af henni eru um 70 þús á mánuði, fyrir utan það ef eitthvað er flogið.
Svo kostar líka slatta að halda við réttindunum. Fyrir bara einkaflug, þarftu 2.flokks heilbrigðisskírteini, þannig að þær skoðanir eru ekki svo dýrar. (Fyrsta skoðun er samt dýr).
Svo þarftu að fljúga ákveðið mikið fyrir hver 2 ár, eða taka sérstakt próf. (Sem kostar slatta).
Þannig að þú ert kannski að borga 100 þús árlega (lágmark), til að viðhalda einkaflugmannsréttindum.
Gangi þér annars vel.