[Notanda eytt] fyrir 21 árum, 2 mánuðum Fjöldi lestra: 1074

Hugarflug

Er loksins eitthvað að gerast? Höfðu efasemdarmennirnir rangt fyrir sér?

Fólkið sem tekur afstöðu í flugmálum virðist hafa skipt sér í tvær fylkingar að mínu mati.

Annarsvegar eru þeir sem segja “Blessaður láttu þetta vera, þessi niðursveifla er komin til að vera” og rökstyðja það með 11.sept, efnahagskreppunni, hugsanlegu stríði í Írak en einnig með fullyrðingum á borð við að þoturnar séu alltaf að stækka (B-777, Airbus A380 o.s.frv.) og þessvegna yrði eftirspurn eftir okkur flugmönnunum minni um ókomna framtíð, einfaldlega vegna þess að þotunum muni fækka.

Hin “fylkingin” er hinsvegar jákvæðari, þeir segja “Líttu á tölfræðina, þessa niðursveiflur eiga sér alltaf stað á ca. 10ára fresti (Olíukreppa 1981, Persaflói 1991, George Bush 2001), haltu áfram að læra, það fer allt í gang á næsta ári (2004-2005).

Meirihluti þessa jákvæða fólks er hinsvegar tengt Flugskóla Íslands á einhvern hátt, kennarar eða skólastjórnendur. Ég lærði í Flugskóla Íslands og er ekki að gagnrýna hann á nokkurn hátt, enda hef ég mjög takmarkaðan áhuga á að taka þátt í því skítkasti sem hefur átt sér stað af og til hér á Huga, þannig að líklega er rétt að taka það fram að ég er mjög ánægður með Flugskóla Íslands í heild.

Hinsvegar er það auðvitað hagur stafsfólks flugskóla, flugklúbba, flugmálastjórnar og fleiri aðila sem koma að flugi á Íslandi að halda í flugnemana og því eru, líklega, ekki allir hlutlausir í máli sínu.

Mér finnst eitthvað vera að rofa til í fluginu, Flugfélagið réð flugmenn um daginn, Atlanta er víst að fara að ráða og hélt ekki Íslandsflug Dornier námskeið um daginn í þeim tilgangi að ráða flugmenn á næstunni?
Er þetta ekki ágætist þróun með tilliti til þess að stríð er yfirvofandi í Írak og efnahagslægð hrjáir ennþá flestar vestrænar þjóðir?

Fer ”ALLT Á FULLT" á næsta ári, eða ekki? Af hverju ættu flugfélögina allt í einu að fara að hamstra flugmenn, af hverju ekki? Hætta flugmenn einhvertímann að vinna í Rúmfatalagernum?

Hvað finnst ykkur?

Árni Páll Þorbjörnsson

Fodgett fyrir 21 árum, 2 mánuðum

Athyglisværð pæling. En athugaðu að þó að þoturnar séu alltaf að verða stærri og stærri þá eru fleiri og fleiri sem ferðast með flugi. Það er ekki eins og ein stór þota sé að koma í staðinn fyrir tvær litlar eða eitthvað svoleiðis… frekar að hún sé að bætast við.
En til hvers að hætta í rúmfatalagernum? það gæti nú verið margt verra en að vinna þar!

Fyrra álit

VBA fyrir 21 árum, 2 mánuðum

Ég veit að Flugleiðir “græddu” á Persafólastríðinu hvað varðar að vera litla óþekkta félagið á Íslandi. Það gæti verið vísbending um framtíðina, en hver veit.
Þetta með jákvæðnina, ég kem nú ekki nálægt Flugskóla Íslands mér finnst bara miklu skemmtilegra að lifa á jákvæðum nótunum, hitt er bara mannskemmandi og örugglega gríðarlega íþyngjandi.
Og hitt með uppsveiflur og fá vinnu og svoleiðis; þegar ég var að læra þá sagði minn frábæri og uppáhalds flugkennari, Torfi Sigurjónsson, við mig (og þetta bergmálaði stöðugt í hausnum á mér gegnum allt flugnámið), “ef þig langar í vinnu þá færðu vinnu, þú skalt aldrei standa sjálfa þig að því að hugsa öðruvísi”. Eigum við ekki bara öll að reyna að hugsa svona, það er svo þúsund sinnum skemmtilegra. (Og ekki misskija mig, ég byrjaði að læra á “ómögulegum tíma” eins og margir aðrir). Lifi jákvæðnin

Fyrra álit

grizzly fyrir 21 árum, 2 mánuðum

Mikið er ég rosalega sammála þessu, mér finnst neikvæðni alltof ríkjandi í þessum bransa, ekki það að hún sé nýtilkomin heldur þyrfti að eiga sér stað ákveðinn hugarfarsbreyting almennt!

grizzly - Alveg ótrúlega bjartsýnn á ástandið"

Fyrra álit

Aesir fyrir 21 árum, 2 mánuðum

Ég verð bara að segja að það þýðir ekkert að gefast upp í að reyna að fá vinnu.
Mér finnst sorglegt að sjá hvað margir hætta bara að reyna, klára jafnvel ekki verklegu prófin eftir að hafa lagt á sig allt erfiðið við að komast í gegnum bóklegu prófin.

Ég sjálfur er í vinnu við að fljúga, án þess að nokkur hafi gefið mér einhvern sérstakan séns, Ég bara ákvað að gefast ekki upp. Ég er ekki fæddur í neina flugmannafjölskyldu, hef bara óbrennandi áhuga.

En þið verðið bara að hjálpa ykkur sjálf(ir), kynnast fólki, vera jákvæð(ir) ((óþolandi stundu að þurfa að vera svona “gender correct”))! og ekki gefast upp.
Flugkennarar og starfsmenn/eigendur flugskóla eru sko allsekki í þessum bransa til að græða á flugnemum, það er ekkert að hafa uppúr því að vera með flugskóla ( I Know!).

Chevrolet Corvette

Fyrra álit

VBA fyrir 21 árum, 2 mánuðum

Það er ekki “ömurlegur tími” neinum tíma, það er alveg satt. Ég tók bara svona til orða því ég veit að mörgum líður stundum svona þegar ekkert er að gerast. Það hefði frekar verið rétt hjá mér að segja að ég hafi lært í “slow-down” á sínum tíma, árið 1992 og 1993. Alveg sammála, orðið ömurlegt er ömurlegt! Takk fyrir ábendinguna!

Fyrra álit

VBA fyrir 21 árum, 2 mánuðum

Abh, þetta hér að ofan var til þín, ég er alveg sammála. Það er einmitt mjög sniðugt að koma sér af stað þegar það er “slow-down”. Samkeppni kemur þó reyndar ekki lengur beint við mig þar sem ég er búin að vera í fimm ár hjá Flugleiðum. Vildi bara reyna að peppa alla flugnema hér á rásinni upp og hvetja sem flesta til að gefast ekki upp heldur trúa því að þeir komist í vinnu á endanum! Ég bara trúi því án alls vafa að það á eftir að borga sig á endanum að vera jákvæður. ;)

Fyrra álit

VBA fyrir 21 árum, 2 mánuðum

Aesir - ég hef líka brennandi áhuga þó að ég sé fædd inn í flugmálafjölskyldu sem á ættir sínar að rekja til 1938. Pabbastelpa út í gegn, alveg stolt og skammast mín ekkert fyrir það.
Það sem ég vil segja er að ég vona að fólk hafi ekki áhyggjur af því að fá ekki vinnu út af því að vera ekki í “flugmannafjölskyldu”. Ekki má gleyma því að stundum getur klíkan líka verið illa liðin og getur þannig eyðilagt fyrir annars ágætum afkvæmum.
Jón eða Séra Jón eða Herra Jón eða Jón lúði ekki gefast upp. Ef þú kannt þitt fag og ætlar þér að fá vinnu, þá færðu vinnu. Enn og aftur… stattu þig aldrei að því að hugsa öðruvísi.

Fyrra álit

B17 fyrir 21 árum, 2 mánuðum

Ég verða að vera sammála þeim hér að ofan sem hafa óbilandi trú á ástandinu. Það getur ekki verið svona rólegt á atvinnumarkaði flugmanna að eilífu. Sannleikurinn er sá, æ færri manneskjur í heiminum í heild, ákveða að fara út í atvinnuflugmannsnám. Þar kemur margt til. Í könnun sem gerð var í Sviss á vegum Swissair (þegar það var og hét) kom í ljós að miðað við þann fjölda einstaklinga sem voru tilbúnir að fara út í atvinnuflugnám í Sviss sem heild, vantaði Swissair 200 einstaklinga uppá til að geta fyllt í eyður þeirra sem fara á eftirlaun fram til 2005. Það var bara hjá þessu eina flugfélagi!! (Sem reyndar er farið á hausinn). En flugmannaskortur í heiminum er raunverulegt vandamál sem stjórnendur flugfélaga eru farnir að taka alvarlega. Í lok árs 2000 (fyrir kreppuna sem hófst 2001) var haldin ráðstefna í Zhuric þar sem mættir voru yfirmenn þjálfunnardeilda allra helstu flugfélaga í heimi. Útkoman úr þeim fundi var sú að þeir sæju fram á að árið 2005 vantaði 2000 flugmenn í heiminum. Eftir kreppuna sem hófst 2001 er óraunhæft að ætla að þessi staða verði uppi árið 2005, hún frestast um nokkur ár.
En afhverju er fólk úti í heimi hætt að sækja í flugnám. Í könnuninni sem Swissair gerði, voru þeir sem ekki höfðu áhuga á starfi atvinnuflugmanns spurðir hversvegna. Útkoman úr því var sú að flestir voru ósáttir við langar útiverur af fjölskylduástæðum, aðrir gáfu léleg laun sem ástæðu (hægt að hafa mun betri pening í t.d. tölvum eða vísindum) og enn aðrir voru hræddir við atvinnuöryggi í greininni. Greinilegt er að ljómi starfsins er horfinn!!

Þegar allt er tekið saman má segja að þeir sem eru með gild atvinnuflugmannskírteini og halda sér við með því að fljúga reglulega eigi góða möguleika þegar fram í sækir. Spurningin er eingöngu um þolinmæði og fjárhagslega getu til að hanga í lausu lofti, jafnvel árum saman. Þeir sem ekki gefast upp FÁ VINNU á endanum.

Fyrra álit

b52 fyrir 21 árum, 2 mánuðum

B-52 er alveg samála B-17 þarna fullkomlega hefði ekki getað orðað þetta betur:)

Kveðja
B-52

Fyrra álit

deTrix25 fyrir 21 árum, 2 mánuðum

B17

Kreppan hefur ekki bara áhryf á einn veg heldur báða - eða alla! Ef flug minkar fækkar líka þeim sem sjá sér hag í því að læra að fljúga og þar af leiðandi fækkar nýliðun í stéttinni. Ef þeir gera ráð fyrir því að þetta ástand verði 2005 (vöntun á flugmönnum) finnst mér raunhæft að ætla að það standist vegna áðurnefndra raka.

deTrix

Fyrra álit

Mazoo fyrir 21 árum, 2 mánuðum

Þessi setning “þeir sem ekki gefast upp fá vinnu á endanum” er gullvæg og ég get fullyrt að hún lýsir málinu best. Ég hef séð marga góða menn gefast upp, en þeir sem kláruðu og héldu sér við fengu vinnu. Ef ég man rétt þá vorum við 26 saman á B námskeiðinu sem ég sat. Af þeim kláruðu að mig minnir 22. Svo gáfust ca. 4 upp. ALLIR HINIR FENGU VINNU. Tölfræðin sem var í gangi fyrir 11. sept. var sú að í USA einum yrði þörf fyrir 12000 nýja flugmenn 2001-2010. Það er nú ekkert smáræði, en hefur væntanlega eitthvað minnkað eftir fjárhagsörðugleika flugfélagana þar. Ekki má heldur gleyma því að fyrir tveimur árum var því spáð að flugumferð myndi tvöfaldast á næstu tíu árum. Það er ekki stærri flugvélum að þakka! Eins og nefnt var hér að ofan eru það bæði mikil aukning í frakflugi og lággjaldafélögin sem hafa mikið að segja í þessu. Á móti kemur að flugmannsstarfið verður kannski ekki eins vel launað og áður þegar fram í sækir, en ég ætla nú samt að vona ekki. Eins og Sæfinnur (mig minnir að hann hafi heitið það) í bókinni Hin fjögur fræknu og kappsiglingin sagði alltaf: “Þetta er allt að koma, vantar bara herslumuninn”. Sæfinnur sagði þetta úr kafi með toppinn á mastrinu upp úr sjónum. Með öðrum orðum, ALDREI gefast upp. Þinn tími mun koma! :-)

Fyrra álit

grizzly fyrir 21 árum, 2 mánuðum

Það er bara alltaf eitthvað örvæntingarástand sem myndast þegar ráðið er. Eins og t.d. núna þá var ráðning hjá Flugfélagi Íslands (5 manns) og þeir sem fengu ekki vinnu verða hálf örvæntingarfullir um það að þeir séu nú barast ekki að fá vinnu! Svo eru menn náttúrulega misþolinmóðir en það er mín skoðun að þolinmæði þrautir vinnur allar. Sjáiði t.d. lækna sem sérmennta sig, þeir eru að læra framyfir þrítugt og eru svo bara á ágætislaunum eftir það. Það bara þýðir ekkert þetta viðhorf að vilja allt strax… núna… og helst í fyrradag. Flumannastéttin er ekkert að fara að leggjast af á næstunni! Það er bara búin að vera kreppa og þá er þetta bara spurningin um að þrauka og vinna fyrir sér á einhvern annan hátt þangað til.

Fyrra álit

Kolsi fyrir 21 árum, 2 mánuðum

Mig langar bara að benda ykkur á grein í ‘Flight International’ heftinu 26. nóv-2. des. 2002.

Veit ekki hvort það hefur eitthvað verið rætt um þetta á Huga en þar er fjallað um í stuttu máli ‘Training organisation’ sem heitir CTC McAlpine og bíður flugnemum upp á trainingu sem þeir þurfa ekki að borga fyrr en þeir fá vinnu. Það eru að vísu dálitlar kvaðir, eins og gengur og gerist, en endilega lesið þetta ef þið komist yfir blaðið, þetta er á bls. 12.

Baráttu Kveðjur,

Fyrra álit

sbg fyrir 21 árum, 2 mánuðum

Sælir,

Mér finnst að þeir sem eru í flugbransa vera frekar neikvæðin, til dæmis flugskólar, flugnemar. Þetta tal um að neitt gangi í flugi og flugfélög séu ekki að ráða flugmenn, smitar út frá sér. Og færri en áður eru læra því flug. Ég tel að þetta sé eitt af mörgu um að það séu fáir sem eru að læra. Þó að það gengur illa fyrir þá sem þegar eru flugmenn að ráða sig hjá einhverjum flugfélögum. Þetta er svona. Ég hef heyrt frá flugkennurum að EF ÞÚ VILLT VERA FLUGMAÐUR ÞÁ VERÐURU FLUGMAÐUR. Þetta vindar upp á sig!!!

Ég er mjög sammála þessari umræðu. Flott grein AutoRelay.

kv., Snorri Björn Gunnarsson

Snorri

Fyrra álit

turbulence fyrir 21 árum, 2 mánuðum

já eitthvað verra… IKEA . BYKO . Snæland video ????
bara svona eitthvað … hehehehe

Fyrra álit

abh fyrir 21 árum, 2 mánuðum

Í fyrsta lagi þá eru sveiflur í öllum greinum, lítum bara tölvubransann núna eftir allann þennan uppgang?

Þó vélar stækki, þá líka fjölgar farþegum, þannig að stærri vélar eru ekki að gera flugmenn atvinnulausa. Hvað voru t.d. margir sem ferðuðust á milli landa fyrir 10 árum og svo núna? (Einnig er mannfólkinu sífellt að fjölga og lengja lífið sitt)

Auðvitað er erfitt að sjá hvað gerist þegar usa ræðst á Írak, það er eiginlega ómögulegt að segja til um það, hugsanlega gætum við litla friðsæla þjóðin grætt á því og fólk vill kannski frekar fljúga með okkur, hugsanlega mun fólk sækjast meira að koma í ferðir hingað til okkar friðsæla lands, kannski hættir fólk hreinlega að þora að fljúga, sama með hverjum, auðvitað hallast ég frekar á að við högnum heldur en hitt.

Svo er annað mál, þetta er kannski ein atvinnugrein þar sem atvinnuleysi er algjör nauðsyn. Það hvetur menn til að leggja sig meira fram þar sem flugfélög eiga ekki í vandræðum með að finna nýja flugmenn, og allir hagnast á metnaðarfullum einstaklingum, sérstaklega þegar þeir eiga að bera ábyrgð á lífi hudruðu manna í hverri ferð.

En svo er annar punktur í þessu, heimurinn er sífellt að minnka, landamæri að hverfa, innflutningur að verða frjáls, tollar að hverfa og heimurinn farinn að heimta ferskari vörur. Þetta ýtir undir flutninga flugleiðis, og þar af leiðandi ætti cargo flug að aukast á næstunni.

Svo sagði einhver að hann er að læra á ömurlegum tíma, ég er bara alls ekki sammála, ef það væri mikil gróska í flugi akkúrat núna, þá væru margfalt fleiri að læra, sem munu verða á sama vinnumarkaði í næstu niðursveiflu, og það kostar þig aukna samkeppni.

Málið er að öllu vondu fylgir eitthvað gott, og sömuleiðis fylgir öllu góðu eitthvað vont. Það er bara að vera jákvæður. Þeir sem leggja sig mest fram fá vinnu. Þannig er þetta bara og þannig á þetta að vera.

Fyrra álit

[Notanda eytt] fyrir 21 árum, 2 mánuðum

Eina sem ég get sagt er að ég vildi að ég kæmist reglulega frítt milli Akureyrar og Rvíkur með EINU HUGARFLUGI og punktur og pasta!!!!!! :D þetta er of dýrt fyrir fátæka nemendur einsog mig!!!!!! ósannnnngjarnt!!!!!!!!!!

Fyrra álit

Flug

Flug

Ofurhugar

Stjórnendur

Hverjir eru inni

Greinar

Hugarflug

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi