[Notanda eytt] fyrir 22 árum, 4 mánuðum Fjöldi lestra: 608

Um gagnrýni á frumvarp samgönguráðherra

Ekki hefur farið fram hjá lesendum hér á Hugi.is að mjög ákveðnar skoðanir eru settar hér fram um framkomið frumvarp samgönguráðherra um loftferðir. Fyrir hönd samgönguráðherra get ég ekki annað en lýst furðu minni á hversu ómálefnaleg umræða hefur farið fram hér á vefnum að undanförnu. Af skrifum allflestra má vera ljóst að fáir hafa haft fyrir því að kynna sér málið í raun og veru. Gengið virðist út frá því sem gefnu að verið sé að stilla flugheiminum upp í tvær andstæðar fylkingar - notendur annars vegar og eftirliðið, þ.e. hið opinbera, hins vegar. Þetta er óskiljanleg nálgun á jafn viðkvæmt og um leið mikilvægt mál líkt og það sem hér um ræðir. Öllum má vera ljóst að verkefni samgönguyfirvalda hlýtur sífellt að vera að reyna að bæta það kerfi sem við búum við - okkur öllum til hagsbótar.

Mikið hefur verið rætt um flugöryggismál undanfarin misseri og er frumvarp ráðherra hluti af því starfi sem verið er að vinna til að bæta flugöryggi sem frekast er unnt hverju sinni. Umræða um þennan málaflokk er nauðsynleg og af hinu góða, en gera verður þá kröfu að henni sé haldið á málefnalegu plani.

Kristbjorn fyrir 22 árum, 4 mánuðum

Þeir sem hafa skrifað hérna um þetta frumvarp eru flestir flugmenn og hafa því þurft að eiga við Flugmálastjórn.

Mín persónulega reynsla af Flugmálastjórn er að þar ráði geðþóttaákvarðanir, frekar en fagleg vinnubrögð. T.d. rukkuðu þeir mig eftir ólöglegri verðskrá þegar ég fékk flugskírteinið útbúið. Það tók marga mánuði að fá það leiðrétt, og þó var ég með lögin 100% á bak við mig.

Enn fremur hefur það komið fram t.d. í nýlegu máli með heilbrigðisvottorð flugmanns að stofnunin á afskaplega erfitt með að viðurkenna mistök. Í því tilfelli var ítrekað reynt að breyta lögum og reglum eftir á til að staðfesta óréttmæta ákvörðun FMS. Þetta frumvarp er líka sérstaklega sett fram til að hnekkja ákvörðun dómsstóla, sem hafa ekki verið sammála FMS. Það er hættulegt ef FMS verður valdameiri en hæstiréttur.

Það er því ekki furða þó menn hrökkví í kút þegar til stendur að gefa þessari stofnun meiri völd og minna aðhald. Það hefur ekkert með flugöryggi að gera.

Þessi umræða, eins og flestar aðrar umræður á flug áhugamálinu, hefur verið afskaplegaa málefnaleg. Menn hafa tínt til einstök atriði frumvarpsins, og borið saman við fyrri reynslu af stofnuninni. Það hefur enginn verið með skítkast eða órökstudda vitleysu.

Ég vil, eins og allir aðrir flugmenn, ekkert frekar en að auka flugöryggi. Öryggið er hins vegar ekki fólgið í reglum, boðum og bönnum. Öryggi er meðal annars fólgið í því að flugmenn séu vel menntaðir og í góðri þjálfun. Það er hægt að ná því markmiði með því að reka góða flugskóla og _efla einkaflug_.

Þar sem þú talar fyrir hönd samgönguráðherra bið ég þig að benda á einn þátt í frumvarpinu sem er til þess fallinn að auka raunverulegt flugöryggi, frekar en að gera FMS að rannsóknarréttinum.

Með kveðju,
Kristbjörn Gunnarsson

Fyrra álit

Fresca fyrir 22 árum, 4 mánuðum

Hver er með ómálefnanlega umræðu? Ég veit ekki betur en að samgönguráðherra lét hafa það eftir sér að flugmenn væru að biðja um afslátt a flugöryggi! Þeta er það ómálefnanlegasta sem ég hef séð hér. Ég þekki báðar hliðar þessa máls, enda er ég starfandi flugmaður og hef unnið uppi í Flugmálastjórn. Samgönguráðherra eða einhver annar þarf ekki að segja mér hvernig hlutirnir eru. Ef þú er talsmaður ráðhera, þá þætti mér gaman að fá útskýringar á nokkrum hlutum í þessu frumvarpi, m.a. af hverju 60 ára reglan er sett inn í lög þegar JAA segir 65 og Frakkar sem hafa fram að þessu haft 60 ár munu breyta því eftir einhvern aðlögunartíma (skilst mér af lögfróðum). Annað í þessu er að nú liggur fyrir frumvarp á Bandaríkjaþingi um hækkkun lágmarksaldur þar upp í 63 ár.

Annað sem fróðlegt væri að vita eru auknar heimildir til refsingar hjá FMS. Hér er verið að bregðast við pressu frá almenningi varðandi Serjafjarðarslysið, sem í allan stað var hörmulegt. Hér fær Flugmálastjórn aðgang að segulbandsupptökum, en má ekki afhenda neinum óviðkomandi. Flugmálastjóri hefur sýnt að honum er ekki treystandi til varðveislu slíkra upplýsinga (sbr. Skerjafjarðarslysið) og hefur Flugmálastjórn ekkert með þaessar upplýsingar að gera. Ef flugatvik koma til ber Rannsóknanefnd flugslysa að rannsaka málið.

Flugmálastjórn getur set reglur um eitt og annað
s.s. 6. gr.
Flugmálastjórn Íslands setur reglur um takmarkanir á veitingu áfengis til farþega og um meðferð öryggisbúnaðar og raftækja um borð í íslenskum loftförum, eftir því sem stofnunin telur nauðsynlegt í þágu flugöryggis.

Hvað ef menn eru ekki samamála stofnuninni um flugöryggi. Hvert á að skjóta málinu? Til smgönguráðherra? Það fyrsta sem hann gerir er að senda erindið upp í Flugmálastjórn til umsagnar.

Hér er Flugmálastjórn bæði löggjafi í formi reglna sem hún setur, framkvæmdaraðili með þeim, og dómsaðili ef einhver brýtur þær.

Kveðja
Fresca.
Ps. ég mun eflaust skrifa meira síðar en ég er útrunnin á tíma núna.

Kveðja

Fyrra álit

Kristbjorn fyrir 22 árum, 4 mánuðum

Reglur um áfengi eru smámál. Þetta er greinin sem hræðir mig mest (úr 16. gr. frumvarpsins):

“Flugmálastjórn Íslands getur gefið út rekstrarfyrirmæli varðandi einstaka rekstrarþætti hjá flugrekendum og öðrum þeim aðilum sem ber að starfa samkvæmt leyfi útgefnu af stofnuninni. Slík fyrirmæli geta þó einnig varðað reksturinn í heild. Rekstrarfyrirmæli geta lotið að því að banna tiltekna starfrækslu, binda hana takmörkunum eða gera hana háða því að tiltekin skilyrði sem stofnunin setur séu uppfyllt í þágu aukins flugöryggis. Rekstrarfyrirmæli skulu greina ástæðu fyrir útgáfu þeirra, gildissvið og gildistíma og þær ráðstafanir sem hlutaðeigandi rekstraraðila ber að viðhafa.”

Þetta les ég sem leyfi til FMS til að skipta sér af hverju einasta smáatriði hjá hverjum einasta flugrekanda, og setja um þau hvaða reglur sem er. Viðurlög við að fylgja ekki þessum fyrirmælum eru leyfissvipting, og ekki eru nefnd nein úrræði ef flugrekandi sættir sig ekki við fyrirmælin. Ætlar einhver að reyna að kalla þetta eðlilegt ?

Kristbjörn

Fyrra álit

Fresca fyrir 22 árum, 4 mánuðum

Nei þú misskilur mig kristbjorn.
Ég tók þessa grein um áfengið sem dæmi um annað í þessu frumvarpi þar sem segir, “eftir því sem stofnunin telur nauðsynlegt í þágu flugöryggis”.
Það er m.a. annars sem ég er að setja útá, það er FMS sem fer með allt vald; hvað hún vill og hvað henni finnst. Þetta er ekki á eina staðnum þar sem stofnuninni er gefið slíkt vald. Allar íþyngjandi aðgerðir af hendi ríkisvaldssins eiga að vera vægasta úrræði sem völ er á, en hér sýnist mér stofnunin vega beita þeim úrræðum sem HENNI finnst eiga við hverju sinni.
18. gr.
“Ef eftirlitsskyldur aðili veitir Flugmálastjórn Íslands ekki þær upplýsingar sem hún krefur hann um, innan þess frests sem stofnunin setur.”
Hér er það algerlega í höndum stofnunarinnar að ákveða hvað á að afhenda og hvenær. Hverjar eru “þær” upplýsingar.“

20. gr.
”Nú telur Flugmálastjórn Íslands skilyrði til sviptingar skírteinisréttinda vera fyrir hendi og skal hún þá til bráðabirgða svipta hlutaðeigandi þeim rétti sem skírteini hans greinir, svo skjótt sem unnt er“
Hér enn og aftur er Flugmálastjórn heimilt að svifta einstaklinga atvinnurétti sínum, ef stofnuninni FINNST skilyrði fyrir því. Ef kært er til dóms, þá gildir sviftingin, þangað til annað er dæmt.
Í athugasemd um frumvarpið við 20. gr. er að finna þetta: ”Í almennum athugasemdum er þess getið að dómstólar hafa ekki í nýlegum dómum litið glæfralegt athæfi í fluginu jafnalvarlegum augum og fyrirsvarsmenn Flugmálastjórnar."
Hér er m.ö.ö. aukinn réttur FMS til sviptingar, vegna þess að dómstólar (úrskurðarvaldið) hafa ekki verið að dæma FMS þóknanalega. Er hér mat þeirra einstaklinga sem hjá FMS vinna (eftirlitsmenn) gert rétthærra heldur en skipaðra dómara?
Dæmi menn hver fyrir sig.

Þetta frumvarp hefur einn tilgang og það er að auka vald FMS til sviptinga flugréttinda, þ.e. taka það vald sem áður var hjá dómstólum og færa það til FMS, reyndar í þágu flugöryggis eins og sagt er.
En flugöryggi verður ekki bætt með refsingum, heldur með gagnkvæmu trausti. Traust er ekki sett með lögum. Traust er eitthvað sem menn og stofnanir þurfa að ávinna sér.

Það er sorglegt en þetta gagnkvæma traust er ekki til staðar eins og er.

Kveðja
Fresca

Kveðja

Fyrra álit

socata fyrir 22 árum, 4 mánuðum

Þetta feumvarp kemur ekki til með að bæta flugöryggi þar sem Flugmálastjórn mun fá rétt til refsinga byggða á geðþótta ákvörðunum sem mun eingöngu verða til þess að flugmenn þeigja í stað þess að seigja rétt frá svo aðrir geti lært af mistökum annara þetta eitt er SLÆMUR hlutur.
Og ef þú ert talsmaður Ráðherra komdu þá fram undir fullu nafni.

Fyrra álit

otri fyrir 22 árum, 4 mánuðum

Sælir,

Mér finnst það alveg kostulegt þegar einhverjir púkka hér upp á huga.is/flug og eru með yfirlýsingar þess efnis að hér fari fram ómálefnaleg umræða. Mér finnst það líka alveg magnað ef aðstoðarmaður ráðherra er mættur hér í eigin persónu og farinn að taka þátt í umræðunni. Ef þetta er hann í eigin persónu, (sem ég efa) þá fagna ég því, og mæli með því að hann taki upp málefnalega umræðu, en ef þetta er einhver að grínast eins og áður hefur gerst hér á huga, þá finnst mér að stjórnendur áhugamálsins eigi grípa hér í taumana.

Ég hef kynnt mér þetta frumvarp og umræðuna á þingi í kringum það og verð að segja að mér líst ekki á blikuna í þessum málum. Samgönguráðherra virðist vera að gefa undan ákveðnum þrýstingi sem skapast hefur út frá hinu hörmulega flugslysi í Skerjafirði og reyna að klóra í bakkann, en er að grafa sig niður í dýpri holu. Það er megin þráðurinn í gegnum þetta frumvarp að það er verið að auka völd FMS og verið að bjóða upp á þann möguleika að skjóta fyrst og spyrja svo. Völdin skv. frumvarpinu eru gífurleg og efast ég að þau standist stjórnarskrá og þrískiptingu valdsins. FMS getur svipt hvort sem það er flugrekandi eða flugliði, öllu því sem hann hefur með einfaldri geðþóttaákvörðun og getur t.d. stöðvað flugrekanda með því að víkja tæknistjóra eða flugrekstrarstjóra fyrirvaralaust, einfaldlega með þeirri afsökun að þeir “treysti” viðkomandi ekki lengur. Ég leyfi mér meira að segja að efast um það að FMS hafi áhuga á því að fá öll þessi völd til sín, allavega þeir starfsmenn sem eru nú við völd.

Þegar ég las þetta frumvarp til laga, fannst mér ég vera að lesa léleg drög að reglugerð, en mér finnst þetta frumvarp fúsk á háu stigi og á engan veginn heima fyrir Alþingi. En á hitt ber þó að líta að oft á tíðum hafa alþingismenn ekki gert sér grein fyrir því þegar þeir hafa samþykkt ólög, þannig að það er nauðsynlegt að beita öllum kröftum til þess að þessi ófögnuður komist ekki í gegn um þingið.

Kveðja,

Otri

Fyrra álit

Kristbjorn fyrir 22 árum, 4 mánuðum

Gallinn við þessa umræðu hér er að eðlilega verður hún
mjög einhliða, eins og Jakob Falur benti réttilega á.
Flestir eða allir þeir sem lesa þetta áhugamál eru
sammála um að þetta frumvarp beri að stöðva. þess
vegna verða mun meiri umræður um málefni eins og
Flugskólann, þar sem fólk frá báðum hliðum tekur þátt í
umræðunum. Ef fólk er sammála verða engar umræður.

Þess vegna er mikill fengur að því að fá hérna fólk á
borð við Jakob Fal, sem getur gefið okkur sjónarmið
ráðuneytisins í þessu máli. Eins væri mjög gaman að
heyra hvað Flugmálastjórn og starfsmönnum henna r
finnst um málið, og hvort munur er á skoðunum
stofnunarinnar annars vegar og starfsmanna hins
vegar.

Mér þætti mjög gaman að fá að sjá röksemdir frá
ráðuneytinu fyrir ýmsum atriðum í frumvarpinu. Eftir
nefndarumræðu skiptist samgöngunefnd alveg í tvo póla
eftir flokkslínum eins og við var að búast. Lúðvík
Bergvinsson, Kristján Möller og Jón Bjarnason virðast
hafa hlustað á óvenju harðorðar umsagnir sem bárust um
frumvarpið, en meirihluti nefndarinnar vill samþykkja
frumvarpið með lítils háttar breytingum (sem eru þó til
bóta).

Nefndarálit samgöngunefndar eru komin á vefinn, og
sérstaklega finnst mér minnihlutaálitið fróðleg
lesning.

meirihluti:
http://www.althingi.is/altext/127/s/0548.html

minnihluti:
http://www.althingi.is/altext/127/s/0568.html

Ég skora á alla þá sem telja sig fylgjandi þessu
frumvarpi að láta í sér heyra. Umræðan hér hefur
hingað til verið afskaplega siðmenntuð og málefnaleg,
og engin ástæða til að óttast skítkast eða
svívirðingar. Sérstaklega skora ég á Jakob Fal að
skýra mál sitt.

með kveðju,
Kristbjörn Gunnarsson

Fyrra álit

flugfifl fyrir 22 árum, 4 mánuðum

Ég vil gjarnan kynna mér þetta frumvarp - en finn það
engan veginn á althingi.is.

Ef einhver hefur það undir höndum eða er með tengil á
það, vinsamlegast látið vita hérna.

Kveðja,

ff

Fyrra álit

Kristbjorn fyrir 22 árum, 4 mánuðum

Ég sendi slóðina á hinn þráðinn um frumvarpið,
http://www.althingi.is/altext/127/s/0288.html

Einnig er hægt að fara á Alþingisvefinn og leita í
þingskjölum að orðinu “loftferðir”

Kristbjörn

Fyrra álit

[Notanda eytt] fyrir 22 árum, 4 mánuðum

Heilir og sælir Hugamenn,

jújú, það er rétt hjá ykkur að ég er sá sem ég segist vera, og hef ekki á nokkurn hátt verið að reyna að villa á mér heimildir. Ég skal viðurkenna að líklega var of djúpt í árinni tekið hjá mér þegar ég gef í skyn að umræðan hafi almennt verið ómálefnaleg og bið ég málefnalega gesti Huga afsökunar á því. Í raun og veru var ástæða skrifa minna þessi svo ég leyfi mér að vitna í eigin skrif: “Gengið virðist út frá því sem gefnu að verið sé að stilla flugheiminum upp í tvær andstæðar fylkingar - notendur annars vegar og eftirliðið, þ.e. hið opinbera, hins vegar. Þetta er óskiljanleg nálgun á jafn viðkvæmt og um leið mikilvægt mál líkt og það sem hér um ræðir. Öllum má vera ljóst að verkefni samgönguyfirvalda hlýtur sífellt að vera að reyna að bæta það kerfi sem við búum við - okkur öllum til hagsbótar.”

Þetta er málið.´

Með kveðju úr samgönguráðuneytinu,

Jakob Falur Garðarsson,
aðstoðarmaður ráðherra.

Fyrra álit

[Notanda eytt] fyrir 22 árum, 4 mánuðum

Saell Jakob og allir hinir

Gaman ad sja ad skrif okkar hjer a huga na alla leid upp i raduneyti. Jeg verd hins vegar ad vidurkenna ad jeg skil ekki hvad thu ert ad segja.

Thad ad flugheiminurinn skiptist i tvaer fylkingar kemur ekki til med ad breytast med thessu frumvarpi. Frumvarpid gerir rad fyrir ad FMS fai thvi sem naest alraedisvald i ollum malum sem tengjast flugi. Thad er thad sem vid hofum verid ad bolsottast yfir. Vid viljum alls ekki sja flugheiminn i tveimur fylkingum, vid viljum efla flugid og auka flugoryggi.

Thetta frumvarp gerir ekkert til ad sameina flugheiminn, efla flugid eda auka flugoryggi. Thetta frumvarp, ef thad verdur ad logum, a eftir ad einangra FMS enn frekar fra flugheiminum. Thad vill enginn. Thess vegna tharf ad endurskrifa thetta frumvarp. Thad tharf ad skilgreina betur thjonustuhlutverk FMS, og slita thann hluta fra eftirlits- og refsivendinum. Vid viljum vinna med FMS, ekki gegn FMS.

Okkur er ljost ad verkefni samgonguyfirvalda er ad baeta thad kerfi sem vid buum vid. Getur htu utskyrt hvernig alraedisvald til handa FMS baetir nuverandi kerfi ?

Kristbjorn Gunnarsson

Fyrra álit

grizzly fyrir 22 árum, 4 mánuðum

Sæll Jakob, gaman að fá einhvern innanbúðarmann að þessari umræðu.

Mér finnst þetta frumvarp með alveg mjög gott markmið ef maður getur sagt sem svo, þ.e. að efla flugöryggi en þið getið alveg gleymt því að það sé hægt að gera það svona að láta FMS fá eitthvert alræðisvald sem er mjög auðveldlega hægt að misnota. Þessi stofnun er alveg góð og gild en ég verð nú bara að játa að mér finnst starfshættirnir hjá þeim frekar óeðlilegir og ég veit að fleiri hérna eru sammála mér með það. Gagnrýni t.d. Flugskóla Íslands á það hverjir manna hinar ýmsustu stöður á fyllilega rétt á sér. Margir starfsmenn þarna hafa enga eða litla reynslu né þekkingu á flugi eða neinu sem því við kemur. Þannig að mér finnst að það ætti að skoða það aðeins hverjum er verið að láta í té þetta vald sem þetta frumvarp segir til um.

Það verður að efla traust milli FMS og flugmanna áður en og ef þetta frumvarp verður að lögum því eins og staðan er í dag að þá þegjum við allir og segjum bara já og amen, borgum fleirri þúsund krónur fyrir miður góða þjónustu, því ef við förum eitthvað að rífa kjaft eða að reyna að standa á okkar að þá….

Fyrra álit

Flug

Flug

Ofurhugar

Stjórnendur

Hverjir eru inni

Greinar

Um gagnrýni á frumvarp samgönguráðherra

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi