Kristbjorn fyrir 22 árum, 3 mánuðum Fjöldi lestra: 970

Veikindi flugumferðarstjóra og lokun BIRK

Eins og fram hefur komið á korkum ákvað Flugmálastjórn að
banna einka- og kennsluflug frá Reykjavíkurflugvelli
síðastliðinn sunnudag eftir að 15 af 23 flugumferðarstjórum á
vakt tilkynntu veikindi. Þetta gerðist á björtum og fallegum
sunnudegi í frábæru flugveðri. Þetta var einn af þessum
dögum þegar loftið yfir Íslandi ætti að vera fullt af
einkaflugvélum að njóta veðursins, en nú var það stöðvað
vegna kjaradeilu flugumferðarstjóra.

Nú ætla ég ekki að efa það að allir þessir flugumferðarstórar
hafi fengið svona líka bráðsmitandi flensu, en mér finnst
viðbrögð FMS skrýtin. Hefur FMS rétt til þess að gera svona
upp á milli áætlunarflug og einka- og kennsluflugs ?

Samkvæmt reglum ber að veita öllum loftfförum í íslensku
loftrými flugupplýsingaþjónustu, og er hvergi tekið fram að
sum loftför skuli hafa forgang að þeirri þjónustu. Nú kom upp
sú staða að FMS hafði ekki mannskap til að halda úti fullri
þjónustu og klippir þá alveg á allt einkaflug, og það þó
sjónflug í loftrými D þurfi nánast enga þjónustu.

Auðvitað eru flugfélögin fljót að væla um tapaðar tekjur og
milljónakostnað, en það er ekki hægt að reikna með því að
svona stopp kosti einkaflugið ekkert. Hver einasti
góðviðrisdagur sem einkaflugið er grándað þýðir tapaðan
flugtíma. Það þýðir að menn missa æfingu, flugnemar missa
áhugann og tilvonandi farþegar missa af tækifæri til að sjá
Íslenska náttúru skarta sínu fegursta. Þetta er eitt af því sem
er að drepa einkaflugið. Þegar menn lenda alltaf í öðru sæti,
fá ekki að stunda lendingaræfingar, eru læstir úti af
flugvellinum, fá ekki að lenda í Vestmannaeyjum, eða hvað
það nú er, þá hætta menn að standa í þessari vitleysu.

Kjaradeila flugumferðarstjóra er skandall, og það ætti að vera
löngu búið að leysa þá deilu (helst með því að rassskella
flugumferðarstjóranna, en látum það liggja á milli hluta). Það
er hins vegar engin réttlæting á svo harkalegum viðbrögðum
sem að banna allt einka- og kennsluflug. Síðasta sumar var
Vestmannaeyjaflugvelli lokað fyrir einkaflugi um
verslunarmannahelgina. Í gær var Reykjavíkurflugvelli lokað.
Þetta þykir ekki fréttnæmt, og ef við hreyfum okkur ekki, þá
endar það eins og í Evrópu þar sem einkaflug er svo gott sem
bannað.

Ég sendi flugumferðarstjórum heillaóskir og von um skjótan
bata.

Kristbjörn

eggertsae fyrir 22 árum, 3 mánuðum

Ég bara skil ómögulega hvaðan þeir hafa þennan rétt. Skv því sem ég lærði í mínu námi, þá er sjúkraflug það eina sem hefur forgang, fyrir utan náttúrulega neyðarástand.

Fyrra álit

Atari fyrir 22 árum, 3 mánuðum

Þeir hafa ekki lengur verkfallsrétt, hann var dæmdur af þeim. Þetta er þeirra eini réttur og hafa þeir fullan rétt á nýta sér hann með ríkisstjórnin er ekki á þeim nótunum að semja. OG svo þetta væl um einkaflug.. ok ég skil það að það er hræðilegt að geta nýtt sér svona frábæran dag og er vont að geta sinnt sýnu hjartans áhugamáli vegna deilna einhvers 3ja aðila. En málið er þú verður að forgangsraða þessu. Hvort skiptir meira máli, hobbyflug einstaklinga, sem hefðu ef skýjað væri líklega bara hangið heima, eða áætlanir hundruði manna um að geta komist á sinn áfangastað til fjölskyldu sinnar og til að geta sinnt sinni vinnu. Ég held tvímælalaust að allir velji síðari kostinn.

:: how jedi are you? ::

Fyrra álit

eggertsae fyrir 22 árum, 3 mánuðum

Ég er alveg sammála að farþegaflug skipti meira máli, en eftir því sem ég best veit, þá hélt ég að FMS hefði ekki rétt til að gera þetta.

Það getur svo sem vel verið að þeir megi það, og ef það þarf að takmarka þetta eitthvað, og þeir verða bara að gera eitthvað, þá er náttúrulega frekar að stoppa einkaflugið, heldur en farþegaflugið.

En hvernig er það þá. Ef tvær vélar biðja um IFR heimild á sama tíma, önnur í einkaflugi og hin í farþegaflugi, hefur þá farþegaflugið einhvern forgang????

Fyrra álit

Kristbjorn fyrir 22 árum, 3 mánuðum

Það er enginn að tala um að banna áætlunarflug, ég er að tala um að banna ekki einkaflug. Einkaflug þarf mun minni þjónustu en áætlunarflugið. Og kennsluflugið er langt frá því að vera hobbíflug einstaklinga. Það er hluti af dýru námi, og það er atvinna fjölda manns. Flugkennarar fá ekki borgað fyrir að sitja á jörðinni.

Þegar umferð er takmörkuð vegna vegavinnuframkvæmda bannar Vegagerðin ekki jeppa og einkabíla en hleypir rútum framhjá.

Áætlunarflugið treystir á einka- og kennsluflug til að fá hæfa flugmenn. Ef alltaf er sparkað í einkaflugið endar það með því að stóru flugfélögin þurfa að ráða óreynt fólk og þjálfa upp í flugmenn. Það hefur ekki gefið góða raun.

Kristbjörn

Fyrra álit

skyhawk fyrir 22 árum, 3 mánuðum

Þett er nú að verða stór furðulegt. Það er til félag sem heiti “FIE - Félag íslenskra einkaflugmanna” þetta félag mætti láta bera meira á sér og standa frammi fyrir mótmælum í svona tilfellum. Svona félög eiga að virka en því miður er þetta voða máttlaust!

Fyrra álit

grizzly fyrir 22 árum, 3 mánuðum

FÍE er búið að vera í mikilli baráttu við FMS og hún er ekkert búinn. Kíktu bara niður í fluggarða á laugardagsmorgnum og þá veistu hvað ég er að tala um.

Málið er bara að við erum svo fáir og mikill minnihlutahópur að það sem við höfum að segja er hlustað á en svo varla neitt meir.

Fyrra álit

Kristbjorn fyrir 22 árum, 3 mánuðum

Nú hef ég kíkt niður í Fluggarða nokkra laugardaga (um eða eftir hádegi að vísu) og sé yfirleitt ekkert annað að hópa af fólki að skiptast á reynslusögum og ræða pólitík. Það er góðra gjalda vert, en ég sé ekki hvað það hefur með réttindabaráttu að gera.

með kveðju,
Kristbjörn

Fyrra álit

pablohoney fyrir 22 árum, 3 mánuðum

Sælir félagar.

Við sem flugmenn ættum að láta heyra meira í okkur. Láta blöðin vita um ástand mála hjá litlu klúbbunum. Einnig ættum við að gera undirskriftarlista og heimta að deilan leysist.
Nemendur verða fyrir barðinu á þessu ástandi, einkaflugmenn, flugkennarar, flugskólar og flugfélög.
Við erum bara þolendur og lendum verst í þessu!! Flugumferðarstjórar hafa sérstaka neyðaráætlun þegar fámennt er og er einka- og kennsluflug neðst á listanum, þannig að við erum fyrstir til að fjúka og auðvitað er það óþolandi ástand.

Fyrra álit

skyhawk fyrir 22 árum, 3 mánuðum

Já svo að grissly segir að FÍE sé í stanslausu stappi við FMS. Ég hef nú ekki tekið eftir því og eins og kristbj. þá hef ég sótt laugard.morgna í fluggarðana og rætt um allt milli himins og jarðar en minna verið gert. Það þarf að láta kné fylgja kviði og gera eitthvað í málunum.

Fyrra álit

piper fyrir 22 árum, 3 mánuðum

Hæ gæs,
ég var rlendis þegar þetta gerðist, var kennsluflugið líka bannað??
það er nefninlega atvinnuflug líka?
Kv.
P

Fyrra álit

Kristbjorn fyrir 22 árum, 3 mánuðum

Áætlunarflug fékk að fljúga, ekki einka- og kennsluflug. Ég veit ekki með verkflug eða leiguflug.

Kristbjörn

Fyrra álit

eggertsae fyrir 22 árum, 3 mánuðum

ég held að málið sé að við sem erum að fljúga þessum litlu vélum, hvort sem það er kennslu flug eða einkaflug erum svona óskilgetin. Við erum minnihlutahópur, og almenningsálitið er ekki með okkur. Einnig það að við höfum nákvæmlega engan þrýstikraft á bak við okkur.
Ég er ekki að segja að þetta eigi að vera svona, eða að ég sé hrifinn af því, en þeðan þetta er svona, þá verðum við alltaf neðst á forgangslistanum.

Fyrra álit

otri fyrir 22 árum, 3 mánuðum

Punkturinn er sá að FMS hefur a.ö.l. ekki rétt til að skilgreina traffík og banna einum en ekki öðrum að njóta flugumferðarþjónustu. (Gott dæmi með vegavinnuna hér fyrir ofan.)

Þeir hefðu getað takmarkað flug á Reykjavíkurflugvelli við blindflug og stoppað þannig smáfuglana, en þarna var staðan sú að þeir þjónustuðu eingöngu sjónflug en bönnuðu GA (General aviation).

Þetta hefur ekkert með almenningsálit, skoðanir einstaklinga, eða FÍE að gera. FMS settu tímabundnar reglur sem þeir höfðu ekki rétt til að gera.

kveðja,

Otri

Fyrra álit

eggertsae fyrir 22 árum, 3 mánuðum

Það sem ég er að meina er að ef litlu fuglarnir væru sterkari samtök, þá hefði FMS ekki leyst sér að gera þetta.

Fyrra álit

Fresca fyrir 22 árum, 3 mánuðum

Það er alveg fjarr iþví að þetta hafi ekki haft áhrif á atvinnuflugið. Í KEF fékk ein flugvél að fara á hálftíma þannig að þær véar sem áttu fara fyrir átta voru sumar ekki að fara fyrr en undir hádegi. Það sama gilti um lendingar, vélarnar gátu ekki komið aftur og t.d. fékk vélin sem var að koma frá Frankfurt ekki að fara þaðan fyrr en klukkan þrjú og ekki lent á Íslandi fyrr en klukkan að verða átta um kvöldið. Þetta hafði þau áhrif að tvö flug til USA voru felld niður þennan dag.

Þannig að það er ekki rétt að atvinnuflugið fékk að vera óáreitt.

Kveðja
Fresca

Kveðja

Fyrra álit

Kristbjorn fyrir 22 árum, 3 mánuðum

Það er rétt að atvinnuflug tafðirst mikið í Keflavík, en hér hafa menn verið að tala um Reykjavíkurflugvöll og gerræðislegar reglur sem þar voru settar. en lítum aðeins á hvað gerðist í Keflavík…

Nú þekki ég ekki mikið til þess hvernig þessi vinna virkar yfirleitt hjá flugumferðarstjórum, en af hverju bara ein vél á hálftíma ? Það þýðir að ein vélin er komin langleiðina ti Hornafjarðar áður en sú næsta fer í loftið.

Þeir voru með fimm manns á vakt, það ætti að vera einn með BIRK og Reykjavík aðflug, einn með BIKF, einn með Keflavík aðflug og tveir til að leysa af. Er mér að yfirsjást eitthvað stórkostlegt, eða hvaða vitleysa er þetta eiginlega ?

Kristbjörn

Fyrra álit

egk fyrir 22 árum, 2 mánuðum

Kæri Kristbjörn ég er hræddur um að þín yfirsjón sé þónokkur, þannig er nú mál með vexti að á venjulegum degi eru fimm til sex manns að vinna í BIKF en þennan örlagaríka sunnudag voru þeir bara tveir. Það er nokkuð mikil undirmönnun. Þetta leyddi það af sér að þeir sem voru á vakt þurftu að standa vaktina í 11 klukkutíma. Þar af leiðandi voru settar þónokkrar hömlur á það flug sem fór um BIKF þennan dag. Ég er ekki í neinni aðstöðu til að tjá mig um BIRK því ég þekki ekki hvernig ástandið var þar þennan dag en það er samt í lagi að menn hafi grænan grun um það hvað þeir eru að segja áður en menn koma með staðhæfingar sem þessar. En ástæðan fyrir þessu hálftíma milli véla er sú að samkvæmt viðbúnaðaráætlun BIKF er þar sagt að aðeins 1 aðflug og 1 brottflug skuli vera á hverjum klukkutíma, nema milli 7 og 9 þá er gert ráð fyrir 4 hreyfingum því þá er mest að gera. Viðbúnaðaráætlun þessi er saminn með því markmiði að öryggi verði í fyrirrúmi !! sem við erum allir sammála um að sé eitt aðalatriðið í fluginu.

Bara ein spurning að lokum, myndir þú treysta þér til þess að fljúga stanslaust í 11 tíma og ná svo að halda einbeytingu til að taka öruggt aðflug ?

Með von um betri sjón í framtíðinni
kveðja EGK

Fyrra álit

Kristbjorn fyrir 22 árum, 2 mánuðum

Gaman að fá betri upplýsingar. Ég hef ekki mikið vit á flugumferðarstjórn, þar sem ég hef aðallega átt við hana sem flugmaður í sjónflugi.

Það er óþolandi að menn skuli þurfa standa vaktina í 11 tíma, og ég skil það vel að það geti valdið vandræðum. Ég skil samt ekki alveg þessar reglur með 2-4 hreyfingar á klukkutíma. Hvað tekur “eitt aðflug” langan tíma ? Sem farþegi í áætlunarflugi upplifi ég þetta yfirleitt sem 20-30 mínútna prócess frá því að vélin byrjar að lækka flugið.

Ég vil að sjálfsögðu að öryggið sé í fyrirrúmi, en mér finnst þetta samt skrýtnar tölur.

Ég treysti mér ekki til að halda einbeitingu eftir 11 tíma, og ég ætlast ekki til að nokkur maður geri það. Þess vegna skora ég á flugumferðarstjóra að hætta þessum skrípaleik og fara að mæta í vinnuna.

Kristbjörn

Fyrra álit

egk fyrir 22 árum, 2 mánuðum

Sæll aftur, það var gaman að vita það að þessar upplýsingar hafi komið að notum. Þessar reglur eru hugsaðar þannig að það geti aldrei verið “conflict” í svæðinu, hvorki í aðflugi né hjá turni hvort sem það er á grundu eða í lofti.

Ég er sammála því að þetta ástand er illa þolandi og ekki leggjandi á nokkurn mann að halda einbeitingu í þennan tíma, vitandi það að hann ber mikla ábyrgð og verður að standa pottþéttur að öllu því sem hann gerir.

En við verðum að átta okkur á því að þetta ástand er ekki hægt að skrifa á Flugumferðarstjóra þeir eru að reyna að bót á sínum kjörum og hafa reynt að fara í verkfall sem eru sjálfsögð mannréttindi en hann Davíð stóri stjóri einfaldlega bannaði þeim það og kúkaði á þá fyrir framan alþjóð. Þannig að þá var næsta úrræðifyrir þá var að fara í yfirvinnubann. Því miður virðist það vera þannig að stjórnvöld hafi ekki vilja til að semja við flugumferðarstjóra. Mér þykir það leytt að mönnum finnist það skrípaleikur þegar stétt er að berjast fyrir sínúm réttindum.

Nú skulum við vona að þetta mál fari að leysast svo öll dýrin í skóginum geti verið vinir og lifað saman í sátt og samlyndi.

Kveðja EGK

Fyrra álit

[Notanda eytt] fyrir 22 árum, 2 mánuðum

Sæll EGK,

Ég hef nú samt einhvernvegin trú á því að hægt hefði verið að redda Flugleiðavélunum öllum út án þess að það hefðu til komið þessar seinkanir. 1,2 eða 3 vélar í aðflugssvæðinu allar á leið í sömu átt (til Evrópu ef þetta var að morgni til). Ég get ekki að það auki álagið á flugumferðarstjóran eitthvað margfalt að bæta einni eða tveimur vélum í svæðið, ætti frekar að vera til þess að hann myndi halda athygli.

En ég er hins vegar alveg sammála því að 11 tíma törn er svona í það lengsta. En hvernig er það, hvað eru vaktirnar langar venjulega? Eru þetta bara helgarvaktirnar sem eru svona langar? Og hvað er unnið lengi í einu á vöktum þ.e.a.s. 1 klst og svo 1 klst í pásu eða hvað er “reglan”??

Svo er eitt sem pirrar mig alveg svakalega þegar menn eru að segja að verkfallsréttur séu mannréttindi. Þetta er hroki og ekkert annað. Mannréttindi eru viss réttindi sem vissar stéttar í mörgum þjóðfélögum hafa, en EKKI mannréttindi. Sjá t.d. http://www.islandia.is/bo/mannrettindi/

Svo er það með þessa blessaða Flugumferðarstjóraflensuna. Þetta getur hafa verið óheppileg tilviljun að 15 af 23 flugumferðarstjórum hafi mætt til vinnu þennan örlagaríka sunnudag en EF þetta hafa verið samantekin ráð þá er verið að misnota einn af mikilvægustu réttum launþega, sem mér finnst alveg svívirðilegt.
Þetta lítur allavegana ekki vel út fyrir almenning og safnar engum stigum í “vinsældarkostningu” flugumferðarstjóra.
Ég skil samt að vissu leiti að þeir vilji fá bætt kjör, en það sem þeir eru að gera núna er að safna sér óvild meðal almennings og það kæra sig allir kollóttan þegar Davíð “kúkar yfir flugumferðarstjóra”. Það vorkennir enginn þessar stétt, eða eins og Garri segir í DV þriðjudaginn 29.janúar:
"Þeir [Flugumferðarstjórar] eru orðnir hataðasta stétt landsins og það er einungis tímaspursmál hvenær sá draumur þeirra rætist að gamlar konur hræki á þá sjáist þeir á almannafæri"

Kveðja Eu

Fyrra álit

pablohoney fyrir 22 árum, 2 mánuðum

eureka.

Að sitja fyrir framan radar í 11 tíma tekur sjálfsagt mikið á sérstaklega ef það sé mikil umferð. Að sitja í flugvél og kenna í 2 tíma er mjög erfitt, þannig að sitja í myrkrakompu í 11 tíma tekur enn meira á. Athygli dvínar mjög mikið með tíma, eins og Holger Torp kenndi okkur (vigilance effect- 30 mín). Þess vegna er nauðsynlegt að ná að hvíla heilasellurnar í nokkrar mínútur á milli véla og er þetta allt gert til að auka öryggi.

Aðalmarkmið flugumferðarstjóra er A) að varast conflict á milli véla og véla og hluta. Einnig að B) expedite and maintain an orderly flow of air traffic eins og Valdimar dídada kenndi okkur.
Eins og EGK segir þá eru sérstakar neyðarráðstafanir þegar upp kemur svona ástand.

Ég held að enginn sé að leika sér að vera veikur. Ég vil ekki vera að fljúga og vita af einhverjum manni, sem er að stjórna umferðinni, hálfveikum.

Fyrra álit

sueno fyrir 22 árum, 2 mánuðum

Kæri eureka
Ef að þú ert að pirra þig á því að það er verið að kalla verkfallsréttinn mannréttindi það er kannski rétt hjá þér, EN réttur hverrar manneskju er heilagur og það má ekki taka hann af neinum nema hann hafi sannanlega fyrirgert þeim rétti sínum og ég veit ekki til þess að flugumferðarstjórar hafi gert neitt til þess að fyrirgera rétti sínum til verkfalls.
Málið er það að það er mannréttindabrot að taka vrkfallsréttinn af flugumferðarstjórum hvort sem verkfallsrétturinn er mannréttindi eða ekki.

in your dreams Sueño

Fyrra álit

Kristbjorn fyrir 22 árum, 2 mánuðum

Þessi réttindi fram og til baka eru of flókin til að hægt sé að alhæfa svona. Flugumferðarstjórar eru að skerða athafnafrelsi flugmanna með þvi að banna einkaflug. Atvinnuréttindi áætlunarflugmanna og ferðafrelsi farþega er líka í uppnámi.

Svo er það öll romsan um starfsréttindi og lögvernduð störf. Flugumferðarstjórar geta sett á yfirvinnubann og bannað þar með öllum félagsmönnum að mæta í yfirvinnu og drýgja þar með tekjur sínar. Er það ekki líka skerðing á réttindum ?

Hvaða réttindi skipta mestu máli ?

Samfélag þrífst ekki nema með tillitssemi.

Kristbjörn

Fyrra álit

otri fyrir 22 árum, 3 mánuðum

Hver var að tala um það að atvinnuflugið hafi ekki fengið að vera óáreitt? Fresca minn, lestu greinarnar áður en þú byrjar að svara ;)

Það sem verið var að tala um hvort að FMS hafi RÉTT til þess að draga flug í dilka? (Þessi má fljúga en ekki þú?)

kveðja,

Otri

Fyrra álit

Voffogmja fyrir 22 árum, 3 mánuðum

Ég átta mig ekki hvaðan þú hefur upplýsingar um lokun Vestmannaeyjarflugvallar í fyrra hann var hvorki lokaður á föstudeginum né mánudeginum þegar ég flaug þangað. Það voru ekki neinar athugasemdir gerðar við flug mitt þannig að ef þú gætir varpað ljósi á þessa meintu lokun þá væri gaman að fá hana og samkvæmt NOTAMINU þá kemur allt annað fram einnig á fundinum sem FMS hélt fyrir Veslunarmannahelgina.

Varðandi annað er kemur fram í grein þinni þá er það náttúrulega slæmt þegar svona aðstæður koma upp en hinsvegar ef málin eru skoðuð þá hefur FMS lögin með sér varðandi hver og hverjir fara í loftið einsog skýrt kemur fram í lögum númer 60 frá 1998.

Ég fyrir mitt leyti hef skilning á því að tekið sé til einhvers konar flokkunar á flugumferð þegar aðstæður sem þessar skapast. Þegar litið er á hvað er í húfi fyrir fyrirtæki er starfa á þessum markaði sem hafa orðið fyrir miklum áföllum undanfarið þá er þetta í hæsta máta eðlileg ráðstöfun.

Að láta svona hluti pirra sig og nöldra yfir því er svo sem gott og blessað en að jagast látlaust útaf smáhlutum eins og Kristbirni hættir til er fullmikið af því góða.

Ég veit ekkert skemmtilegra en að fara í flugtúr njóta þess og er ekki komin tími til að rætt sé um það góða í fluginu eða eru menn það blindir að það slæma er það eina er kemst fyrir.

Fyrra álit

Kristbjorn fyrir 22 árum, 2 mánuðum

Sælir

Mér hættir vissulega til að pirra mig á smáhlutum, og viðurkenni ég það fúslega. Margt smátt gerir eitt stórt. Ég tel hins vegar að nýju loftferðalögin séu stórmál, og þetta verkfall flugumferðarstjóra getur orðið að stórmáli.

En svo ég svari nú póstinum efnislega.

Síðustu verlunarmannahelgi gaf FMS út langt og ítarlegt NOTAM um flugumferð í kringum Eyjarnar yfir helgina. Flest sem fram kom var mjög jákvætt, enda voru öryggismál í kastljósinu eftir Skerjafjarðarslysið. Þar var tekið fram að á föstudag og mánudag væri einkaflug takmarkað við flugmenn sem hefðu haft samband við FMS og fengið sérstakt leyfi. Öll orðan NOTAMsins benti til þess að þeir vildu ekki sjá neina smáfugla nálægt Eyjunum. Þetta varð að mínu viti til þess að margir héldu sig frá Eyjunum, þó að “bann” sé kannski of sterkt orð. Sjálfur fór ég í flug frá Múlakoti og til Víkur og yfir Mýrdalsjökul frekar en að standa í stappi til að komast til Vestmannaeyja.

Ég hef reynt að finna lagaheimildir fyrir þessari flokkun á flugumferð, í lögunum fann ég eftirfarandi:
“ 75. gr. Flugumferðarþjónustu skal veita loftförum til að tryggja flugöryggi.”

Og heimildir til takmörkunar eru:
“4. gr. Þegar brýna nauðsyn ber til, svo sem vegna almannaöryggis eða allsherjarreglu, getur samgönguráðherra takmarkað eða bannað loftferðir almennt eða um hluta af íslensku yfirráðasvæði.”

“70. gr. Flugmálastjórn er heimilt að takmarka aðgang að flugvöllum og flugvallarsvæðum, umferð um þau og dvöl loftfara á þeim, svo og að banna umgengni eða dvöl á slíkum svæðum ef hún telur það nauðsynlegt vegna öryggis.1)” (þetta virðist aðallega eiga við um BIKF)

FMS hefur semsagt lagaskyldu til að veita flugumferðarstjórn, en ekki heimild til að takmarka flugumferð, nema hvað varðar umferð um flugvelli. Ráðherra hefur einn réttindi til að takmarka flugumferð.

Það sem ég er að gagnrýna er að þeir sem minnsta þjónustu þurfa eru látnir sitja á hakanum. Á dæmigerðum flugtúr frá BIRK segi ég ca. sjö setningar við Flugumferðarstjóra. Ég sé sjálfur um aðskilnað frá öðrum loftförum og ákveð sjálfur mína vektora. Ég þarf lítið á flugumferðarstjórum að halda, og vil ekki að þeirra kjaradeila stoppi mig.

Einnig er rétt að geta þess að ég hef sent inn nokkra pósta um skemmtilega partinnn af fluginu. Til að lyfta skapinu mæli ég með nýju og endurbættu myndasafni geirfugls, sjá www.geirfugl.is.

Kristbjörn

Fyrra álit

Voffogmja fyrir 22 árum, 2 mánuðum

Þú svarar nú sjálfur hluta af þeirri spurningu sjálfur þar sem þú veltir fyrir þér hvaðan FMS hefur heimild til að sétja á svona takmarkanir.

Og heimildir til takmörkunar eru samkvæmt lögum um loftferðir nr 60:
“4. gr. Þegar brýna nauðsyn ber til, svo sem vegna almannaöryggis eða allsherjarreglu, getur samgönguráðherra takmarkað eða bannað loftferðir almennt eða um hluta af íslensku yfirráðasvæði.”

Einnig kemur fram í 5 gr að ráðherra hafi yfirstjórn flugmála.

En þú gleymir eða kýst að horfa framhjá því að í 6 gr kemur fram það sem veitir FMS allan rétt á að setja takmarkanir og þar sem ráðherra lætur túlkunar og framkvæmdavaldið í hendur FMS.

“ 6. gr. Flugmálastjórn Íslands er sérstök stofnun undir stjórn flugmálastjóra sem fer með framkvæmdarvald samkvæmt lögum þessum og öðrum lögum og stjórnvaldsreglum sem settar eru á sviði loftferða.
Samgönguráðherra skipar flugmálastjóra til fimm ára í senn. Ráðherra ræður framkvæmdastjóra einstakra sviða stofnunarinnar að fenginni umsögn flugmálastjóra. Flugmálastjóri ræður annað starfsfólk stofnunarinnar.
Nánar skal kveðið á um hlutverk Flugmálastjórnar Íslands með reglugerð.”

Ég leyfi mér að óska Kristbirni til hamingju með stórskemmtilegt myndasafn hjá Geirfugli kannski hef ég haft hann fyrir rangri sök hann er trúlega dulbúin stuðbolti og alls ekki atvinnunöldrari eftir allt.

Fyrra álit

Kristbjorn fyrir 22 árum, 2 mánuðum

Flugmálastjórn er ekki það sama og Samgönguráðherra, og mér finnst mjög hæpið að segja að Flugmálastjórn hafi sjálfkrafa sömu heimildir og ráðherra.

Það er sérstaklega sundurgreint í lögunum að FMS hafi rétt til að gera eitt og annað og að ráðherra hafi rétt til gera aðra hluti. Ef meiningin væri að FMS færi með ráðherravald, þá væri það tekið fram. Ég stend við það að FMS hafi mjög hæpnar forsendur til svona takmarkana, sérstaklega þar sem ég tel ekki að almannaflug frá BIRK þennan sunnudag hefði ógnað “almannaöryggi og allsherjarreglu”.

Ef það hefur komið tilskipun frá Sturlu um þetta bann skal ég gleypa þetta, en þangað til held ég að FMS hafi verið að fara út fyrir sitt valdsvið.

Kristbjörn - nöldrari

Fyrra álit

Kristbjorn fyrir 22 árum, 2 mánuðum

Og í dag, 6. febrúar er annar góðviðrisdagur og einka- og æfingaflugi hefur verið úthýst af BIRK. Réttið upp hönd sem halda með flugumferðarstjórum.

Kristbjörn - með báðar hendur á lyklaborðinu

Fyrra álit

Mazoo fyrir 22 árum, 2 mánuðum

En hvað ég skil þig vel Kristbjörn. Þetta er ömurlegt. Nú er aðeins opið fyrir sjúkra- og neyðarflug frá BIRK. Besta hugmyndin sem ég hef heyrt lengi er sú að taka flugumferðarstjóra með sér í flug, og kalla það sjúkraflug!!!! Ha ha ha ha ha :-)

Fyrra álit

[Notanda eytt] fyrir 22 árum, 2 mánuðum

Mazoo. þetta er ágætis hugmynd hjá þér.
En ein spurning til Kristbjörns og Mazoo
Afhverju gerist þið ekki flugumferðarstjórar náið völdum í félaginnu þeirra og stoppið þetta yfirvinnubann?

Reyndar sýnist mér á fréttum dagsins að Davíð og félagar verði búnir að redda þessu fljótlega jafnvel fyrir helgi eða strax á mánudag.

KV
Socata

Fyrra álit

[Notanda eytt] fyrir 22 árum, 2 mánuðum

Frábær hugmynd! Svo er hægt að taka Þengil með svo hann geti haft eftirlit með sjúklingunum og stimplað heilbrigðisvottorð þegar minna er að gera… *bros*

Annars finnst mér þetta fínt, nú þarf ég ekkert að hafa áhyggjur af því að þurfa að vera þarna uppi og ógna með því almanna öryggi.

Ég held með flugumferðastjórum okkar, þeir ættu allir að fá kauphækkun og fá vinnutíma sinn styttan verulega en mér skilst að þær séu kröfur þeirra. Svo vona ég að ég smitist ekki því þetta er greinilega grábölvuð veiki sem hrjáir flugið á Íslandi.

Kveðja, Helico.

Fyrra álit

Flug

Flug

Ofurhugar

Stjórnendur

Hverjir eru inni

Greinar

Veikindi flugumferðarstjóra og lokun BIRK

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi