skyhawk fyrir 22 árum, 3 mánuðum Fjöldi lestra: 920

Verðlagning á flugvélabensíni

Hvað finnst ykkur um verðlagningu á flugvélabensíni?

Það er alveg greinilegt að botninn hefur dottið úr einkafluginu með þeirri geigvænlegu hækkun á eldsneyti sem verið hefur á undanförnum tveimur árum.

1. Hvað haldið þið að selt sé mikið magn af bensíni á árinu 2000
miðað við 1998?
2. Hvað haldið þið að Olíufélögin séu að fá í heildar framlegð af
bensínsölu á árinu 2000 miðað við 1998?

Það væri rosalega gaman að fá að sjá þessar tölur.

Ef ég tala fyrir sjálfan mig þá flaug ég 40 tíma ár árinu 2000 en aðeins rétt rúmlega 20 á síðasta ári.

socata fyrir 22 árum, 3 mánuðum

Samkeppnisstofnun er að skoða þetta mál

Fyrra álit

bvlgari fyrir 22 árum, 3 mánuðum

Ég er ekki pilot og veit þar af leiðandi ekki
jackshit um þetta, en langar svona forvitnast hvað
kostar þetta??

Fyrra álit

grizzly fyrir 22 árum, 3 mánuðum

Sorry guys!!!

Ég eyddi óvart út svarinu sem var hérna þegar ég ætlaði að svara því en það hljóðaði einhvernvegin svona: “Líterinn kostar 75kall og er verið að rannsaka verðmyndunina á því.”

Endilega sendu inn svarið aftur!!!!!

Fyrra álit

deTrix25 fyrir 22 árum, 2 mánuðum

Já, þú ert nokkuð duglegur á del-takkanum.

Fyrra álit

grizzly fyrir 22 árum, 2 mánuðum

Það vill svo til að Eyða út svari og Svara grein eru hlið við hlið eða því sem næst!!!!!

Ég er annars ekki að leika mér að því að eyða út svörum ef þú ert að gefa það í skyn.

Fyrra álit

skyhawk fyrir 22 árum, 2 mánuðum

Það er mjög gott að verið sé að rannsaka verðmyndun á flugvéla eldsneyti. Ég er sannfærður um að það okur sem viðgengst hjá Olíu-félögunum sé stór þáttur í hnignun einkaflugs á Íslandi. Ekki bætir svo rauðsokku kjaftablaðrið um flugvöllinn í BIRK.

Mottóið er: Höldum þessum góða ný uppbyggða flugvelli í borginni hann er okkur öllum til sóma.

Fyrra álit

Kristbjorn fyrir 22 árum, 2 mánuðum

Þegar menn eru að nöldra yfir einhverju er gaman að hafa staðreyndir á bak við sig. Staðreyndin í bensínmálinu er að flugvélabensín er ódýrt á Íslandi.

Flugvélabensín kostar í dag 75 kr./liter á Reykjavíkurflugvelli. Af því er virðisaukaskattur 15 kr., þannig að verð án VSK er 60 kr./liter. Það gera 228 kr./USG eða 2.20 $/USG (eða 2.75 með vaski)

Meðalverð í Bandaríkjunum er frá 2.18 $/USG í Oklahoma upp í 2.73 $/USG í Vermont (samkvæmt AirNav, http://www.airnav.com/).

Ég vil þess vegna halda því fram að álagning olíufélaganna sé ekki stærsta vandamálið í íslensku flugi þessa daganna. Við erum að borga það sama fyrir bensínið og Kaninn, og það eftir gengisbreytingarnar síðasta árið.

Mín kenning er sú að flugtímarnir séu orðnir þetta dýrir vegna þess að rekstarkostnaður íslenskra flugvéla er of hár. Íslenskar flugvélar eru flestar orðnar fullorðnar og rúmlega það, auk þess sem þeim er almennt flogið allt of lítið. Menn ná sjaldan fullum TBO út úr mótorum vegna notkunarleysis, og menn eru að skemma skrúfur og lakk á malarvöllum.

Athugið líka þessar tölur.
Cessna 152, einn tími í kennslu, ca. meðaltalsverð af vefsíðum nokkurra flugskóla:
Bretland 90 pund, 13.000 kr.
Bandaríkin, 60 dollarar, 6.180 kr.
Ísland, Flugskóli Íslands, 9.350 kr.

Það er semsagt ennþá mun ódýrara að fljuga á Íslandi en á Bretlandi, en miðað hvað bensínið er ódýrt hérna ætti það að geta verið á svipuðu verði og í Bandaríkjunum.

Verðhækkunin þegar bensínið fór úr 50 kr. í 75 kr. á litra var löngu orðin tímabær þegar hún loksins kom fram í fyrravor.

Kristbjörn - ætlar ekki að nöldra út í olífélögin

Fyrra álit

otri fyrir 22 árum, 2 mánuðum

Þú talar um réttar forsendur…

Kannaðu hvað skattlagningin (já, skattlagningin) er mikil í USA.

