Fodgett fyrir 20 árum, 2 mánuðum Fjöldi lestra: 549

Umbreyting úr þjóðarskírteini í JAR skírteini

Er einhver hér sem hefur lent í vandræðum við að breyta úr þjóðarskírteini (CPL/IR + Frozen ATPL) yfir í JAR skírteini?

Samkvæmt JAR-FCL 1 þarf maður að hafa 500+ tíma á fjölstjórnarvél til að fá sömu réttindi í JAR skírteini og maður var með í þjóðarskírteini (CPL/IR + Frozen ATPL).
En hins vegar ef maður er ekki með 500+ tíma á fjölstjórnarvél fær maður aðeins JAR CPL/IR skírteini en missir frozen ATPL, þarf s.s. að taka bóklegu JAR ATPL prófin!

Ég hef heyrt af nokkrum dæmum erlendis þar sem menn hafa umbreytt úr þjóðarskírteini (CPL/IR + Frozen ATPL) yfir í JAR skírteini þó þeir séu ekki með 500+ tíma á fjölstjórnarvél. Þá hafa þeir fengið JAR CPL/IR skírteini og hafa svo frest til 1-2 ára til að komast upp í 500+ tíma á fjölstjórnarvél og fá þá Frozen JAR ATPL theory!

En þau svör sem ég fæ hér hjá flugmálastjórn er að ég missi algjörlega bóklegu ATPL prófin og þurfi því að taka öll JAR ATPL prófin af því ég er ekki kominn með 500+ tíma á fjölstjórnarvél! Og það virðist engu breyta þó maður sé kominn með vinnu á fjölstjórnarvél og verði líklega kominn með 500+ tíma á fjölstjórnarvél innan árs!

Ef einhver kannast við þetta eða hefur lent í svipuðum aðstæðum væri gaman að fá að heyra af því. Mér persónulega finnst þetta mjög vitleysisleg regla. Og einnig finnst mér furðulegt að FMS vilji ekki veita manni sama frest til að komast í 500+ tíma á fjölstjórnarvél og aðrar flugmálastjórnir í evrópu. (A.m.k. í Hollandi og Bretlandi (einu löndin sem ég hef athugað með)). Manni finnst eins og það ætti það sama að ganga yfir öll aðildaríki JAA sem gefa út JAR skírteini. Eða hvað finnst ykkur?

einstein fyrir 20 árum, 2 mánuðum

Samkvæmt 1.viðbæti við 1.005 í JAR-FCL 1 er sagt að sá sem er með >500 tíma sem PIC á að geta fengið JAA CPL/IR en er þá takmarkað við einstjórnar flugvélar, þar er ekkert sagt um að maður missi ATPL frozen. Hinnsvegar ef þú ert með týpuáritun þá er málið annað skilst mér. Vinur minn í Þýskalandi fór til Bretlands til að læra og kláraði þar CPL/IR ME ATPL frozen. Síðan fór hann til Florida og tók flugkennararéttindi þar og flaug síðan þar til hann var kominn með 510 PIC og eitthvað um 750 -800 total tíma. Hann fékk JAR CPL/IR ME þegar hann sótti um það til CAA UK og hann fékk að halda ATPL frozen. Ég held að Flugmálastjórn sé að mistúlka reglugerðina verulega og er ekkert að því að fá lögfræðilegt álit á því hver hefur rétt fyrir sér. Ég held að það sé lögfræðingur hjá FIA sem gæti hugsanlega hjálpað til. Ég ráðlegg þér að skrifa niður og merkja við þær reglugerðarklusur í JAR-FCL 1 sem við á og fara með það til lögfræðings FIA. En þetta er mín hugsun á málinu, kannski er ég að mistúlka reglugerðina sjálfur, en hver veit…

Góðar lendinga

Fyrra álit

Fodgett fyrir 20 árum, 2 mánuðum

Takk fyri

Fyrra álit

grizzly fyrir 20 árum, 2 mánuðum

Ég veit að FÍA var eitthvað að kanna þessi mál þar sem það er ekki hægt að taka af þér einhver réttindi sem þú ert búinn að vinna þér inn skv. lögum. Þetta er svona svipað eins og verkfræðingur sem hefði lært fyrir nokkrum árum byggingaverkfræði t.d. og þá væntanlega lært eitthvað um byggingareglugerðir. Svo væri þessari reglugerð breytt og það kæmi einhver ný Evrópu reglugerð um byggingar. Þá heldur viðkomandi verkfræðingur alveg réttindunum sínum. Þarna gætir misræmis og myndi að mínu mati alveg örugglega stangast á við jafnræðisreglu stjórnarskrárinnar.
Málið er að það hefur bara enginn farið og látið reyna á þetta, ég er t.d. viss um að umboðsmaður Alþingis myndi túlka þetta allt öðruvísi en FMS því það er ekki hægt að taka af þér réttindi sem þú hefur þegar unnið þér inn, ef það kemur ný reglugerði í faginu að þá átt þú að hafa sambærileg réttindi þar, segir sig eiginlega sjálft.

Þannig að ég held að þetta sé bara enn ein meinlokan hjá FMS um að gera flugmönnum erfitt fyrir með einhverju svona bulli.

Fyrra álit

deTrix25 fyrir 20 árum, 2 mánuðum

Það er tvennt sem ber að athuga í þessu grizzly og það er að 1) þetta er ekki ákvörðun FMS heldur ákvæði í JAR-FCL 1, og 2) það er ekki verið að ræða um réttindi sem þú hefur unnið þér inn hér á landi, heldur réttindi sem þú hefur unnið þér inn annarsstaðar og hefur þar.

Kveðja,
deTrix

Fyrra álit

Flug

Flug

Ofurhugar

Stjórnendur

Hverjir eru inni

Korkar - Almennt um flug

Umbreyting úr þjóðarskírteini í JAR skírteini

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi