Af hverju er þetta grein???

Eg var að kíkja á texstavarpið og það eru aðalega einhreifilsvélar sem ganga fyrir þessu bensíni svo þetta verður allt í lagi.

þetta stoppar ekki bara Sportflug einnig atvinnuflug svo sem jórvík,vestmannaeyjaflug og mýflug og sjúkraflug þarf að notast við stærri vélar eða þyrlur við skulum vona að olíufélöginn kippi þessu í liðinn sem fyrst.

Kveðja
B-52

Sælir

Hér eru fyrstu fréttir frá stöðvarstjóra Skeljungs. FÍE er að reyna að afla allra þeirra upplýsinga sem hægt er, og stefnum að fundi með fulltrúum Skeljungs í byrjun næstu viku. Þangað til vitum við eftirfarandi:

Það sem gerðist var að olíufélögin tóku árlegt sýni úr avgas tönkum í Reykjavík. Gildi sem kallast “Reid vapour pressure” eða uppgufunarþrýstingur reyndist vera undir viðmiðunarmörkum. Þetta er dularfull stærð, sem enginn virðist kannast við, en er einn af 15-20 liðum sem eru prófaðir við reglubundið eftirlit. Gildið á að vera á milli 0,55 og 0,7 en reyndist vera 0,5. Bensínið sem um ræðir eru gamlar birgðir, sem byrjað var að nota um mánaðamótin október-nóvember. Uppgufunarþrýstingur lækkar með aldri, þannig að þetta segir okkur að við fljúgum ekki nóg.

Afleiðing af þessu er að vélar eru verri í gang, og hugsanlegar gangtruflanir í mikilli hæð. Athugað hefur verið með möguleika á íblöndunarefnum eða öðrum ráðstöfunum til að gera það bensín sem til er á landinu nothæft, en það virðist ekki vera hægt. Verið er að bíða eftir niðurstöðum á prófunum utan af landi. Þegar er vitað að bensín á Ísafirði er ónothæft, en nothæft á Rifi. Þar eru hins vegar mjög litlar birgðir.

Það þarf sérstök skip til að flytja flugvélabensín til landsins, vegna blýinnihalds. Olíufélögin eru á útopnu að reyna að útvega nýjan farm eins fljótt og hægt er. Það tekur að minnsta kosti tvær vikur, en gæti tekið lengri tíma.


Á meðan er einkaflug og flugkennsla á landinu lamað, svo ekki sé talað um Flugfélag Vestmannaeyja, Jórvík og Mýflug. Ekki gott mál.

Ég pósta nýjar fréttir hér, og reyni jafnvel að endurnýja vef FÍE um leið og eitthvað gerist í málinu.

Kristbjörn Gunnarsson

Sælir

Nú er öllum flugáhugamönnum bent á að stilla á Rás 2 eftir áttafréttir í fyrramálið (mánudagsmorgun). Ég ætla að mæta upp í útvarp og reyna að kynna okkar hlið á þessu máli öllu saman. Það er mikið atriði að þetta viðtal gangi vel, hér eru helstu punktar sem ég ætla að reyna að fylgja, kommentið endilega ef þið hafið eitthvað að segja.

- Jákvæðni er aðalatriðið. Við viljum öryggi, það er gott að þessi galli uppgötvaðist.
- Einkaflugið er aktívara en fólk heldur, og það er venjulegt fólk sem er að fljúga, ekki margmilljónerar.
- Flugið er rétt eins og vélsleðasport, hestamennska og jeppasport, við lendum aldrei í fréttum nema þegar að eitthvað kemur upp á.
- Einkaflugnám og kaup á hlut í flugvél eru minni fjárfesting en ný Toyota Corolla á bílaláni.
- Ekki alvarlegur galli á bensíni, rétt utan marka, gerir að það verður erfiðara að starta, en við höfum flogið með þessu bensíni í margar vikur án teljandi vandræða.
- Veðrið er stærsti faktorinn, þó við verðum jarðbundnir í einhverjar vikur út af bensíninu, þá höfum við líka verið jarðbundnir í nokkrar vikur út af veðurstofunni.

Stillið á Rás 2, 8:20 á mánudagsmorgun.
Kristbjörn