Málið með Jórvík var að menn þar voru allt of miklir draumóramenn. Allt var unnið af kappi frekar en forsjá og stjórnendurnir borguðu sér himinhá laun og unnu ekki í sæmræmi við það. Það gengur að sjálfsögðu ekki.
Banabiti Jórvíkur var tvímælalaust kaupin á vélum Ísleifs Ottesen (TF-JVH Cessna 402c, TF-JVG Cessna 404 Titan og TF-JVI Partenavia PN-68c). Sérstaklega þegar tekið er tillit til þess verðs sem vélarnar voru keyptar á (um 80 milljónir minnir mig). Einnig var það áætlunarflugið til Vestmannaeyja sem skilaði miklu tapi fyrir félagið á þeim mánuðum sem það var í gangi. Það var ekki fyrr en undir lokin þegar þeir fengu umsjón með sjúkraflugi á Vestfjörðum að það fór að sjá í smá ljósglætu, en þá var bara allt komið á kaf og ekki nokkur leið að bjarga hinu sökkvandi skipi!

Það var ætlun Jórvíkur að kaupa Jetstream 31 til rekstursins og fóru menn meðal annars erlendis í þeim tilgangi að skoða þannig vélar. En frekar en margt annað hjá Jórvík gekk það ekki upp.

Hvað stjórnendur Jórvíkur eru að gera í dag veit ég ekki. En efast um að þeir eigi afturkvæmt í flugbransann um sinn. Annars átti ég a.m.k. alltaf gott samstarf við þá og þetta eru hinir mestu sómamenn, nema þá skortir kannski vit á fjármálum og flugrekstri.