Við vitum hver hún er á Íslandi. Fyrir ekki mörgum árum síðan var hún 0% á Íslandi.

kveðja,

Otri

Fyrra álit

deTrix25 fyrir 22 árum, 2 mánuðum

Ég er ekki að gefa það í skyn að þú sért að eyða út svörum, ég er að segja það. Þetta er annars ekki rétta greinun til þess að ræða um þetta, við ættum að opna kork sem heitir Korkar og Greinar sem Grizzly eyðir.

deTrix

Fyrra álit

skyhawk fyrir 22 árum, 2 mánuðum

Kristbjorn segir að þessi hækkun hafi verið löngu tímabær. Ég veit ekki hvaða þættir urðu til þess að allt í einu varða að hækka eldsneytið svo mikið og í guðanna bænum ekki halda því fram að olíu barónarnir hafi bara “gleymt” að hækka bensínið í nokkur ár og allt í einu þurft að leiðrétta verðið. Nei þeir hafa sko aldrei verið frægir fyrir að gleyma verðum.

Þú sérð bara núna hvað þetta er að gera fyrir einkaflugið. Hvað er um að vera í fluggörðum? Það eru nokkrir Geirfuglar að fljúga og aðrir ekki.

Ég er ekki bara að hallmæla einokunar hækkun á flugvéla bensíni bara til að “nöldra” út af einhverju. En eitt er á hreinu að framlegðin á flugvéla eldsneytinu er örugglega minni hjá OLÍS/SHELL í dag heldur en hún var fyrir 2-4 árum síðan.

Fyrra álit

Kristbjorn fyrir 22 árum, 2 mánuðum

Magnið sem er selt af flugvélabensíni er mjög lítið, miðað við bílabensín, dísel eða JET-A. Mér skilst að félögin taki sig saman og fái einn skipsfarm af þessu á nokkurra ára fresti. Það er þess vegna ekki skrýtið þó verðbreytingar verði í stórum stökkum.

Bensín á meðal einshreyfils vél (10 gallon/tíma) kostar 2.850 kr á flugtíma. Fyrir hækkun kostaði það 1.900 kr (fyrir Cessnu 150 verða tölurnar 1.425 og 950 kr.) Það er síðan allur annar kostnaður sem gerir það að flugtími kostar 4-10.000 kr, ef ekki meira.

Besta leiðin til að lækka annan kostnað en eldsneyti er að láta vélarnar fljúga mikið, eins og Geirfugl er að reyna.

Auðvitað vil ég hafa bensínið áfram á 50 kr., eða helst ennþá lægra. Ég held því bara fram að bensínverðið sé ekki stærsta vandamálið. Sjáið Flugskóla Íslands, þar sem tímagjald fyrir C-152 er rúmlega fimmfalt bensínverð. Í hvað fara þessir peningar ?

Einkaflugið er að deyja úr aumingjaskap og engu öðru. Það má enginn framkvæma neitt í fluggörðum út af þessu flugvallarmáli. Síðustu árin hafa örfáar einkaflugvélar verið keyptar til Íslands, flestar af Geirfugli. Á sama tíma höfum við flutt inn tugi þúsunda af einkabílum, þar af fleiri þúsund margra milljóna jeppa og lúxusbíla.

Það þarf að sparka í afturendann á einkaflugmönnum, og fara að vinna í uppbyggingu. Reykjavíkurflugvöllur er blindgata, við komum ekki til með að geta verið þar meira en 15 ára í viðbót, hvað svo sem verður með áætlunarflugið. Það hefði átt að gera skurk í þessu áður en flugbrautirnar voru endurnýjaðar, og nota peningana í að byggja upp nýjan flugvöll á Tungubökkum, við Rauðavatn, á Álftanesi, Álfsnesi, eða hvar sem er annars staðar en í Keflavík.

Með baráttukveðjum,
Kristbjörn

Fyrra álit

skyhawk fyrir 22 árum, 2 mánuðum

Auðvitað er einkaflugið að deyja úr aumingjaskap. Það er rétt Geirfuglarnir standa sig vel og einnig eru Þyts menn að koma sterkir inn. Það er einnig rétt hjá þér að allt of fáar vélar hafa verið keyptar til landsins, en einnig er verið að selja vélar út.

Það þarf kraft í þetta og eigum við ekki að vona að það komið með hækkandi sól og svo var nú hópur flugmanna að kaupa Múlakot þannig að þetta er ekki bara dauði og djöfull.

Fyrra álit

socata fyrir 22 árum, 2 mánuðum

Tökum höndum saman og hættum að láta valta yfir okkur, ég er ekki allveg viss en ég heyrði að flugvélabensín 100LL væri flutt inn tvisvar á ári.

Socata

Fyrra álit

Flug

Flug

Ofurhugar

Stjórnendur

Hverjir eru inni

Greinar

Verðlagning á flugvélabensíni

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi