eggertsae fyrir 20 árum, 4 mánuðum Fjöldi lestra: 1676

Umræða - frá stjórnendum

Sælir hugar.

Langaði að koma því á framfæri að menn vandi það sem þeir láta frá sér. Menn hafa sterkar skoðanir á ákveðnum fyrirtækjum og stofnunum, og það er vel, en margt af því væri hægt að flokka sem ærumeiðingar eða árásir á viðkomandi aðila.

Ég vil alls ekki að þið takið því þannig að það sé verið að reyna að drepa niður umræðu eða ritskoða, því það er ekki löngun neins hérna að drepa þennan miðil. Hins vegar hafa borist kvartanir frá aðilum sem hafa leitað lögfræðiálits og þessir aðilar hafa sagt að ef umræðunni er ekki haldið á málefnalegum grunni, þá neyðist þeir til að fara eftir því áliti.

Endilega svarið þessu frá mér, ef þið hafið eitthvað að segja, en vinsamlegast ekki fara að einblína á hvaða stofnun eða fyrirtæki er undanfari þessarar greinar. Það eru mörg dæmi hérna þar sem menn hafa verið að velta fyrir sér hlutum, án þess að hafa í raun neitt fyrir sér.

Kv
Eggert Sæmundsson

ManHe fyrir 20 árum, 4 mánuðum

Ég er alveg sammála um að það verður að halda sér á faglegum nótum en ekki sleppa sér í brjálæðinu sem sum fyrirtæki hafa virðast endalaust geta veitt manni.

En ef fyrirtæki getur ekki staðið undir þeirri þjónustu sem það þykist veita er alveg sjálfsagt að láta aðra vita af sinni reynslu.

Þar sem þjóðarsálin er horfin af þeim góða ríkismiðli Rás 2, er þetta fínn vetfangur til að láta í sér heyra, þið(hugi.is) hljótið að vera með klusu í ykkar reglum að þið berið ekki ábyrgð á því sem hér er sagt.

Þeir sem segja óvönduð orð um ákveðin fyrirtæki sem sennilega eiga öll þau vondu orð skilið bera sennilega sína ábyrgð enda ekki erfitt að komast að hvaða einstaklingur á í hlut þar sem þið(hugi.is) takið niður kennitölur notenda ykkar.

Ég styð frjálsa umræðu af öllum gerðum sama þótt menn sleppi sér í brennslunni, enda er tjáningarfrelsi eitt af því sem við ættum að þakka fyrir að hafa.. og nýta.

eythor hja nerdshack.com

Fyrra álit

deTrix25 fyrir 20 árum, 4 mánuðum

Ég veit ekki betur en að umræður hafi almennt verið mjög málefnalegar undanfarin misseri. Ég gæti tekið undir þessa grein hjá þér (þ.e. að menn mættu passa sig) ef þú hefðir látið hana frá þér fyrir ári eða tveimur, en ég sé ekki að hún eigi nokkurn rétt á sér í dag. Mér finnst við vera á góðri leið með þetta og að almennt séum við að haga okkur sæmilega! :)

Hvað varðar þetta fyrirtæki sem þú nefnir, þá væri gaman að heyra hvaða fyrirtæki þetta væri og hvað það ætli að gera. E.t.v. þarf eitthvað fyrirtæki að skoða betur sína starfssemi og e.t.v. er eitthvað fyrirtæki, sem verið er að fjalla um, að verða fyrir gagnrýni sem á vel rétt á sér, en það er ekki sátt þar sem þetta hefur slæmar viðskiptalegar afleiðingar. Ég held að þarna sannist sú kenning að ánægður viðskiptavinur segir einum frá en óánægður segir tíu frá! Þessi óánægði er e.t.v. að nota internetið til þess að segja frá og ég sé ekkert að því, svo lengi sem allt er innan marka siðferðis. Sé hinsvegar um að ræða fyrirtæki, sem er að verða fyrir ómálefnalegri gagnrýni, skítkasti eða jafnvel lygum, þá er það eitthvað sem þarf, og á, að taka á!

Kveðja,
deTrix

Fyrra álit

[Notanda eytt] fyrir 20 árum, 4 mánuðum

Ég er sammála deTrix, hér hafa flestar umræður verið á mjög góðum nótum undanfarið.

Ég hef lesið þá greinabúta sem fóru helst fyrir brjóstið á yfirmanni umrædrar stofnunar og verð ég að segja að þar er ekkert nema álit manna á þeirri þjónustu sem þessi stofnun býður uppá, eini búturinn sem fór eithvað fyrir brjóstið á mér var árás á “harðstjóra” nokkurn hér á hugi.is/flug og voru mjög ómerkileg orð þar notuð, en engu að síður var þar verið að tjá álit á gjörðum þess manns, og því sem hann virtist vera að verja.

Það hefur alltaf verið helsti ókostur huga að hér skrifa flestir undir dulnefni, en það hefur sennilega líka orðið til þess að hér er meira skrifað en ella, en við erum ekki að skrifa undir nafnleind, ef enhver dómari í réttarkerfinu telur að eithvað dulnefnið hafi brotið af sér (vísa í greinarsvar einsteins hér fyrir ofan) þá verða hugamenn ekki lengi að framreiða nafn og kennitölu þess sem það skrifaði.

Ég veit að ef það væri skrifað svona mikið um mitt fyrirtæki á internetinu og svona mörg álit látin í ljós þá væri ég hæðst ánægður, því ég rek þjónustufyrirtæki alveg eins og sá sem kvartaði og að hafa svona gott aðgengi að óheftum skoðunnum viðskiptavina minna er eithvað sem flestir þurfa að borga Gallup stóra upphæð fyrir að fá, að sjálfsögðu ætti að nýta þessar upplýsingar og reina að gera þjónustuna betri, þetta eru bara ábendingar um hvað betur mætti fara.
Sömuleiðis er þessum mönnum frjálst að verja eða leiðrétta það það sem þeir telja vera árás á sig hér og skrifa undir það með nafni.
Þessi lögsóknarhótun hljómaði í mínu eyrum (eftir að ég las allt það sem var verið að setja útá) alveg eins og lítið barn sem hótaði að láta pabba lemja mig ef ég geri ekki eins og barnið vil að ég geri.
Ég er síður en svo sammála öllum þeim slæmu ummælum sem þetta fyrirtæki hefur fengið hér og hef sjálfur keipt af þeim þónokkra þjónustu, og tel sjálfan mig vera betri mann eftir það.

Fyrra álit

deTrix25 fyrir 20 árum, 4 mánuðum

Það eru nokkrir góðir punktar hjá siquay, þá sérstaklega þessi varðandi Gallup :)

En eitt sem ég vil kannski svara Lowpass með vegna ummæla hans um nonni757: Svona skrif dæma sig algjörlega sjálf. Ég held að stjórnendur Flugskóla Íslands þurfi ekki að hafa miklar áhyggjur af orðspori sínu vegna nonna757, nonni ætti frekar að hafa áhyggjur af sínu…

deTrix

Fyrra álit

lowpass fyrir 20 árum, 4 mánuðum

Sælir Hugar!

Stjórnendur hafa nokkuð til síns máls. Sérstaklega man ég eftir skrifum einhvers sem kallar sig nonni757. Hann skrifaði ansi hreint “fróðlega” grein um slys og tengdi við ákveðið fyrirtæki hér í bæ. Ef menn skrifuðu að flugmenn ákveðins fyrirtækis væru slysagildra og það jaðraði við sjálfsmorði að fljúga með því fyrirtæki, þá er ég nokkuð viss um að það teljist meiðyrði. Að fáfræðin væri svo mikil innan eins fyrirtækis að það hlýtur bráðum eitthvað að fara úrskeiðis. Það er meiðyrði.

En hvernig skal taka á svoleiðis skrifum. Ef miðill eins og hugi leyfir skrif undir dulnefni þá skal það vera réttur þess sem skrifar að halda því þannig. Ef menn skrifa undir nafni þá hætta óvandaðir aðilar að skíta út menn og fyrirtæki. Það er líka mjög líklegt að það drepi niður fjörlegar umræður. Þannig að ábyrgð stjórnenda er mikil með núverandi skipulagi.

