Ég er alveg sammála að þessi dagur var frábær á alla kanta. Ég var mjög ánægður með grillveisluna í hellinum þar sem ég er mikið matargat, Mýrdælingar og Víkurbúar eiga mikið hrós skilið fyrir móttökurnar fyrir austan.

Hópflugið gekk mjög vel og frábært að taka þátt í þessu öllu saman. Þetta er í fyrsta skipti sem ég tek þátt í hópflugi sem þessu og ég geri fastlega ráð fyrir að fara í þau fleiri.

Okkur strákunum í Flugklúbbi Íslands þótti gaman að viðra Aztecinn okkar þennan dag og sýna hann í Vík því þar átti hann heima í ein tíu ár. Vélin hafði ekki komið þangað síðan 1996 og því var þetta kærkomið tækifæri að sýna fyrri eigendum gripinn en Reynir lögregluþjónn í Vík átti þessa vél á sínum tíma.

Ég vil nota þetta tækifæri til að þakka þeim sem stóðu að hópfluginu og flugdeginum í Vík fyrir góðan gjörning.

Kveðja, Helico.

P.s. Man einhver hér hvað gilið heitir þar sem grillað var?