Það er alsekki markmiðið, það sem markmiðið er, er að það er ólíðandi að flugmenn utan EES geti komið til Íslands og fengið fullgildingu á skírteininu sínu án nokkurra spurninga. Það er eitthvað sem íslenskir flugmenn geta ekki gert erlendis.
Gott dæmi um þetta er þegar Loftleiðir fengu nýjustu vélina sína B767 leigða frá USA. Þar sem vélin var á amerískri skráningu að þá þurfti að fá ameríska flugmenn til að fljúga vélinni til Íslands. Yfirflugstjóri Icelandair mátti ekki fljúga vélinni!
Annað mál er útaf skattskyldu Atlanta, því skv. íslenskum lögum ætti Atlanta að greiða skatta og skyldur starfsmanna sinna á svokölluðum ACE samningum þó að Atlanta noti það sem fyrirslátt að þeir séu verktakar. Málið er að íslensk loftför (TF skráð) eru íslenskt yfirráðasvæði og þar með gilda íslensk lög um starfsmenn þeirra hvort sem þeir eru íslenskir eða ekki.
Það liggur fyrir þingsályktunartillaga á Alþingi um þessi mál þar sem þetta er ítrekað að þeir sem vinna á íslensku landsvæði skuli njóta kjara skv. íslenskum lögum.

Apache,
Ég held að það væri bara enginn skaði þó að Atlanta flytti úr landi. Þetta fyrirtæki stendur ekki í skilum með launatengd gjöld af megninu af starfsfólki sínu, og ekki held ég að það skili miklum öðrum sköttum til þjóðfélagsins þar sem reksturinn hefur gengið brösulega undanfarin ár. Það sést best á því að þegar Búnaðarbankinn “keypti” hlut á fyrirtækinu, þá voru þeir eingöngu að breyta skuldum í hlutafé. Og þegar Magnús kom inn í vor, þá var það hlutafjár aukning. Þannig get ég ekki séð að það sé þjóðfélaginu til tjóns að þeir fari einhvað annað!

Og að það sé íslenskum flugmönnum til tjóns að þeir fari einhvað annað…….Þvílíkt bull!! Heyrst hefur að segja eigi öllum flugmönnum FFF hjá Atlanta upp og bjóða þeim endurráðningu á ACE! Ég held að það sé engum greiði gerður með því að vera á 175 dollurum á dag, án fríja, án veikindadaga og með viku í uppsagnarfrest! Auk þess sem þeir sem vilja eiga sjéns á vinnu hjá þeim þurfa að borga tékkinn sinn sjálfir og fara beint á þessi hrikalega góðu kjör. Sérðu sjálfan þig standa undir afborgunum á láni upp á 2.5 millur + allar aðrar skuldir sem þú ert með á bakinu þegar þú ert með um 180.000 kr. í mánaðarlaun? Nei, ég held að það væri íslenskum flugmönnum til góðs að þetta fyrirtæki færi einhvað annað.

Mér heyrist flestir flugmenn sem að ég hef talað við vera sammála því sem að þeir grizzly, B17 og otri skrifa hér. Þar að auki tel ég að þessar hótanir Atlanta um að flytja starfsemi sína af landi brott (þegar þeir eru ekki dásamaðir í bak og fyrir) vera algjörlega innantómar. Þeir eru ekkert betur settir með fyrirtækið annarsstaðar. Starfsemin hér á landi er ekki nema skrifstofufólk, millistjórnendur og stjórnendur. Fyrirtækið fær allt sem að það biður um, hvort sem að það er frá Flugmálastjórn eða Stjórnvöldum. Þessi batterí gera allt til að hjálpa þeim. Ekki má heldur gleyma því að umhverfið hér á Íslandi fyrir fyrirtæki er mjög gott; stöðugleiki og skattar á fyrirtæki hagstæðir. Ættli þessir stjórnendur kæri sig nokkuð um að þurfa rífa sig upp með fjölskyldur sínar út vegna einhverra ákúrra. Mér finnst þessar hótanir vera barnalegar svo vægt sé til orða tekið.
Eins og otri kom inn á, þá gerir það lítið til þó að Atlanta fari í burt. Þjóðarbúið myndi ekki verða vart við það, svo lítið skila þeir til landsins sem að er alltaf tilbúið að hjálpa þeim.
Skömm hafi þeir fyrir hroka sinn gagnvart Íslandi og íslendingum.

Þegar þú Apache færð vinnu sem flugmaður verður þér það fljótt ljóst að þeir einu sem bera hag þinn fyrir brjósti eru verðandi félagar þínir í FÍA og engir aðrir. Ég ætla að vona að þú þurfir ekki að starfa allan þinn feril sem starfsmaður áhafnaleigu því þá er betra fyrir þig að snúa þér að einhverju öðru strax. Allavega ekki stofna til hjónabands og fjölskyldu.
Atlanta er mjög sérstakt fyrirtæki. Það er stórt og hefur afrekað mikið en framkoma þeirra gagnvart íslenskum starfsmönnum,ekki bara flugmönnum, er til skammar og það er verið að vekja athygli á því þessa dagana og vonandi verður það til þess að þeir taki sig saman í andlitinu.
Allt tal um að þeir flytji allt sitt til “Lagos” eða eitthvert annað er innantómt hjal.
Þið sem skrifið hér mikið sjáið flestir hvað hér er um að ræða og vonandi munið þið allir í framtíðinni starfa hjá fyrirtæki sem er með kjarasamning við FÍA.