Óvönduðum mönnum með skítkast er venjulega svarað með fullum hálsi á þessum miðli. Það er vel. Menn fordæma skrif og skoðanir en ekki persónur í flestum tilfellum. Það eru miklu verri hlutir sagðir um fólk og fyrirtæki á öðrum miðlum. En að skerða tjáningarfrelsið er ekki lausnin. Þeir sem setja fram órökstutt skítkast er svarað með orðum en ekki lögsóknum. Þannig virkar það á öðrum miðlum og hefur virkað ágætlega hér. Ef umræða fer út í ærumeiðingar og á mörk siðferðiskenndar er það hlutverk stjórnenda að grípa inní.

Niður með ritskoðun og áfram tjáningarfrelsið!!

Kveðja
Lowpass

Fyrra álit

einstein fyrir 20 árum, 4 mánuðum

Lesið lögin og tjá sig síðan…
Ég er mjög sammála mörgu sem hér hefur komið fram, en mitt mannlega eðli setur sitt eigið álit á fyrirtæki – stofnanir – og annað sem kemur fram hér, sem og annarstaðar.

Stjórnarskrá lýðveldisins Íslands
1944 nr. 33 17. júní

73. gr.
Allir eru frjálsir skoðana sinna og sannfæringar.
Hver maður á rétt á að láta í ljós hugsanir sínar, en ábyrgjast verður hann þær fyrir dómi. Ritskoðun og aðrar sambærilegar tálmanir á tjáningarfrelsi má aldrei í lög leiða.
Tjáningarfrelsi má aðeins setja skorður með lögum í þágu allsherjarreglu eða öryggis ríkisins, til verndar heilsu eða siðgæði manna eða vegna réttinda eða mannorðs annarra, enda teljist þær nauðsynlegar og samrýmist lýðræðishefðum.

Almenn hegningarlög
1940 nr. 19 12. febrúar

XXV. kafli. Ærumeiðingar og brot gegn friðhelgi einkalífs.
234. gr.
Hver, sem meiðir æru annars manns með móðgun í orðum eða athöfnum, og hver, sem ber slíkt út, skal sæta sektum eða fangelsi allt að 1 ári.

235. gr.
Ef maður dróttar að öðrum manni einhverju því, sem verða myndi virðingu hans til hnekkis, eða ber slíka aðdróttun út, þá varðar það sektum eða fangelsi allt að 1 ári.

239. gr.
Heimilt er að láta refsingu samkvæmt 234. og 235. gr. falla niður, ef tilefni ærumeiðingar var ótilhlýðilegt hátterni þess manns, sem telur sér misboðið, eða hann hefur goldið líku líkt.

Góðar lendinga

Fyrra álit

BjorgvinR fyrir 20 árum, 4 mánuðum

Það væri áhugavert að fá að vita hvaða umræða fór fyrir brjóstið á þessu fyrirtæki. Ég hef verið að fylgjst með í þónokkurn tíma og hef ekki séð neitt sem mætti túlka sem ærumeiðingar eða árásir í garð þessa félags.

Fyrra álit

[Notanda eytt] fyrir 20 árum, 4 mánuðum

Þetta er ærumeiðandi, í garð grizzly en ekki beint neins annars. og þetta kemur frá engum öðrum en BjorgvinR:

BjorgvinR Þann: 17. júlí 2002, 00:24
ÉG ER ÓSÁTTUR!!!!
Hvernig stendur á því að grizzly er aftur kominn?? Sem sagt ef maður fer út fyrir öll mörk þá á maður samt að halda áfram! Auðvitað við erum á Íslandi og þessi ritstjóri má bara troða þessum rökstuðningi grizzla upp í rassgatið á sér. Grizzly svo hef ég bara eitt að segja við þig, FUCK YOU OG ÞINN FLUGSKÓLI!!
Drullaðu þér í burtu, þú átt ekki heima hér. :(

Fyrra álit

deTrix25 fyrir 20 árum, 4 mánuðum

Já… þetta var nú heldur óheppilegt… ef það er hægt að sjá einhvern ljósan punkt í þessu, þá er það það að þetta eru eins og hálfs árs gömul skrif og Björgvin hefur vonandi eitthvað þroskast síðan þá.

Kveðja,
deTrix

Fyrra álit

BjorgvinR fyrir 20 árum, 4 mánuðum

Sæll!

Eins og þú væntanlega sérð á þessari dagsetningu þá er þetta um það bil 1 1/2 árs gamallt. í dag gæti ég orða minna!!! Ég vænti þess að hann hafi verið að vísa í eitthvað nýlegt! Ég var áminntur af ritstjóra útaf þessum skrifum(nokkuð langt gengið að skrifa þetta) og hef því lítið verið í svona rugli upp á síðkastið. En málið er það að EGGERTSAE sagði að fyrirtæki hafi leitað álits lögfræðings, og því spurði ég að því hvaða ummæli hafa verið höfð um þetta fyrirtæki upp á síðkastið sem hefur farið fyrir brjóstið á þeim. Síðast þegar ég vissi þá var grizzly ekki fyrirtæki!

Fyrra álit

SteinOs fyrir 20 árum, 4 mánuðum

Erum við ekki allir okkar eigin fyrirtæki………

pæling frá Stein0s an JAR FBI CIA FIE CAA certified member of FIE

Fyrra álit

grizzly fyrir 20 árum, 4 mánuðum

Hvaða máli skiptir það hvort um sé að ræða fyrirtæki eða einstaklinga, síðast þegar ég vissi að þá er ekki gerður ýkja mikill greinarmunur þar á.

Þó að ég sé ekki fyrirtæki að þá er ég einstaklingur og er það ekki síður alvarlegur hlutur að ráðast að æru einstaklinga en fyrirtækja. Þessi ummæli þín sem deTrix rifjaði upp sögðu náttúrulega mikið meira um þinn persónuleika en minn og það vill svo til að ég er með nokkuð þykkan skráp þannig að ég tók þetta ekki svo ýkja persónulega.

Fyrra álit

BjorgvinR fyrir 20 árum, 4 mánuðum

ef menn eru eitthvað ósáttir við mín fyrri skrif sem þeir hafa túlkað ærumeiðingar þá biðst ég afsökunar á því. En eins og upphaflega spurningin var, hvaða umræða hefur átt sér stað upp á síðkastið sem hefur farið fyrir brjóstið á mönnum?

Fyrra álit

grizzly fyrir 20 árum, 4 mánuðum

Það eru ýmis ummæli viðhöfð á korkinum um slysið á FTT sem eiga sér enga stoð og eru eingöngu sagðar í þeim tilgangi að koma höggi á Flugskóla Íslands. Þeir sem ekki þekkja til fá þar mjög skakka mynd af skólanum sem enginn myndi sætta sig við.

Fyrra álit

lowpass fyrir 20 árum, 4 mánuðum

Hvað segir þú Björvin? Varstu í einhverju rugli fyrir einu og hálfu ári? Og leiddi til þess að þú áttir erfitt með gæta orða þinna? En mikið er ég glaður með að þér er batnað. Ég var vægast sagt farinn að hafa áhyggjur. Segir grizzly greyinu að stunda sjálfserðingar með sjálfum sér og með ónefndum flugskóla. Mikið á grizzla lagt. Hann á nú aðeins betra skilið:) Gott að menn hérna geta þroskast “mikið” á 18 mánuðum og hættir öllu rugli.

Kveðja
Lowpass

Fyrra álit

deTrix25 fyrir 20 árum, 4 mánuðum

Ég vil koma með nokkrar ahugasemdir við umræðuna sem nú er farin af stað:

1) Ég á ekkert í því að hafa dregið fram í dagsljósið þau óheppilegu skilaboð sem Björgvin skrifaði hérna fyrir nokkru síðan.
2) Útúrsnúningur Lowpass á orðum Björgvins er óviðeigandi.
3) Björgvin hefur nú beðist afsökunar á þessum orðum sínum og því líklega ekki þarft að orðlengja nokkuð um þetta.

Til viðbótar langar mig að segja að mér þykir áhugavert að sjá hversvegna þessi umræða hefur farið af stað. Grizzly segir að ýmislegt hafi verið sagt um “slysið á FTT sem eiga sér enga stoð og eru eingöngu sagðar í þeim tilgangi að koma höggi á Flugskóla Íslands”. Mér þykir því augljóst að sú umræða hafi farið fyrir brjóstið á forsvarsmönnum Flugskóla Íslands og í framhaldi af því hafi þeir sent stjórnendum huga.is/flug athugasemd. Passar það?

Kveðja,
deTrix

Fyrra álit

lowpass fyrir 20 árum, 4 mánuðum

Ég vil koma með nokkra punkta varðandi þetta mál.

1) Það er ekkert í umræðunni sem bendlar detrix við það að draga fram orð Björgvins í dagsljósið.
2)Það að kalla samúð mína með Björgvini útúrsnúning er óviðeigandi:)
3)Er það svo augljóst að forsvarsmenn FÍ hafi sent stjórnendum huga athugasemd? Það geta verið ótal margir aðilar sem sú umræða hefur stuðað.

Til viðbótar skal tekið að orð Björgvins um eigin hegðun er frá honum komin og komu svolítið skringilega út. En allt var þetta vel meint og algjörlega saklaust grín að öllu saman.

Kveðja
Lowpass

Fyrra álit

deTrix25 fyrir 20 árum, 4 mánuðum

Gott mál :)

Fyrra álit

grizzly fyrir 20 árum, 4 mánuðum

Já það passar, stjórnendur skólans eru að skoða ýmis ummæli sem eru viðhöfð á ýmsum stöðum um skólann sem eru beint ærumeiðandi og röng í samráði við lögfræðing.

Fyrra álit

BjorgvinR fyrir 20 árum, 4 mánuðum

Ég verð nú að segja það að ef Flugskóli Íslands þolir ekki að það sé fjallað um skólann og hann gagnrýndur fyrir það sem menn telja að fari miður í starfi hans þá er ekki allt með feldu þar! Ég held að það hafi nú ekkert verið sagt um t.d slysið sem var fyrir stuttu sem hefur flokkast undir ærumeiðingar. Það vita það flestir að margir á vellinum eru ekkert sérlega hrifnir af skólanum og þá að hann nýtur opinberlega styrkja. Því tel ég að það væri það vitlausasta sem þeir gætu gert að fara að kæra einhverja fyrir einhver ummæli sem hafa eflasut ekki skaðað þá að neinu viti. Mun gáfulegra væri að bregðast við óánægju og laga það sem miður er eða þá rangri umfjöllun með því að láta réttar upplýsingar og leiðréta miskilning.

Fyrra álit

[Notanda eytt] fyrir 20 árum, 4 mánuðum

Auðvitað væri það gáfulegra hjá þeim að bregðast við óánægju og laga til hjá sér, en munu þeir gera það? Persónulega væri ég til í það að setjast niður með stjórnendum þessa skóla og benda þeim á eitt og annað sem þeir gætu gert betur. Hvað mig varðar að þá er ég með nokkur atriði á lista, sem ég hefði gaman af því að ræða við þá.

Það væri líka gaman að sjá hvernig markaðurinn myndi bregðast við ef þeir færu út í það að kæra einhverja fyrir ærumeiðandi ummæli. Ég er hræddur um það væri eins og að skjóta sig í fótinn… eða hausinn!

Fyrra álit

BjorgvinR fyrir 20 árum, 4 mánuðum

Ég er sammála þér, það er margt sem maður myndi vilja benda þeim á sem betur mætti fara. Það er nokkuð öruggt að ef eir fara að kæra einhvern þá eru þeir að mínu mati búnir að vera!

Fyrra álit

davidjons fyrir 20 árum, 4 mánuðum

Er búið að kæra einhverja?

Fyrra álit

SiggiBen fyrir 20 árum, 4 mánuðum

Sælir hugar.

Menn fara hér mikinn og segja að margt megi betur fara hjá Flugskóla Íslands. Gaman væri að heyra frá mönnum s.s. eins og fimm atriði sem hverjum og einum finnst að betur megi fara.

Slys geta hent alla og það er þakkar vert þegar menn sleppa tiltölulega vel.

Fyrra álit

[Notanda eytt] fyrir 20 árum, 4 mánuðum

well, ég held að það sé ekki sniðugt að menn fari að tala of frjálslega hér um fí á ný, við erum ekkert of spenntir fyrir því að fá aðra kæru hótun. Hvernig væri ef menn mundu bara telja upp fimm hluti sem þeim líkar vel við flugskólann. hehe

Fyrra álit

magnifico fyrir 20 árum, 4 mánuðum

ef haegt er ad kaera folk fyrir ummaeli sin herna a huga - tha er eitthvad ad. af hverju tekur umsjonarmadur thessa vefs slikt rugl til athugunar - eg hefdi skellt a. logfraedialit ?? godverdommen !

Fyrra álit

deTrix25 fyrir 20 árum, 4 mánuðum

Ég er sammála þér magnifico.

Fyrra álit

svg fyrir 20 árum, 4 mánuðum

Ef viðkomandi ummæli flokkast undir meiðyrði eða lygar þá finnst mér ekkert skrýtið þó þeir aðilar sem hallað er á grípi til þeirra aðferða sem þeir telja nauðsynlegar til að vernda hagsmuni sína.

Kv. svg

Fyrra álit

eggertsae fyrir 20 árum, 4 mánuðum

Sælir

Það að snúa þessari umræðu upp í hvernig starfsemi FÍ er algjörlega óásættanlegt og ég er í raun svekktur að menn noti þetta sem tækifæri til þess. Þetta snýst um að menn hugsi um það sem þeir láta frá sér, hvert sem málefnið er.

FÍ er ekkert einsdæmi. Það hafa fleiri aðilar leitað lögfræðiálits út af skrifum hérna á huga. Við (Síminn rekstraraðili huga) viljum frekar reyna að fá notendur til að koma með rök fyrir gagnrýni sinni, og að það sé ekki verið að koma með ærumeiðandi skot út í loftið, í stað þess að fá á okkur málsókn. Þegar það hefur ekki gengið þá eru afleiðingarnar alltaf leiðinlegar fyrir alla, sbr. málshöfðun, eyðing skrifa og bönnun notenda. Allt mjög leiðinlegar aðgerðir sem rýra gildi þessa vefs, og menn vilja forðast í lengstu lög.

Ekki taka því þannig að í hvert skipti sem slík ábending berst að þá sé hlaupið upp til handa og fóta, og farið að berja niður notendur. Ef skrif á einhvern aðila á rétt á sér, þá hefur ekki verið farið út í slíkar umræður eins og hér. Vissulega er alltaf matsatriði hvað á rétt á sér og hvað ekki.

Við viljum samt sem áður vissulega sleppa við að þurfa að blanda lögfræðingum í málið þó að það takist kannski ekki í öllum tilfellum.

Vöndum það sem við látum frá okkur. Það er öllum fyrir bestu.

kv

Eggert Sæmundsson

Fyrra álit

[Notanda eytt] fyrir 20 árum, 4 mánuðum

Það er gott að menn gæti orða sinna, þetta var nú aðalega dregið fram í ljósið vegna þess að þetta er sennilega það ljótasta sem hefur komið fram hér á flughuga, og ég átti augljóslega erfitt með að halda aftur af mér þegar ég sá frá hverjum spurningin var…
Og vegna þykks skráps grizzlys tel ég að hér á þessu áhugamáli hafi alls ekkert verið skrifað sem hægt er að telja beint ærumeiðandi, en ég sé náttulega ekki allt sem hér er skrifað en geri ráð fyrir því að ekkert stórmerkilegt hafi farið framhjá mér.
Verum nú kátir og jóló og höldum í góða skapið, ekkert hressir mann eins og að skrifa 14 málsgreina fræðslu-grein um tæringar-áhrif mismunandi octantölu-bensíns á mismunandi álblöndur, en förum varlega í slysa umræður.

Fyrra álit

Flug

Flug

Ofurhugar

Stjórnendur

Hverjir eru inni

Greinar

Umræða - frá stjórnendum

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi