Mazoo fyrir 22 árum, 6 mánuðum Fjöldi lestra: 1063

Flugskóla á Selfossi ?

Sælir allesammen!

Undanfarið hefur aðeins verið rætt um að færa flugkennslu til Selfoss. Fljótt á litið er það mín skoðun að það sé engin fjárhagsleg glóra í því dæmi, jafnvel þó það yrði aðeins einn skóli eftir, Flugskóli Íslands á ríkisstyrkjum. Væri ekki best að koma flugkennslu af stað aftur á Selfossi, og EKKI færa kennsluflugið frá Reykjavík til Selfoss? Það ætti frekar að auka kennsluna úti á landi frekar en að færa hana frá höfuðborginni og þar af leiðandi snarfækka flugnemum og drepa svo hægt og rólega allt einkaflug því það verður jú lítil sem engin endurnýjun í sportinu ef það gerist. Eruð þið ekki sammála mér og verðið þið ekki svolítið pirraðir og reiðir þegar þið heyrið svona “snilldarhugmyndir”?

Koma svo!!!

socata fyrir 22 árum, 6 mánuðum

Jú þetta er ágætis hugmynd.
En það er vandamál annað mál að Flugvöllurinn á Selfossi stendur á leigu landi og rennur leigusamningurinn út árið 2005.
Og þar sem landeigendur eru svo vissir að þeir hafi DÝRT byggingarland undir höndum hafa þeirr ekki áhuga á að endurnýja leigusamninginn undir flugvöll.

Þetta hef ég allavegna heyrt.
slæmt mál ef rétt er.
kv socata

Fyrra álit

piper fyrir 22 árum, 6 mánuðum

Ef hægt er að efla flug á Íslandi þá skiptir ekki máli hvar eða hvernig það er gert.
Því miður virðist allt flug hjá flugnemum í dag eingöngu snúast um atvinnuflug , en ekki bara fjörið og gamanið við að fljúga um loftin blá og ferðast á milli staða og skoða staði úr lofti.
Gömlu góðu tímarnir þegar einkaflugið blómstraði og mikið fjör var á rampinum eru ekki til staðar lengur.
Gott dæmi um þar er t.d. að um helgar þegar veðrið gæti ekki verið betra eru nánast engar vélar á lofti fyrr en eftir hádegi.
Maður sér bara ekki einkaflugmenn á rampnum lengur.

Mér er sama hvort ég hitti fyrir áhugamenn um flug í Reykjavík, á Selfossi eða á Kópaskeri. Allir deilum við sama áhugamálinu - FLUGINU. Þannig að ef flugskóli á Selfossi er það sem þarf til að auka framleiðni sannra einkaflugmanna, þá er það málið.

Fyrra álit

deTrix25 fyrir 22 árum, 6 mánuðum

Sæll Socata,

Nokkrir af þeim landareigendum landsins sem er undir Selfossflugvelli eru ættingjar mínir og annað kunningsfólk. Ég hef ekki heyrt neitt af þessu fólki tala um það að það séu með “DÝRT byggingarland undir höndum”. Hvaðan færð þú alla þá vitleysu sem þú lætur frá þér hér á huga?

Kveðja,
deTrix

Fyrra álit

otri fyrir 22 árum, 6 mánuðum

Já! Ég er fylgjandi því að hafa flugskóla á Selfossi. Sjáum til þess að ríkisfyrirtæki verði flutt út á land! Mér finnst kjörið í stöðunni að Flugskóli Íslands verði fluttur á Selfoss. Það þjónar byggðasjónarmiðum amk. Það myndi líka gefa flugskólum sem reknir eru af einkaaðilum möguleika á að byggja upp sína starfsemi í krafti eðlilegrar samkeppni í Reykjavík. Mín vegna mætti hækka ríkisstyrkinn til FÍ úr 9.5 milljónum á ári upp í 20 út af þessu.
Hinsvegar yrði inntökuskilyrði í Flugskóla Íslands einkaflugmannspróf og honum væri óheimilt að kenna til einkaflugmanns.

kveðja,

Otri

Fyrra álit

Kristbjorn fyrir 22 árum, 6 mánuðum

Með betri hugmyndum sem fram hefur komið. FÍ er þegar með starfsemi á Selfossi, þeir hafa alla veganna haft skipper á staðnum af og til á sumrin.

Það mætti jafnvel setja upp stúdentagarða þarna og gera Selfoss að “diploma factory” eins og rekin eru í stórum stíl suður í Flórída. við gætum gert út á þetta og fengið Breta í hópum hingað til að safna tímum og fá JAA réttindi. Er þetta ekki rakin staðsetning til að reka IFR þjálfunarbúðir ?

það mætti ábyggilega sannfæra Sturlu um að þetta sé góð hugmynd.

Besti parturinn er þó að Flugsýn, Geirfugl og Helgi fá eðlilegt samkeppnisumhverfi fyrir PPL.

Kristbjörn

Fyrra álit

piper fyrir 22 árum, 6 mánuðum

Góð hugmynd Otri.
Fyrir ekki löngu síðan vara atvinnuflugmannsbrautin í Fjölbrautarskóla Suðurnesja. Það gekk alveg ágætlega.
Þess vegna væri vel hægt að flytja atvinnuflugmannsnám út fyrir höfuðborgina (amk bókl. námið) en Flugskóli Íslands mundi nú varla fara að gefa frá sér einkaflugmanns bissnessinn og hafa inntökuskilyrðin PPL. Til þess eru allt of miklir peningar í húfi.
Samt væri gaman ef allir litlu flugskólarnir myndu sjá um að framleiða einkaflugmenn sem síðan yrðu sendir til FÍ (eins og í gamladaga).(Fortíðarfíknin alveg að fara með mann :-)

Fyrir utan þetta allt saman þá er þetta dæmi örugglega allt of dýrt til þess að það yrði samþykkt. Það þyrfti að selja margar Perlur svo að þetta væri hægt.

Fyrra álit

Kristbjorn fyrir 22 árum, 6 mánuðum

Sælir

Það er ekkert dýrt við að færa bókleg kennsluna úr slökkvistöðinni við Loftleiði og yfir í Fjölbrautarskóla Suðurlands.

Það liggur fyrir að það þarf að gera nýjan kennsluvöll, uppbygging á Selfossvelli er ofarlega á blaði þar. Það er hægt að byggja upp góðan malbikaðan völl með 1000 metra brautum fyrir töluvert minna en eina perlu.

Nú þarf bara að fara að lobbýast.

Kristbjörn

Fyrra álit

otri fyrir 22 árum, 6 mánuðum

Dýrt???7

Ég skil ekki þau rök. Piper, hefur þú lesið lög um FÍ? Þar er nokkuð ljóst að FÍ var eingöngu settur á stofn til að mennta atvinnuflugmenn. Ef þú lest aðdraganda að stofnun skólans og setningu laganna þá er það deginum ljósara að það var eini tilgangur skólans. (http://www.althingi.is [leitarorð: flugskóla, flugskóli]) Þessi lög sem voru samþykkt á alþingi hafa verið þverbrotin.

Auk þess er FÍ áskrifandi að 9.5 milljónum á ári frá ríkinu og ég get ekki séð að þessi upphæð skili sér á einn eða neinn hátt til nemenda skólans. Það eina sem ég veit að forráðamenn skólans hafa aðeins eitt markmið með rekstrinum á skólanum.. og það er að GRÆÐA. Ég þekki mörg námsmannagrey í þessum skóla og það er eitt sameiginlegt með þeim öllum. Nemendurna sársvíður í ra*****ið..

FÍ er ekkert nema loftbóla. Engin aðstaða, engar flugvélar, EKKERT, nema flugrekstrar- og þjálfunarbók og gamall AST tölvuleikur og tíminn hækkar alltaf í tölvuleikinn þegar bensín hækkar. Flugvélarnar eru í einkaeigu og skólinn leigir vélarnar. Reyndar eru einkaaðilarnir stjórnendur skólans, en það er nú bara eðlilegt á Íslandi.

Þar sem engin aðstaða er fyrir hendi hér í Reykjavík og það á að fara að rífa gamla flugturninn og henda bóklegu kennslunni úr slökkvistöðinni, get ég ekki séð hvaða munur er á því að byggja upp aðstöðu á Selfossi eða Þórshöfn þessvegna. Það sem Selfoss hefur reyndar framyfir Þórshöfn er að það er einungis 40 mínútna akstur þangað og fært bílleiðina 360 daga á ári.

Við myndum líka koma gífurlega til móts við háværa íbúa í kvosinni því umferð um Reykjavíkurflugvöll myndi minnka um lágmark 50%.

Well.. ég held kannski áfram síðar.

Otri

Fyrra álit

grizzly fyrir 22 árum, 6 mánuðum

Við hvað miðar þú þegar þú segir að flugtímarnir séu of dýrir?

Ástæðan fyrir hækkununum á flugtímum í FÍ er dollarinn og ekkert annað. Þeir eru ekki að leggja meira á tímann bara til þess að leika sér. Þetta er nógu dýrt fyrir. Allir partar í þessar tíkur eru í dollurum svona til að fríska upp á minnið þitt.

Þessir styrkur frá ríkinu er háður nemendafjölda og er eingöngu fyrir bóklegu kennsluna, styrkurinn nemur 100þús. kalli á haus og hefur verið eins frá 1998. Ríkið kemur ekki nálægt flugrekstrinum. Til samanburðar má geta þess að það kostar ríkið um eina milljón að útskrifa hárgreiðslumann/konu.

Ég skal að sumu leiti vera sammála þér með aðstöðuna og eru eigendurnir ekkert undanskildir því. En flugvélunum er bara mjög vel viðhaldið og ekkert út á þær að setja. Þær vélar sem fljúga eru í alveg ágætis standi og þar hefur orðið mikil bragarbót á. Það sem bilar er gert við eins fljótt og hægt er.

Svo þessi fullyrðing þín um að það sé eina markmið stjórnenda skólans að GRÆÐA, þá langar mig bara að benda þér á það að ef þú rekur fyrirtæki hvort sem það heitir Flugskóli Íslands eða eitthvað annað að þá er markmiðið að græða eða réttara sagt að skila arði til eigendanna (flugfélaganna) og í versta falli skila rekstrinum án taps og réttu megin við núllið.

Þannig að kæri Otri, vinsamlega gerðu raunhæfan samanburð.

Fyrra álit

otri fyrir 22 árum, 6 mánuðum

Kæri Grizzly,

>Við hvað miðar þú þegar þú segir að flugtímarnir séu of dýrir?

Fyrir það fyrsta ef þú hefur lesið greinina mína og greinina hans Piper á undan þá minnist ég hvergi á að flugtímarnir séu of dýrir. En fyrst þú endilega vilt tala um það þá getum við minnst á það. Ég vil ekki fara út í algjör smáatriði, ég veit það af eigin reynslu hvað það kostar að reka flugvél, en bendi þér á að gera einfalda verðkönnun hjá hinum flugskólunum í Reykjavík. Afhverju er Flugskóli Íslands dýrastur? Dollarinn hefur eitthvað að segja varðandi flugtímann en ekki allt. Hinsvegar veit ég að ef menn eru að reka GAMLAR FLUGVÉLAR sem búið er að fljúga sumum hverjum vel yfir 10.000 tíma, þá þurfa þær mikið af varahlutum sem þarf að kaupa í dollurum.

>Þessir styrkur frá ríkinu er háður nemendafjölda og er eingöngu fyrir bóklegu kennsluna, styrkurinn nemur 100þús. kalli á haus og hefur verið eins frá 1998. Ríkið kemur ekki nálægt flugrekstrinum. Til samanburðar má geta þess að það kostar ríkið um eina milljón að útskrifa hárgreiðslumann/konu.

Ekki reyna að slá ryki í augu lesenda HUGA með svona vitleysu. Flugskóli Íslands fær fasta upphæð á hverju ári í styrk. Það hefur ekkert með fjölda nemenda að gera. Upphæðin 2000, 2001 og 2002 er sú sama: 9,7 milljónir. Auk þess er búið að setja á fjárlög 2001 og 2002 sitthvorar 10 milljónirnar til kaupa á simulator, ég held reyndar að ekki sé búið að nýta þá heimild. Ég finn ekki í fljótu bragði milljónirnar sem var mokað í FÍ 97, 98 og 99 en skora hér með á deTrix vin minn að rifja það upp.

>Svo þessi fullyrðing þín um að það sé eina markmið stjórnenda skólans að GRÆÐA, þá langar mig bara að benda þér á það að ef þú rekur fyrirtæki hvort sem það heitir Flugskóli Íslands eða eitthvað annað að þá er markmiðið að græða eða réttara sagt að skila arði til eigendanna (flugfélaganna) og í versta falli skila rekstrinum án taps og réttu megin við núllið.

Grizzly, Munurinn á Flugskóla Íslands og öðrum fyrirtækjum í þessum geira er ósköp einfaldur. Flugskóli Íslands er að miklum hluta til í eigu ríkisins. Um hann gilda lög sem voru samþykkt á alþingi. Það er stór spurning hvort farið er eftir þeim lögum. Flugskóli Íslands fær nokkuð margar milljónir á ári og það er óljóst í hvað þeir peningar fara. (Kannski í það að reyna að hirða sem flesta PPL nemendur af hinum skólunum með dýrum auglýsingum og tilboðum? [Sólopróf á 99.000]). Ég er hjartanlega sammála þér að í venjulegum fyrirtækjarekstri er takmarkið að GRÆÐA, en það á bara ekki við í skólarekstri sem er styrktur af ríkinu!

Otri : með raunhæfan samanburð

Fyrra álit

grizzly fyrir 22 árum, 6 mánuðum

Ég á einnig sjálfur 1/3 hluta í C-172 og veit hvað það kostar að reka hann.

Miðað við einn tíma að þá er hægt að gefa sér eftir farandi forsendur.
2500-3000kr í bensín
1000 kr í viðhald og skoðannir
1000 kall í mótor

Svo er fastakosnaður eins og skýli og tryggingar sem bætast ofan á þann kostnað. Sá kosnaður er breytilegur en engu að síður stór.

Sem dæmi um aukinn kostnað fyrir fluskólana að þá eru tryggingarnar fyrir kennsluvélar mikið dýrari heldur en á einkavélar, það munar nokkuð mörgum þúsundköllum!!

Svo í sambandi við gamlar flugvélar að þá er FÍ með næstyngstu kennsluvélarnar á landinu, allar frá árunum 76' til 81' að mig minnir. Einungis vélarnar hjá Geirfugli eru yngri en þær eru líka í eigu félagsmanna, þannig að það er eðlilegt að tímarnir séu ódýrari á þær heldur en hjá FÍ. Hvar á svo FÍ að fá peninganna til að borga fasta starfsfólkinu laun, ekki hjá ríkinu eða neinum öðrum.

Ég ætla ekki að rökræða við þig um fjárlög ríkisins til FÍ, það eina sem ég veit að ríkið greiðir mikið minna á hvern haus heldur en í öðrum greinum og ég tók bara hárgreiðslunema sem dæmi. Við þurfum öll að standa straum að kostnaðinum sjálf (spurning með að leita ásjár umboðsmanns Alþingis???).

Svo varðandi FÍ sem fyrirtæki að þá á ríkið 42% hlut í skólanum og fjárframlögin hafa nú eins og ég sagði áður ekki verið neitt gífurlega stór.

Mér sýnist samt á öllu að við séum sammála um flest allt í þessu bara með sitthvorar áherslurnar!!!

Ein spurning svo í lokin otri, hvar hefur þú verið að fljúga?

Fyrra álit

otri fyrir 22 árum, 6 mánuðum

Jammmss.. eins og ég sagði þá veit ég alveg hvað er að reka flugvél. Hvaðan ég hef þá þekkingu og reynslu hef ég fyrir sjálfan mig. Mér finnst ágætt að halda mig við dulnefnið og sé ekki ástæðu til að gefa meira upp.

Hinsvegar Grizzly vil ég endilega benda þér á eitt. Þú segir að kostnaður á flugtíma sé ca. 5000 kall á skyhawk hjá þér.

Flugskóli Íslands:
borgar minna en þú fyrir bensínlítrann
er með hagkvæmara viðhald og varahluti en einkaaðili.
Borgar ekki VSK eins og þú af aðföngum (varahlutir og flugvirkjavinna)
Auk þess er hann væntanlega með hagstæðari trygginasamninga en þú, þar sem hann er með 18 vélar.

Það eina sem ég vil sjá er að Flugskóli Íslands sé rekinn á eðlilegan hátt í anda laganna með hagsmuni sína og nemenda að leiðarljósi. Ekki að einkaaðilar út í bæ séu að græða á öllu saman og þá sérstaklega saklausum flugnemum. Eins finnst mér að FÍ eigi ekki að vera í samkeppni við einkaaðila og einungis stunda kennslu eftir einkaflugmannsnám.

Bið að heilsa í bili,

Otri

Fyrra álit

grizzly fyrir 22 árum, 6 mánuðum

Það er samt svo skrítið að flaggskip íslenkra flugskóla (FÍ) á alltaf að gera allt fyrir alla og enginn vill borga fyrir það, nema kannski jafn mikið og hjá samkeppnisaðilunum. Gallin er samt sá að samkeppnisaðilarnir eru ekki sambærilegir. Málið er að markaðsráðandi fyrirtæki eru og munu alltaf verða umdeild.

grizzly

Fyrra álit

otri fyrir 22 árum, 6 mánuðum

Ef við tökum dæmið um að ég vilji læra á mína eigin vél. Ég myndi vilja fá að kaupa flugkennslu og borga fyrir flugkennara á tímann samkvæmt gildandi taxta og greiða þann kostnað fyrir umstang í kringum að fá vélina skráða til kennslu hjá FÍ. Það er ekkert óeðlilegt við að FÍ fái greiðslu fyrir sína þjónustu, en það verður að vera á sanngjörnum nótum..

Otri

Fyrra álit

grizzly fyrir 22 árum, 6 mánuðum

Heir heir!!!!

Fyrra álit

piper fyrir 22 árum, 6 mánuðum

Þetta er nú bara að verða heitasta umræðan hérna á HUGA eins og er.
það er alveg rétt hjá Grizzly að markaðsráðandi fyrirtæki verða alltaf umdeild, óskabörn þjóðarinnar geta breyst í hin mestu dusilmenni á eini nóttu.
Ég held að Flugskóli Íslands kallist nú samt seint óskabarn þjóðarinnar og ég held að hann verði nú aldrei rekinn á eðlilegan hátt, þ.e. með hagsmuni nemenda að leiðarljósi, m.v. fyrri reynslu.

Ég get nú svo sem ekkert séð að því að FÍ sé í samkeppni við hina flugskólana svo framarlega sem hann fer að lögum.

Fyrra álit

Kristbjorn fyrir 22 árum, 6 mánuðum

Vandamálið hérna er einmitt að FÍ fer ekki að lögum. Eigendum flugvéla er gert mjög erfitt fyrir að nota sínar eigin vélar, þó svo að lög mæli fyrir um að FÍ skuli leita samstarfs um afnot af flugvélum.

Rekstaraðilar FÍ eru jafnframt eigendur flugflotans. Þeir sitja báðum megin við borðið. Önnur hliðin leigir hinni hliðinni flugvélar, og ríkið borgar og brosir. Þetta er ekki heilbrigð samkeppni.

Kristbjörn

Fyrra álit

grizzly fyrir 22 árum, 6 mánuðum

Hver á þá að stjórna þessu apparati og hvaðan eiga vélarnar að koma, svaraðu nú!!!

Fyrra álit

Spiff fyrir 22 árum, 6 mánuðum

ég mæli með því að allir sem eru að læra lesi lögin um Flugskóla Íslands.

Þar stemdur meðal annars að Flugskóli Íslands skuli ekki vera rekinn í hagnaðarsjónarmiði, allt gott og blessað með það og þótt ótrúlegt sé gæti ég trúað því.

Vandamálið er að þeir sem að leigja FÍ vélar eru líka í stjórn skólans (beggja vegna borðs), þetta eru mennirnir sem að eru að græða á ríkisstyrknum.

Þetta eru mennirnir sem að kaupa rusl eins og Njólann (Seminole) og leigja út á okur prís ásamt öðrum mislélegum vélum.

Eina rétta er að Flugskóli Íslands sjá alfarið um bóklegakennslu til atvinnuflug og verklegi parturinn sé í samstarfi við hina skólanna.

Svona til marks um hversu óforskammaðir þeir eru sem reka Flugskóla Íslands, þá hafa verið kennarar þar sem hafa einnig átt hlut í Geirfugli verið ávittir og jafnvel reknir fyrir að kenna í Geirfugli. Það eikennilegasta er að þessir kennarar voru m.a. að tékka út á TB vélarnar og þess konar kennsla.

Þetta er ótrúlegt en ég þekki þetta fólk.

Einnig er rétt á að benda á að kærur til Alþingis varðandi þessi mál fá engan hljómgrunn.

Spiff. (orðinn þokkalega pirraður á samsærinu)

Fyrra álit

Spiff fyrir 22 árum, 6 mánuðum

ég mæli með því að allir sem eru að læra flug lesi lögin um Flugskóla Íslands.

Þar stendur meðal annars að Flugskóli Íslands skuli ekki vera rekinn í hagnaðarsjónarmiði, allt gott og blessað með það og þótt ótrúlegt sé gæti ég trúað því að þetta væri gert.

Vandamálið er að þeir sem að leigja vélarnar til FÍ eru líka í stjórn skólans (beggja vegna borðs), þetta eru mennirnir sem að eru að græða á ríkisstyrknum.

Þetta eru mennirnir sem að kaupa rusl eins og Njólann (Seminole) og leigja út á okur prís ásamt öðrum mislélegum vélum.

Eina rétta er að Flugskóli Íslands sjái einungis um bóklega kennslu til atvinnuflug og verklegi parturinn sé í samstarfi við hina skólanna.

Svona til marks um hversu óforskammaðir þeir eru sem reka Flugskóla Íslands, þá hafa verið kennarar þar sem hafa einnig átt hlut í Geirfugli verið ávíttir og jafnvel reknir fyrir að kenna í Geirfugli. Það einkennilegasta er að þessir kennarar voru m.a. að tékka út á TB vélarnar og þess konar kennsla, sem var ekki einu sinni í beinni samkeppni við FÍ á sínum tíma.

Þetta er ótrúlegt en ég þekki þetta fólk.

Einnig er rétt á að benda á að kærur til Alþingis varðandi þessi mál fá engan hljómgrunn.

Spiff. (orðinn þokkalega pirraður á samsærinu)

Fyrra álit

Fresca fyrir 22 árum, 6 mánuðum

Ég er nú búinn að lesa allar þessar greinar og ætla nú ekki sérstaklega að verja Flúgskóla Íslanda en verð þó að segja eftirfarandi:
1. Flugskóli Íslanda er að leigja sér vélarnar á okurprís. Þetta hafa menn verið að segja hér aftur og aftur. Því spyr ég sem það hafa sagt: HVAÐA VERÐ ER ÞAÐ! Ef þið vitið það ekki, þá eiga menn barasta að þegja. Það er ábyrgðarhluti að tjá sig hér, þó það sé undir dulnefni.
2. Ekki ætla ég að svara fyrir ríkistyrkina en ég veit ekki betur að það er bara einn skóli hér á landi sem býður upp á ATPL. Ekki er mikil samkeppni þar. Varðandi PPL er margir skólar sem kenna það og þar er samkeppni. Engin rök hef ég séð sem sanna að ríkisstyrkirnir renna í einkaflugmanninn. Hafa menn hér reiknað út hvað bóklegi ATPL hlutinn kostar? Hvað kostar svona nám erlendis?
3. Varðandi okurprís flugvélanna. Hvað kostar tíminn á sambærilega vél út í Evrópu? Ég veit ekki betur en að menn komu hingað til að læra á fjölhreyfla vélar erlendis frá fyrir nokkrum árum, af því það var ódýrara.
4. Um kennslu á eigin vélum. Ef FÍ leyfir það ekki, skamm skamm FÍ. Hafa menn fengið skýringar á því? Ef ekki á FÍ að standa sig betur og ljótt að heyra.
5. Merkilegast finnst mér þó að menn halda að hér sé um eitt stórt samsæri. Eru það ekki þá sjömenningarnir sem standa að baki því (þeir sömu og stjórna heiminum).
6. Og að lokum: Það hljóta aðrir að mega stofna flugskóla sem kennir til ATPL. Ef að FÍ er að blóðmjólka sína nemendur svona, af hverju stofnið þið ekki bara flugskóla sem kennnir ATPL (þið fáið eflaust jafn mikinn ríkisstyrk vegna jafnræðisreglu). Það ætti að vera auðvelt að smala öllum nemendunum þangað. Mér sýnist þið bæði ætla að vera ódýrari og betri.

OG HANANÚ!!

Kveðja.
Fresca (bíð spenntur eftir sprengjunni)

Kveðja

Fyrra álit

deTrix25 fyrir 22 árum, 6 mánuðum

Svar til Fresca (við einhverju allavega)

1. Veit ekkert um þennan okurprís.
2. Bóklegt atvinnuflugnám er að kosta Flugskóla Íslands 15 milljónir á ári sem þeir fá 9,7 milljónir árlega uppí. Flugskóla Íslands ber þó að fylgja ákveðnum reglum til að fá þennan styrk, en þeir eru ekki að fara eftir þeim reglum. Það sem þeim ber m.a. að gera er að hafa rekstur atvinnuflugnámsdeilar og einkaflugnámsdeilar aðskilið að öllu leiti (m.a. stjórnunarlega séð), en það eru þeir ekki að gera. Brotin eru fleyri.
3. Án þess að ég viti nákvæmlega hvað sambærileg vél kosti í Evrópu veit ég að C-172/Cherokee kostar um 20.000 kr/hr og twin um 35.000 kr/hr. Vonandi hefur einhver nákvæmari verð.
4. Samála þessum lið hjá þér.
5. Líklega! (Góð tilgáta, mér var ekki búið að detta þetta í hug)
6. Það er nú ekki alveg það léttasta verk í heimi að stofna skóla sem kennir til atvinnuflugmanns. Í dag er annar skóli (en Flugskóli Íslands) sem kennir til einhvers meira og það er Flugskóli Helga Jónssonar. Helgi hefur sótt um styrk til að fara að kenna ATPL en ekki fengið. Hvað varð um jafnræðisregluna? :)

Kveðja,
deTrix

Fyrra álit

Kristbjorn fyrir 22 árum, 6 mánuðum

Flugskóli Íslands er ekki alvondur. Flugvélarnar eru í mun betra ástandi en ég sá þegar ég tók einn tíma í San Diego í vor. Kennararnir í bóklega einkaflugmannsnáminu voru almennt mjög góðir. Kennararnir í flugdeildinni eru auðvitað misjafnir, en almennt nokkuð góðir.

Verðið fyrir flug og flugnám á Íslandi er sem betur fer mun lægra en í Evrópu. Verðið á Íslandi er mun nær Bandaríkjunum en Evrópu. Það er gott, og ég vona að mönnum takist að halda því þannig. það hefur ekkert upp á sig að bera saman verð á flugtímum hjá FÍ annars vegar og úti í Evrópu hins vegar, þar sem skattaumhverfi og rekstarumhverfi er allt annað.

Það sér hver sem sjá vill að einkaflug í Evrópu er í andarslitrunum. Það er ekki alveg komið yfirum hér á Íslandi, en verðið er að nálgast sársaukamörk.

Sjálfsagt veit enginn nákvæmlega hvaða leiguverð FÍ er að borga fyrir flugvélarnar nema eigendur vélanna og stjórnendur skólans. Það sem ég hef heyrt á rampinum er að FÍ sjái alfarið um viðhald vélanna og eldsneyti og borgi auk þess bæði fast mánaðargjald og gjald á floginn tíma. Það er nógu góður díll til að FÍ tekst að tapa peningum þrátt fyrir að vera með dýrustu flugtíma á landinu og mjög góða nýtingu á vélunum. Það fellur undir mína skilgreiningu á okurprís.

Kristbjörn (bíður eftir að einhver hósti upp prísunum)

Fyrra álit

otri fyrir 22 árum, 6 mánuðum

Til Fresca,

1. Ég hef aldrei minnst á okur. Í öllu þessu flóði eru 2 aðilar sem minnast 3svar sinnum á okur. Þetta hefur ekki verið meginmálið í þessum umræðum.
2. Helgi Jóns er klár í slaginn eins og deTrix segir en fær ekki krónu… (FÍ var kominn á ríkisspenann áður en þeir voru komnir með flugrekstrar eða þjálfunarhandbók… þann möguleika fær enginn annar.)
3. svar 1
4. Sammála
5. Samsæri? Það er eins og þú hafir bara lesið svarið hans Spiff.
6. Svar 2.

Hananú hvað,
Fresca, ef þú ert að bíða eftir sprengingu þá er hún löngu liðin hjá. Ég held að við séum flestir að verða búnir að úttala okkur um þetta mál í bili a.m.k. Við ættum að fara að snúa okkur að einhverju uppbyggilegra heldur en þessari umræðu. Hvað segiði.. einhverjir farið að fljúga nýlega?

kveðja,

Otri

Fyrra álit

otri fyrir 22 árum, 6 mánuðum

Jú, ekki spurning að FÍ er í bullandi samkeppni við litlu skólana. Farðu bara á http://www.flugskóli.is og þar er sólopróf boðið á 99.900 kr, sem er algjört undirboð. Það getur vel verið löglegt en það er algjörlega siðlaust í skjóli ríkisstyrkja.

Otri

Fyrra álit

Kristbjorn fyrir 22 árum, 6 mánuðum

það sem er þó verra við þetta gylliboð er að þetta eru auglýsingasvik. Það fær enginn sólópróf á 99.900. Þetta pakkaverð inniheldur kannski 12 tíma á C-152, en það eru fáir sem taka sóló strax eftir 12 tíma. Ofan á það bætist síðan læknisskoðun og gjöld til FMS og fjarskiptastofnunar sem þarf að borga til að fá þetta próf (sem er svo bara prump). Einnig vantar alla ground kennslu í pakkann.

Ef þeir gætu boðið nemendum að borga 99.900, og hætta ekki fyrr en neminn er fær um að fljúga flugvél sóló, þá væri þetta alvöru tilboð. Eins og þetta stendur núna er þetta tilboð ekkert annað skrípaleikur. Athugið að á vefsíðunni er ekkert minnst á skilmála fyrir tilboðið.

Þetta er næstum því verkefni fyrir samkeppnisstofnun.

Kristbjörn

Fyrra álit

grizzly fyrir 22 árum, 6 mánuðum

Um hvað snýst málið, jú að fá nemandan til þess að koma á staðinn, svo þegar hann kemur á staðinn eða hringir að þá hvað, jú honum er gerð grein fyrir aukakostnaði eins og hverjum einasta flugnema núna í dag.

Fyrra álit

socata fyrir 22 árum, 6 mánuðum

Í auglýsingum skal rétt verð vöru sem auglýst er auglýst.
Með öðrum orðum FÍ ætti að taka fram í auglýsingu allan aukakostnað eða standa við auglýst verð.
Réttar staða auglýsanda sem auglýsir eitt verð en stendur ekki við það er mjög veik.

Fyrra álit

socata fyrir 22 árum, 6 mánuðum

grizzly hér er útdráttur úr samkeppnislögum.
Lestu þetta og segðu mér svo að þessi vinnubrögð sem þú lýstir hér að ofan séu eðlileg.

Kv
socata

Úrdráttur úr samkeppnislögum.

Markaðsráðandi staða er þegar fyrirtæki hefur þann efnahagslega styrkleika að geta hindrað virka samkeppni á þeim markaði sem máli skiptir og það getur að verulegu leyti starfað án þess að taka tillit til keppinauta, viðskiptavina og neytenda

Neytandi er einstaklingur sem kaupir vöru eða þjónustu gegn endurgjaldi, enda séu kaupin ekki gerð í atvinnuskyni

11. gr. [Misnotkun eins eða fleiri fyrirtækja á markaðsráðandi stöðu er bönnuð.
Misnotkun skv. 1. mgr. getur m.a. falist í því að:
a. beint eða óbeint sé krafist ósanngjarns kaup- eða söluverðs eða aðrir ósanngjarnir viðskiptaskilmálar settir,
b. settar séu takmarkanir á framleiðslu, markaði eða tækniþróun, neytendum til tjóns,
c. viðskiptaaðilum sé mismunað með ólíkum skilmálum í sams konar viðskiptum og samkeppnisstaða þeirra þannig veikt,
d. sett sé það skilyrði fyrir samningagerð að hinir viðsemjendurnir taki á sig viðbótarskuldbindingar sem tengjast ekki efni samninganna, hvorki í eðli sínu né samkvæmt viðskiptavenju.]1)

21. gr. Óheimilt er að veita rangar, ófullnægjandi eða villandi upplýsingar í auglýsingum eða með öðrum hætti eða beita öðrum slíkum viðskiptaaðferðum sem sama marki eru brenndar, enda séu upplýsingar þessar og viðskiptaaðferðir fallnar til að hafa áhrif á eftirspurn eða framboð vara, fasteigna, þjónustu eða annars þess sem haft er á boðstólum í atvinnustarfsemi sem lög þessi taka til.
Auglýsingar og aðrar viðskiptaaðferðir skulu ekki vera ósanngjarnar gagnvart keppinautum eða neytendum vegna forms þeirra eða sökum þess að skírskotað er til óviðkomandi mála.

28. gr. Útsölu eða aðra sölu, þar sem selt er á lækkuðu verði, má því aðeins auglýsa eða tilkynna að um raunverulega verðlækkun sé að ræða.
Þess skal gætt að greinilegt sé með verðmerkingum hvert hið upprunalega verð vörunnar var.

Fyrra álit

Kristbjorn fyrir 22 árum, 6 mánuðum

Grizzly, ertu eða segja að “sólópróf á 99.900” auglýsingin sé eðlileg ?

Mætt Elkó segja “Uppþottavél á 20.000” og bæta svo við 10.000 ef menn vilja hafa grindur innan í henni, og 15.000 ef menn vilja slöngur líka ?

Kristbjörn - fékk sólópróf á rúmar 300.000 krónur hjá FÍ

Fyrra álit

grizzly fyrir 22 árum, 6 mánuðum

Það er allt tekið fram í auglýsingunni varðandi innihald, 12 tímar með kennara sem er lágmark FMS.

Þetta er nákvæmlega sama tilboð og Flugtak var með í mörg ár.

Varðandi 300.000 kallinn þinn að þá verður ekki annað sagt en að þú hafir þurft djöfulli mikið af tímum.

Fyrra álit

otri fyrir 22 árum, 6 mánuðum

Rétt skal vera rétt:

Sólópróf á 99.900 kr [skrifað með rauðum stöfum, ef ýtt er með músinni á þessa línu kemur eftirfarandi:]
————
Sólópróf

Sólóprófið veitir þér réttindi til þess að fljúga ein/n þíns liðs. Kennari þarf þó að hafa umsjón með flugi þínu og skrifa þig út í hvert flug. Lágmarksflugtímafjöldi fyrir sólópróf er 12 tímar og þú þarft að vera orðinn 16 ára. Sólóprófið er skemmtileg áskorun og upplögð fyrir þá sem vilja komast í flugið án mikils tilkostnaðar.

————————————-
>Það er allt tekið fram í auglýsingunni varðandi innihald, 12 tímar með kennara sem er lágmark FMS

Já, þannig að ég kem til með að senda frænda minn í að kaupa þetta tilboð því samkvæmt þessu þá getur hann vandað sig virkilega við að taka sólo og lokið því á ca. 30 tímum, því að 12 tímar er bara lágmarkið? og hann hlýtur að fljúga fyrir 99.900 þangað til að hann er kominn með sólo?

Ég skil þetta allavega svona,

Otri

ps. Kristbjörn þurfti helv. mikið af tímum… Eins gott að hann nýtti sér ekki þetta tilboð

Fyrra álit

Kristbjorn fyrir 22 árum, 6 mánuðum

Í auglýsingunni (vefútgáfunni alla veganna) segir eingöngu:

“Sólóprófið veitir þér réttindi til þess að fljúga ein/n þíns liðs. Kennari þarf þó að hafa umsjón með flugi þínu og skrifa þig út í hvert flug. Lágmarksflugtímafjöldi fyrir sólópróf er 12 tímar og þú þarft að vera orðinn 16 ára. Sólóprófið er skemmtileg áskorun og upplögð fyrir þá sem vilja komast í flugið án mikils tilkostnaðar.”

Það stendur ekki að það sé bara þessi lágmarkstímafjöldi sem er innifalinn, og auk þess er skírteinið sjálft og það sem því fylgir ekki innifalið. Ég kalla þetta villandi auglýsingu.

Ég tók mitt sóló mjög seint í náminu. Ég prófaði “violent stall recovery” snemma í Lesson 5, og ég hélt þess vegna áfram með stall æfingar mun lengur en meðal nemandi, til að vera viss um að geta alltaf náð vélinni úr ofrisi á réttan hátt. Ég var líka lengi að fullkomna flare-ið.

Eftir að þessi atriði voru orðin fullkominn var ég líka mjög snöggur í gegnum sóló og X-country hlutann af námsefninu.

Það sem skiptir máli er að það tekur mismunandi langan tíma fyrir fólk að ná þeim grundvallaratriðum sem þarf til að fljúga flugvél. Mér finnst ekki sniðugt að henda fólki upp í flugvél eftir 12 tíma, alveg óháð getur nemandans.

Kristbjörn

Fyrra álit

grizzly fyrir 22 árum, 6 mánuðum

Ekki færðu skírteinið hjá FÍ, þeir eru að sjálfsögðu bara að auglýsa það sem þeir eru að selja.

Ég hef aldrei séð nokkurn flugskóla hérna auglýsa fyrir FMS!!!

Fyrra álit

Kristbjorn fyrir 22 árum, 6 mánuðum

Mergurinn málsins er að þeir FÍ er einmitt að auglýsa hlut sem þeir eru ekki að selja.

Þeir ættu að auglýsa “Lágmarkskennsla fyrir flugnemaskírteini á 99.900”, en það er ekkert sérstaklega sexí.

Núna segja þeir “Sólópróf á 99.900”, sem er alrangt, í fyrsta lagi er ekki til neitt sem heitir sólópróf, í öðru lagi fær enginn flugnemaskírteini (sem er sennilega það sem við er átt) fyrir 99.900.

Kristbjörn

Fyrra álit

deTrix25 fyrir 22 árum, 6 mánuðum

1. Í stuttu máli er ég sammála öllu sem sagt er hérna á móti Flugskóla Íslands. Ég er búinn að bera þessi mál upp formlega við samgönguráðuneytið og þar fékk þetta engan hljómgrunn - sem er kannski ekki skrítið þar sem þeir eru hluthafar í skólanum…

2. Kristbjörn! Í þarsíðasta bréfi þínu finnst mér þú vera að afsaka það að þú hafir tekið sólópróf seint! Algjör óþarfi. Mér finnst það gerast allt of oft að menn eru að fara í sólópróf komnir með allt of fáa tíma! Grizzly á sjálfur eftir að sjá það eftir því sem hann verður reyndari kennari að menn eru ekkert að fara í gegn á 12 tímum. Kannski einn og einn maður, en það verður með algjörum undantekningum. Grizzly á líka eftir að átta sig á því hjá hverskonar fyrirtæki hann er að vinna… ég held að það dugi ekkert að þræta í honum fram að því…

Kveðja,
deTrix

Fyrra álit

grizzly fyrir 22 árum, 6 mánuðum

Sælir deTrix loksins komst þú að þessari umræðu. Ekki veit ég almennilega hver þú ert eða hvað hefur á daga þína drifið í flugheiminum enda skiptir það svo sem ekki megin máli hér, því flestir held ég að viti hver ég er hérna!!! Þessi athugasemd þín (nr. 2) er nokkuð athygglisverð og sérstaklega frá þér. Ég minnist þess ekki að hafa séð þig tala hér um FÍ á eins jákvæðan hátt og þú gerir þarna!!! Í kennslunni hjá mér sem er nú ekki sú mesta þarna þar sem ég er aðeins búinn að kenna þarna síðan í maí að þá veit ég það vel að fæstir fara í gegnum sólóprófið á þessum 12 tímum. En það er líka takmarkið hjá okkur að fá nemandan til að prófa. Sumir hafa hætt við og séð að þetta er ekkert fyrir sig en aðrir hafa svo haldið áfram. Fólk er mikið að svala forvitnini með þessu eins og ég held að flugdellan byrji hjá flestum sem fá þessa flugu í hausinn. Svo er náttúrulega til fólk sem er alveg harðákveðið í að læra en það er allt annar pakki sem ég held að flestir hérna þekki.

Svo um fyrirtækið sem ég er að vinna hjá (í hlutastarfi):
“Grizzly á líka eftir að átta sig á því hjá hverskonar fyrirtæki hann er að vinna… ég held að það dugi ekkert að þræta í honum fram að því…”

Málið er kæru félagar að ég hef verið viðloðandi þennan skóla, fyrst Flugtak og síðar FÍ síðan 1988 (þá 10 ára gamall) og þekki stjórnendur hans bara ágætlega og hef gert lengi. Þannig að ég veit vel að hverju ég gekk og hef ég ekki orðið var við neitt sem hefur komið mér á óvart. Ég er sammála ykkur um margt varðandi hann en sumt er bara fært fram eins og ykkur hentar, þar sem allir hlutar málsins eru ekki bornir fram og eru bara algjörar rangfærslur, þeir sem eiga þar hlut að máli vita mjög vel um hvað ég er að tala. Þið eruð ekkert fyrstu mennirnir til að vera á móti Flugtak og FÍ og örugglega ekki þeir síðustu, þetta hefur verið svona frá upphafi, alltaf einhverjir sem hafa allt á hornum sér varðandi skólann, sama hvað er.

Eins og ég sagði hérna ofar að þá eru markaðsráðandi fyrirtæki alltaf umdeild og þar er FÍ engin undantekning. Það eina sem VIÐ getum gert hvort sem okkur líkar betur eða verr að þá verðum við bara að sætta okkur við það.

Þetta verða mín síðustu orð í þessari umræðu því að ég sé ekki tilgangin í því að rökræða þetta frekar við ykkur. Reynum frekar að snúa bökum saman í fluginu sem við eigum allir sameiginlegt því að nóg er aðkastið að okkur. Það er fáránlegt að þykjast ætla að berjast á móti því ef að við ætlum að vera með einhverjar innbyrðis deilur eins og hér hafa átt sér stað. Reynum frekar að fá fleirri til að ganga í okkar hóp hvort sem þeir gera það í gegnum FÍ, Flugsýn, Flugskóla Helga, Geirfugl, Suðurflug eða einhvern annan.

Með kveðju
grizzly

Keep'em flying!!!

Fyrra álit

Kristbjorn fyrir 22 árum, 6 mánuðum

Umræðan er komin langt frá Selfossi, og sennilega er mál að linni eins og mér betri menn hafa bent á. Ég er sammála því sem fram hefur komið um að snúa bökum saman og efla flugið, bæði einka- og atvinnuflug.

Flugskóli Íslands er og verður umdeildur, því verður ekki á móti mælt. Hvað sem líður hugsanlegum flutningum, innan BIRK eða til Selfoss, óska ég öllum flugskólum Íslands góðs gengis.

Hafið þakkir fyrir málefnalega umræðu.
Kristbjörn

Fyrra álit

socata fyrir 22 árum, 6 mánuðum

Bara 9,7 milljónir á ári meðan aðrir flugskólar fá ekki krónu.
Afhverju skyldi það nú vera?

Fyrra álit

grizzly fyrir 22 árum, 6 mánuðum

Skólinn er í eigu ríkisins að hluta á meðan hinir eru einkaeign eða flugklúbbur í tilfelli Geirfugls.

Fyrra álit

socata fyrir 22 árum, 6 mánuðum

Er það þá sjálfsagt að ríkið borgi 9,7 milljónir á ári til flugskóla íslands(af því að ríkið á hlut í honum)? Svo þeir geti staðið í samkeppni við alla hina litlu skólana. Af því að FÍ er markaðsráðandi fyrirtæki ættu þeir einmitt ekki að fá styrki.
Því með því að veita einum styrk en ekki öðrum er verið að drepa niður alla samkeppni.

Fyrra álit

grizzly fyrir 22 árum, 6 mánuðum

Styrkurinn er eingöngu fyrir bóklegu kennsluna (þ.e. ATPL) þannig að það er ekki hægt að bera þetta saman svona því það er enginn annar skóli sem býður upp á sama námsefnið.

Fyrra álit

otri fyrir 22 árum, 6 mánuðum

ÞAÐ ER EKKI RÉTT!!

Flugskóli Íslands hf. kt xxxxxx-xxxx fær þennan 9,7 milljón króna styrk og það er ekki einu orði minnst á það í hvað á að nota þessa peninga!!!

Ekki vera með svona fullyrðingar út í loftið! Sannaðu mál þitt að þetta sé eingöngu fyrir bóklegu kennsluna!!

Það er ósköp eðlilegt að það bjóði enginn upp á þetta sama námsefni hérna vegna þess að það getur enginn staðið í samkeppni við ríkisstyrkt apparat!!!

Fyrra álit

grizzly fyrir 22 árum, 6 mánuðum

Þið verðið bara að fyrirgefa en ég held að enginn geti sagt að hann hafi orðið var við 9,7 milljónir aukalega í flugdeild FÍ.

Fyrra álit

Kristbjorn fyrir 22 árum, 6 mánuðum

Það hefur enginn orðið var við þennan ríkisstyrk í flugdeildinni, því hann fer í að greiða okurleigu fyrir vélarnar. Þannig fá geta stjórnendur skólans skammtað sér pening eins og þeim hentar.

Aðstaðan í flugdeildinni er til skammar, húsnæðið er skelfilegt og nú er meira að segja búið að taka burt drykkjarvatnið til að spara.

Kristbjörn

Fyrra álit

Mazoo fyrir 22 árum, 6 mánuðum

Já, og var ekki einmitt vatnið fengið því að heilgrigðiseftirlitið dæmdi vatnið í húsinu ódrykkjarhæft og heilsuspillandi ? Hvað drekka menn þarna eiginlega, súrt regn ? HA HA HA HA !!!

Fyrra álit

b52 fyrir 22 árum, 6 mánuðum

Ég er feginn að ég lærði ekki þarna menn virðast ekki vera jákvæðir i garð FÍ

kveðja
b 52

Fyrra álit

piper fyrir 22 árum, 6 mánuðum

Sæll Otri,
Nei, ég hef ekki lesið lögin um Flugskóla Íslands.
Ef FÍ var settur á stofn til að mennta atvinnu-flugmenn eingöngu hvernig stendur þá á því að þeir fái að brjóta þessi lög í tíma og ótíma.
Getur verið að þú sér að oftúlka einhverjar lagagreinar, ég bara spyr því að ég veit ekki hvernig þessi lög eru.
Ég ætla að skoða þessi lög við tækifæri.

Ég er sammála þér með það að ekki þarf mikið til að flytja bóklegu kennsluna,aðallega viljan. Sérstaklega þar sem FÍ er að missa húsnæðið sitt.

Fyrra álit

otri fyrir 22 árum, 6 mánuðum

Piper,

Ég skora á þig að kynna þér lögin:

http://www.althingi.is/lagas/126b/1997017.html

Síðan er hér smá fróðleikur sem var notaður til að fá einfalda alþingismenn til að samþykkja þessi lög á sínum tíma:

copy/paste
————————————————

Um 2. gr.

Markmiðið með starfsemi Flugskóla Íslands hf. er að veita nemendum bestu menntun sem völ er á hverju sinni. Skólinn mun veita menntun á öllum stigum atvinnuflugnáms og stefnt er að því að nemendur útskrifist með skírteini sem viðurkennd verði af Samtökum loftferðaeftirlita í Evrópu, Joint Aviation Authorities (JAA), og öðlist með því réttindi í öllum aðildarríkjum JAA. Þessi samtök vinna að setningu reglna um flugskóla sem eiga að skilgreina hvaða kröfur þeir skuli uppfylla til þess að framangreindu markmiði verði náð. Í þessum samtökum eru öll ESB-ríkin, svo og EFTA-ríkin. Reglurnar liggja fyrir í lokadrögum og er gert ráð fyrir að þær taki gildi hér á landi innan fárra ára.
Samkvæmt væntanlegum reglum JAA er það lykilatriði að bókleg og verkleg kennsla haldist í hendur. Stytta má atvinnuflugnám verulega ef bóklega og verklega námið er samhæft og hefur hlotið viðurkenningu loftferðaeftirlits Flugmálastjórnar sem ein heild. Slíkt er óhjákvæmilegt nema með samvinnu af þessu tagi. Í greininni er því ákvæði um að Flugskóli Íslands hf. skuli hafa samvinnu við aðra flugskóla um tiltekna þætti kennslunnar og er verklegi þátturinn sérstaklega nefndur. Enda þótt gert sé ráð fyrir því að höfuðverkefni skólans verði kennsla í bóklegum þáttum atvinnuflugnámsins er ekki loku fyrir það skotið að skólinn veiti verklega kennslu. Ekki er gert ráð fyrir að skólinn eigi kennsluvélar heldur semji hann við aðra starfandi flugskóla sem kenna til einkaflugprófs um afnot af flugvélum eða um aðra þjónustu. Ef Flugskóli Íslands hf. ætti að koma sér upp kennsluvélum yrði það afar kostnaðarsamt. Stofnkostnaður við flugvélar, flugskýli og búnað þess, er hár auk þess sem búast má við miklum rekstrarkostnaði. Því er gert ráð fyrir þeim möguleika að skólinn geti samið um afnot á slíkum vélum fyrir hönd nemenda sinna við framangreinda flugskóla, svo og um störf flugkennara. Þar sem nemendur í flugnámi greiða sjálfir kostnað af verklegu námi er þó talið eðlilegt að þeir eigi kost á að semja sjálfir um flugvélar eða leggja til eigin vélar, enda verði skilyrðum skólans að öllu leyti fullnægt.
Eitt af verkefnum skólans er að sinna endurmenntun atvinnuflugmanna eftir því sem þörf er á. Í þessu sambandi er hugsanlegt að skólinn taki að sér kennslu eða þjálfun fyrir flugrekendur og Flugmálastjórn.
————————————-

Ég held að ég sé ekki að oftúlka neitt sérstaklega mikið, en ég veit hins vegar að það eru alltaf 3 hliðar á öllum málum: Mín hlið, Þín hlið og hin hliðin.

Otri: að leita á www.althingi.is ;)

Fyrra álit

socata fyrir 22 árum, 6 mánuðum

Ég hef ekki látið frá mér neina vitleysu hér á huga, þetta með að landeigendur selfossflugvallar séu allvarlega að íhuga að endurnýja ekki leigusamning heyrði ég á selfoss flugvelli er ég var staddur þar um daginn.
Og deTrix reyndu frekar að rökstiðja þitt mál heldur en að vera með skít kast sem á sér enga stoð í raunveruleikanum.

Fyrra álit

deTrix25 fyrir 22 árum, 6 mánuðum

Þetta er vitleysa Socata!

Og mínar heimildir: Amma mín góð sem er einn af mörgum landeigendum lands sem er undir Selfossflugvelli.

Kveðja,
deTrix

Fyrra álit

socata fyrir 22 árum, 6 mánuðum

Það er ánægjulegt að heyra flugsins vegna.
Ef þú skoðar skrif mín um þetta mál.
Þá sagði ég “ljót er ef satt er”
Enn hins vegar hefði ég skilið landeigendur vel ef þeir hefðu getað selt(eða geta) landið undir byggð eða eitthvað annað fyrir meiri pening en þeir fá fyrir að leyfa flugvöll á landinu.
Það verða náttúrulega allir að tryggja sínar eignir.

En deTrix svona mér og öðrum til upplýsinga veist þú eða einhver annar hér á huga hvenær leigusamningurinn rennur út?

deTrix takk fyrir upplýsingarnar.

Fyrra álit

Kristbjorn fyrir 22 árum, 6 mánuðum

Sælir

Einkaflugið á Íslandi stendur ekki of vel, þó það sé ennþá mun betur statt en á meginlandi Evrópu. Það eru fjölmargar ástæður sem hægt er að tína til, og nú þrengir að því úr öllum áttum.

Mér finnst alveg athugandi að færa snertilendingarnar frá BIRK til BISF og BIKF. Það myndi skemma skipulagið hjá Flugskóla Íslands með sín 90 mínútna slot, og það myndi almennt lengja flugtímana eitthvað. Það væri hins vegar katastrófa ef það ætti að færa flugskólana sjálfa frá höfuðborgarsvæðinu.

Það er nauðsynlegt að það sé auðvelt að komast í flug, og það auðveldaði mér flugnámið mikið að geta skroppið í klukkutíma flug í matartímanum (sem varð þá óvart að tveggja tíma hádegsimat).

Við erum að sjá hérna afleiðingarnar af áratuga afneitun FMS og flugsamfélagsins á þeirri staðreynd að flugvöllurinn passar ekki í miðbæ Reykjavíkur. Það átti að færa völlinn yfir á Álftanes fyrir 30 árum, og þá værum við ekki í þessari klemmu. Eins og ástandið er í dag á þrýstingurinn á að losna við flugvöllinn bara eftir að aukast.

Staðreyndin er að því lengur sem því er frestað færa völlinn, því lengra þarf hann að fara þegar hann loksins fer. Lausnin er því að horfast í augu við staðreyndir, pakka saman öllu dótinu og drífa sig yfir í nýtt framtíðarheimili. Ég hefði gjarnan vilja hafa það á Álftanesi, en það er orðið alltof verðmætt byggingaland til að það tjói að tala um það.

Þeir staðir sem eftir eru í nágrenni Reykjavíkur eru fáir. Álfsnesið er freistandi, og eins Kapelluhraunið. Lengra en það er að verða utan marka fyrir flugnema og vallarrottur. Selfoss og Borgarnes eiga eftir að verða skemmtilegir æfingavellir, en þeir eru of langt frá Höfuðborginni til að hægt sé að halda uppi lifandi einkaflugs (eða almannaflugs eins og það heitir réttilega) samfélagi í kringum þá.

Ég er hræddur um að við eigum bara eftir að sjá frekari afneitun frá FMS og höfðinu verði stungið dýpra í sandinn meðan almannaflugið kafnar í reglugerðafrumskógum og neikvæðri pressu.

Hafið þið spáð í því hvað það eru margar blaðagreinar á ári sem lofsama jeppassportið og upphækkanir, á meðan einu flugfréttirnar eru um flugslys, getuleysi FMS og óánægju með BIRK ? Hafið þið spáð í því að það er ekkert mál að fá bílalán til að kaupa 4 miljóna jeppa, en það er enginn að lána fyrir flugtímum ?

Kristbjörn - veit vel að menn eru ekki sammála

Fyrra álit

jmk fyrir 22 árum, 6 mánuðum

Já ekki vissi ég nú að einkaflugið var svona miklu sterkara og betra í gamla daga heldur en það er nú. Ég var að koma úr Kolaportinu og rakst á stóran bunka af gömlum íslenskum flugblöðum, mig minnir að þau hafi heitið “Flug” og “VIÐ sem fljúgum” og voru gefin út mánaðarlega að mér sýndist. Margir eru svekktir yfir því að tímaritið Flugið sé ekki í meiri útgáfu en það er bara svo lítið sem hægt er að skrifa um að þeir hreinlega geta það ekki.
En mig langar að vita af hverju það er svona dautt;
- Eru það dýrir tímar út af verðbólgunni?
- Eru bara menn í þessu sem fóru út í þetta út af því að það eru góð laun í atvinnufluginu en hafa ekki ánægjuna af fluginu sjálfu?

Fyrra álit

piper fyrir 22 árum, 6 mánuðum

Sæll JMK

Þetta er einmitt það sem ég vill meina.
Það virðist vera svo að það nenni engir að fljúga lengur nema vera á leið í atvinnuflugmennsku. Þessi “gamli” tími, þegar flug var áhugamannasport sem menn stunduðu vegna ánægjunnar við að fljúga er því miður liðinn. A.m.k. ber svo lítið á einkaflugmönnum í dag að þeir eru nánast eins og krækiber í helvíti.

Auðvitað eru dýrir tímar t.d. við að leigja vélar hjá flugskólunum, enn þau einkaflugmannskompany sem eru við líði sjást sára sjaldan.
Til er félag íslenska einkaflugmanna, hvar er það í dag, er það starfandi???

Fyrra álit

socata fyrir 22 árum, 6 mánuðum

FÍE er starfandi í dag og var meðal annars með Flugrallý og nokkur hóp flug í sumar.
FÍE er staðsett í gulu húsi neðan við flugfrakt Flugfélags íslands í fluggörðum.
Hinn venjulegi einkaflugmaður heldur sig í fluggörðum. Þar sem vélarnar þeirra og aðstöður eru Og lifir ágætis lífi.
Þið verðið aldrei varir við einkaflugmenn hjá Flugskóla íslands nema hann sé að leigja vél eða fara í flug með kennara.

kv socata

Fyrra álit

piper fyrir 22 árum, 6 mánuðum

Já það er víst rétt, ég vissi nú bara ekki að starfsemin þar væri í gangi að einhverju viti.
Það er best að fara og kíka á pleisið….

Fyrra álit

Flug

Flug

Ofurhugar

Stjórnendur

Hverjir eru inni

Greinar

Flugskóla á Selfossi ?

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi