habe fyrir 21 árum, 3 mánuðum Fjöldi lestra: 1721

Atvikið á Gardemoen.

Í kvöldfréttunum rúv, þann 23. jan. var sagt frá skýrslu norsku flugslysanefndarinnar, um flugatvik flugleiðaþotu, við Gardemoenflugvöll. Eins og fréttin er sett upp, þá finnst mér skýrslan vera mikill áfellisdómur, sérstaklega yfir viðkomandi áhöfn.
Þar sem ég er ekki menntaður flugmaður, en hef reynt að fylgjast aðeins með flugi, langar mig að spyrja ykkur flugmenn,í framhaldi af þessari frétt.
1.) Fer sjálfstýring ekki af, er ekki rofi í stýri sem tekur sjálfstýringu af, þegar flugmaður fer að stýra vél handvirkt. Það er reynir sjálfstýring að vinna á móti flugmanni, nema hann slökkvi á henni með takka í mælaborði?
2.) Er eðlilegt að flugmenn á farþegaþotu, geri þau mistök að vélin fari næstum í ofris (eins og mér skilst að hafi gerst þarna),og til að bjarga því dembi þeir vélinni svo bratt niður að það liggi við að þeir geti ekki náð henni upp, og vélin verði fyrir mun meira álagi en hún er hönnuð fyrir?
3.) Svo kemur eiginlega stærsta spurningin. Hefðu viðkomandi flugmenn ekki strax eftir lendingu, átt að tilkynna um atvikið, og senda flugvélina í skoðun. Fynnur vanur flugmaður ekki strax ef álag á vélina er óeðlilega mikið?
Vonandi getiði svarað þessum spurningum faglega.
Kveðja habe.

Beerbelly fyrir 21 árum, 3 mánuðum

Það var talað um álag uppá 3G+ á farþega!!!!
Það er bara eins og í formúlubíl!!!!!!! pælið í því!!!

Fyrra álit

Midnight fyrir 21 árum, 3 mánuðum

Fólk gerir mistök. Þarna voru margir factorar að spila inní. Bæði frá flugumferðarstjórum auk áhafnarinnar.
1). Það eru 2 gerðir af sjálfstýringum á 757. Sú sem stjórnar stýrunum og önnur sem stjórnar “throttlunum” eða aflgjöfunum. Þegar þú hættir við lendingu ýtir þú á takka á aflgjöfunum sem sjálfkrafa gefur þér hámarksafl mótóranna þangað til hún kemur uppí þá hæð sem var búið að stilla á, á þeirri sjálfstýringu sem stjórnar stýrunum (þarna voru þeir með vitlausa hæð stillta þannig að þegar hún komst í þá hæð þá byrjaði vélin að draga af aflinu). Upp frá því fór allt úr skorðum.
2) Farþegaþotur eru oft að farast og 80 og eitthvað % eru mannleg mistök þannig að það er “eðlilegt” að stundum geri menn mistök. Eina leiðin til að ná vél úr ofrisi er að setja nefið á henni niður til að fá upp flughraðann aftur. Þotur þurfa oft mikla hæð til að ná sér úr ofrisi en í þessu tilviki höfðu þeir nú ekki mikla hæð til að “leika” sér með. Þar að auki voru þeir inní skýjum allann tímann sem gerir manni ennþá erfiðara fyrir að ná vél úr ofrisi því að þú hefur eingöngu mælanna til að fara eftir. Það er mun auðveldara að ná vél úr ofrisi þegar þú sér eitthvað út. Seinasta banaslys í íslenskri vél var Fokker 27 í Færeyjum snemma á áttunda áratugnum þannig að við getum nú ekki kvartað mikið. Íslenskir flugmenn eru nú líka með þeim bestu í heimi. Hehehe…
3) Það eru engir mælar í þessum vélum sem segir manni hversu mikið álag verður á hana. Vélin er gerð fyrir 150% meira álag en “við” megum setja á þær. Það er svona safety factor.
Eftir lendingu á Gardermogen spurði flugstjórinn hvort að restin af áhöfninni vildi halda fluginu áfram og samþykktu þeir það allir. Einnig var kallaður til flugvirki frá BRATHENS flugfélaginu sem var í símasambandi við flugvirkja í KEF. Einnig voru skoðuð vængbörðin á vélinni og sýndu þau ekkert óeðlilegt. Þannig að það var nú ekki eins og menn gerðu ekkert!
Eftir lendingu í Stockhólmi hringdi flugstjórinn í yfirflugstjórann sem tók á móti vélinni við komuna til KEF og tók skýrslu af áhöfninni. Flugritar voru teknir úr vélinni og það var ekki fyrr en niðurstöðurnar úr þeim komu til baka að menn sáu hversu alvarlegt atvikið var.

Þú getur líka skoðað á mbl.is skýrsluna sem norska flugslysanefndin sendi frá sér. Hún er á ensku og er nákvæm og mjög góð.
Kv Midnight.

Fyrra álit

habe fyrir 21 árum, 3 mánuðum

Sæll Midnight, og takk fyrir svarið, það svarar miklu.
Ég er alveg sammála þér að íslenskir flugmenn eru mjög færir. En það þýðir ekki, að ekki megi gera góða flugmenn betri.
En ég verð nú að hryggja þig með því, að því miður hafa orðið nokkur banaslys í íslenskuflugi síðan Fokker f 27 fór í Færeyjum. Frægast er líklega slysið í Skerjafirði. Svo man ég líka í fljótubragði eftir slysi nálægt Kleifavatni, þar fórst flugmaðurinn.
Mín heitasta ósk er slysalaust flug, og þess vegna er gott að fá vandaðar skýrslur um öll flugatvik, hvort sem slys eða ekki verður. Ásamt umræðu um hvað má bæta.
Í lokin langar mig að spyrja, er það ekki hættulegt fyrirkomulag, að eldneytisstýring sé sjálfvirk, og geti slegið af of fljótt þegar verið er að rífa vél upp. Ætti ekki að vera gengið þannig frá því að hreyflarnir gefi ekki eftir fyrr en flugmenn geri það handvirkt, eða setji sjálfstýringuna aftur á.
Kveðja habe.

Fyrra álit

Midnight fyrir 21 árum, 3 mánuðum

Jú það er rétt hjá þér habe með hin slysin. Þau voru samt hvorug í áætlunarflugi eins og ég meinti. Ég hefði átt að vera skýrari. TF-GTI var í leiguflugi og Partinavian hjá Flugfélagi Vestmannaeyja fórst þegar var verið að ferja hana til Eyja.
Autothrottle eins og sjálfstýringin fyrir mótórana kallast er gríðarlega gott og öruggt tæki. Eins og með allt annað ef það er notað rétt!!
Tilgangur þeirra er að minnka vinnuálag á flugmennina. Í flugtaki þá er bara ýtt á einn takka og hún stillir aflið fyrir flugtak. Í klifri stillir hún sig til að halda klifurhraðanum og í farflugi heldur hún farflugshraða þannig að flugmaðurinn þurfi ekki alltaf að vera að fínstilla aflið. Hann getur verið að gera eitthvað annað t.d. fylgjast með annari umferð. Í aðfluginu kemur hún einna best að notum. Sérstaklega í lélegu veðri. Þá stillir þú aðflugshraðann á sjálfsstýringuna og hún heldur aðflugshraðanum alveg sjálf. Þegar skyggni eða skýjahæð er orðið mjög lélegt þá eru þessar nýju þotur með autoland eins og það kallast. Þá flýgur sjálfstýringin vélinni alveg niður á brautina reisir nefið og dregur af mótórunum. Hún meira að segja bremsar sjálf. Ég get sagt þér það af eigin reynslu að það er mjög flott að sjá þetta. Samt pínu óþægilegt að finna aðalhjólinn snerta brautina en þú sérð ennþá lítið sem ekkert út.
Kv.

Fyrra álit

habe fyrir 21 árum, 3 mánuðum

Takk Midnight, fyrir annað gott svar.
Mér finnst samt ekki alveg rétt að miða bara við áætlunarflug, ef þú ert að taka út flugöryggi, en get sætt mig við að tala um farþegaflug, sem TF-GTI var greinilega í. Þar sem farþegaflug á að sæta góðu eftirliti allra aðila, hvort sem það eru farþegar, eða flugmenn, svo að það sé sem öruggast fyrir alla.
Ég þakka líka fyrir góða skýringu á Autothrottle, en hvað segja vinnureglur um það þegar hætt er skyndilega við lendingu, má samt vera með Autothrottle á, eða ber að taka það af?
Kveðja habe.
E.s. hver er slóðin á skýrsluna, ég fann hana ekki á mbl.is

Fyrra álit

svg fyrir 21 árum, 3 mánuðum

Prófaðu þessa slóð, http://www.aaib-n.org/Rapporter%202003/report%207-03.ht m
Einnig vert að benda mönnum á vef Rannsóknarnefndar flugslysa, www.rnf.is, en þar má finna nokkra tengla á aðrar nefndir.

Kv. svg

Fyrra álit

skyhawk fyrir 21 árum, 3 mánuðum

Varðandi þær vélar sem hafa farist í farþegaflugi þá eru tvö slys á þessum árum sem þið talið um sem þið gleymið.
1. TF-ORM Piper Aztec fórst í Ljósufjöllum með 5 manns. 06.04.1986.
2. TF-FLA DC-8 fórst í aðflugi á Sri-Lanka 15.11.1978 og með henni 183 manns.
(heimild www.flugheimur.is)
kv. skyhawk

Fyrra álit

ouis fyrir 21 árum, 3 mánuðum

ég held að þetta hefði verið kæft niður af flugleiðum ef að þetta hefði gerst á íslandi???
Hvað haldið þið

Fyrra álit

Midnight fyrir 21 árum, 3 mánuðum

Það var nú mjög mikið að í Skerjafjarðar slysinu. Það tæki nú mjög langan tíma að fara að telja það allt upp hérna. En það er alveg rétt það var farþegaflug.

Þegar hætt er við lendingu á autothrottle að vera á. Það er takki á aflsköftunum sem maður ýtir á og vélin gefur þér allt sem hún hefur til að hefja fráhvarfsflug sem fyrst.

Farðu á mbl.is. Svo vinstra megin sérðu dálkinn helstu mál. Veldu Gardemogen atvikið. Þá færðu fréttirnar um atvikið. Veldu fréttina - Uppnám í stjórnklefa TF-FIO…..
Það er línkur neðst til að fá skýrsluna.
Svo getur þú líka farið á www.rnf.is. Þar koma allar skýrslur jafnt um flugatvik og slys

Kv.

Fyrra álit

Mazoo fyrir 21 árum, 3 mánuðum

Aðeins tvær athugasemdir. Í guðs bænum hættið að tönnlast á því bulli að Flugleiðir séu einokunarflugfélag. Það er langt síðan það breyttist og sem dæmi þá taldi ég alls 11 félög sem flugu hingað árið 2001. (Andvarp) Í öðru lagi þá hef ég enga trú á því að Flugleiðir hefðu reynt að kæfa þetta niður hér á Íslandi. Það er ekkert unnið með því, það er betra að “face the music” og halda einhverju trausti almennings en að láta hlutina leka út hægt og rólega og springa svo framan í mann. Það þarf nú engan kjarnorkuvísindamann til að sjá að farþegarnir hefðu kvartað hástöfum, sama hvaða þjóðerni er um að ræða. Ég myndi líka kvarta ef síminn minn færi úr brjóstvasanum og flygi “beint og lárétt” aftur í eldhús!!! Spyrjið ykkur samt, berið þið jafnmikið traust til Flugleiða nú og áður, eða hafið þið kannski aldrei treyst þeim? Það sem ég þekki af Flugleiðum gefur mér enga ástæðu til að vantreysta því félagi, eða flugmönnum þess.

Fyrra álit

VBA fyrir 21 árum, 3 mánuðum

Autothrottle kemur sjálfkrafa inn við að ýta á go-around takk á stýrinu hvort sem hún hefur verið á fyrir eða ekki og hvort sem verið er að handfljúga eða ekki. Hún gefur picth command um að halda a.m.k. 2000 fpm og eykur hraðann upp í existing speed eða MCP hvort sem hærra er. Þetta er háð því að báðir mótorar séu í gangi og að vélin sé komin í GA mode sem gerist við fyrstu flapasetningu eða þegar vélin er komin í Glide slope pitch mode.
Reglan hjá Flugleiðum er að fljúga með bæði kerfin af (autopilot og autothrottle) ef á annað borð er verið að handstýra og bæði kerfin á ef um sjálfstýrt flug er að ræða. Hins vegar er mælt með notkun autokerfisins í jafn krítískum aðstæðum og aðflug og go-around er. Throttlan finnur út rétta aflsetningu og minni hætta er á að fara yfir e-r takmörk. Einnig er talað um að autokerfi fljúgi betur er mennirnir í windshear aðstæðum og já bara yfirleitt alltaf.
En að sjálfsögðu bregður stundum út af vananum þegar aðstæður er farnar að breytast. Aðalmálið er náttúrulega að reyna hafa stjórn á vélinni. Þegar álag er mikið og aðstæður slæmar er ekki óalgengt að öll sjálfvirknin fari að flækjast fyrir mönnum. Ég held ég geti lofað upp í ermina á mér og sagt að allir flugmenn hafi lent í slíkum aðstæðum. Málið er kannski að detta ekki út þó maður ruglist heldur hugsa og hugsa og hugsa, koma sér fljótt inn í aðstæður á ný og umfram allt að vera á undan vélinni.
Ég held hins vegar að það sé mjög auðvelt að vera vitur eftir á og enginn okkar getur sagt til um hvernig við bregðumst við á ögurstundu. Bestu menn frjósa en hinir hæglátari breytast kannski í súperhetjur. Hver veit, ekki ég! Ég veit ekki hvað í andskotanum ég myndi hugsa ef ég væri 3 sek frá því að deyja. Vonandi e-ð gáfulegt en vonandi kemst ég aldrei í þær aðstæður en ef ég geri það þá ætla ég að reyna að minnast atviksins í Gardermoen og nota það sem jákvæða reynslu.

Fyrra álit

gixxer fyrir 21 árum, 3 mánuðum

Það er soldið einkennilegt að þegar það verða sjóslys segja menn að sjórinn taki sitt og málið er útrætt, þegar það verður bílslys þá verður bara bílslys og það mál er útrætt, en þegar flugvél lendir í smá ókyrrð eða bremsar harkalega á braut verður allt vitlaust og mesta mildi að nokkur komst lífs af.

Svo er ruglað um þetta í æsifréttum fjölmiðla sem hafa ekkert betra að gera en að sverta mannorð þeirra sem voru svo óheppnir að eiga hlut að máli, og fjallað um hve mikinn ólestur flugmálin eru nú komin í.

Það er allt í lagi að tala um hlutina, það er ekki í lagi að gera þá sem gera mistök að einhverjum óhæfum glæpamönnum. Við erum öll mannleg og gerum öll mistök.

Fyrra álit

Kolsi fyrir 21 árum, 3 mánuðum

Það er mikið að maður með viti tjáir sig um þetta mál…
Ég er ekki að skilja þessa pólitík að vera alltaf að benda á aðra og kenna öðrum um það sem betur mætti fara. Við geturm öll lennt í því að drepa okkur í þessum blessaða bransa, slys og aðstæður sem menn ráð illa við gera ekki boð á undan sér!!! ef svo væri byggjum við í fullkomnum heimi….

Baráttu kveðjur,

Fyrra álit

VBA fyrir 21 árum, 3 mánuðum

Ég er mjög sammála þér Fodgett, auðvitað hefði átt að gera go-around fyrr en svo er það hitt málið, það að vera go-minded (sem kannski frekar á við í flugtökum). Svo er það annað mál að þegar menn verða ringlaðir í sitt hvoru horninu er lítið back-up fyrir hvorugan að fara. Það að vera “einn” við stjórnvölinn á 189 farþega vél getur haft ótrúleg sálræn áhrif á menn.
Ég veit það ekki, kannski eru flugmenn að láta pressa á sig út af almenningsáliti eða áliti annarra flugmanna.
Það liggur alla vega ekki vafi á því að flugmannsstéttin er og verður lengi öfunduð og þess vegna verðum við kannski fyrir barðinu á öðrum frekar en bílstjórar eða sjómenn.
Það er líka sannarlega öfundsvert að sjá allt þetta unga, duglega fólk sem er að læra flug, fullt af eldmóð og áhuga, klárt í kollinum og til í slaginn.
En það er líka mikilvægt að við stöndum saman og bökkum hvort annað upp því við höfum jú vitið hvað varðar flugið og almenningur hlustar.
Mér hefur aldrei þótt jafn gaman að fljúga né gengið betur eftir að ég ákvað að “play dumb”! Ég viðurkenni fúslega að ég kann ekki allt og veit ekki allt betur en aðrir hvað varðar flug en mig langar stöðugt að læra og verða betri. Án hræðslu ræðst ég því á menn mér reynslumeiri, sem hafa verið í bransanum í 30-40 ár, og spyr: “hvað er þetta….”, “hvernig geri ég þetta og hitt….” og “hvað myndir þú gera ef þú lentir í þessu…”. Þetta jaðrar við að vera eins og “Viltu vinna milljón” þegar ég er að fljúga! Og viti menn, ég læri alveg ótrúlega mikið hvern dag fyrir sig.
Hvað flugmenninar varðar, þá þekki ég báða ágætlega vel og þetta eru sannir heiðursmenn, vel vakandi og góðir flugmenn. Þetta var bara ekki þeirra dagur, þeir lentu í gildru. Ég hef oft spáð í það hvað ég hefði gert í þeirra sporum (ásamt því að halda spurningakeppnir fyrir vinnufélagana) enda hefði ég alveg eins getað lent á skrá á þessu flugi.
Hefði maður ekki gert go-around fyrr? Hefði maður átt að neita að skipta um braut sökum aðstæðna? Hefði maður ekki átt að taka race-track yfir Solberg til að koma sér niður? Hefði maður átt að setja hjólinn fyrr niður til að ná sér í meira drag og minnka hraðann? Beygjuradíusinn við LOC intercept var allt of stór út af hraðanum! Hvað gerðist eiginlega eftir pull-upið? Er ekki auðvelt að missa orientation inn í skýjum?
Eitt er víst að þetta verður ekki tekið til baka og við verðum að læra af þessu.
Gangi ykkur ávallt vel í fluginu (og ps. smá hint fljúgið stíft rétt fyrir ráðningar)!

Fyrra álit

VBA fyrir 21 árum, 3 mánuðum

Og Fodgett, ekki draga til baka það sem þú sagðir. Það á fulla rétt á sér og er dæmi um góða dómgreind. Þú ert eða verður örugglega príma flugmaður!

Fyrra álit

Kristbjorn fyrir 21 árum, 3 mánuðum

Til umhugsunar.

Það sem mér finnst slæmt við þetta er hvað það hefur mikið borið á óeðlilegum flugatvikum og “næstum því slysum” hjá flugleiðum síðustu misserin. Upp úr standa Gardemoen, dýfan hjá Orlando vélini og þegar kviknaði í hreyfli í Malaga flugi (Icelandair holidays með danska túrista).

Öll þessi atvik eiga sér eðlilegar skýringar, og sem flugmaður veit ég að það er erfitt að komast hjá slíku. heildaráhrifin eru þau sú að glansmyndin af hinum óskeikula íslenska flugmanni hjá hinu óskeikula íslenska flugfélagi er að fölna.

Í öllum þessum atvikum hafa farþegar kvartað undan algerum skorti á upplýsingum frá áhöfn.

Almenningur á Íslandi hefur sætt sig við einokun og ósveigjanleika Flugleiða, m.a. vegna þess að Flugleiðir hafa alltaf haft mjög sterka öryggisímynd.

Á þetta eftir að hafa einhver áhrif til langframa? Eru þetta tilviljanir, eða er öryggisstandardinn á niðurleið? Hver eru viðbrögð hins almenna farþega við þessum fréttaflutningi?

Kristbjörn

Fyrra álit

Midnight fyrir 21 árum, 3 mánuðum

Ég held að öryggisstandardinn sé nú ekki á niðurleið Kristbjörn minn.
Jújú Gardermogen atvikið skrifast nú auðvitað að mestu á flugmennina (því miður) en Orlando flugið var vel gengið frá af hálfu flugmannana. Það er ekki þeim að kenna að það var eitthvað að pitot-static kerfinu. Þeir tóku vélina strax af sjálfstýringu þegar þeim var ljóst hvað var að og handflugu henni á næst flugvöll.
Sama með Spánar dæmið. Þú veist það jafnvel og ég að mótorbilun á svona vélum er ekki stórmál. Það var drepið á og snúið við til lendingar. Meira að segja fannst flugslysanefndinni á Spánni þetta það lítið mál að þeir það ekki einu sinni rannsakað sem flugatvik!
Eina sem er dálitið að hjá Flugleiðum er public relations. Það kemur of oft fyrir að farþegar fá ekki að vera ínní málunum. Það þarf að laga. En það sem Danirnir voru að segja um t.d. freyjurnar að þær hafi bara haldið kyrru fyrir í sætunum. Mér finnst það bara sjálfsagt mál. Vélin er í brottflugi og svo strax í aðflugi (þar að auki á einum mótór). Auðvitað eiga þær ekki að vera að spranga um farþegarýmið.

Fyrra álit

VBA fyrir 21 árum, 3 mánuðum

Ég er sammála Midnight hvað varðar öryggisstandardinn, þjálfun hjá Flugleiðum er í góðum farvegi og þrátt fyrir að tillögur til úrbóta séu fyrst að koma fram fyrir almenningi núna þá var strax farið að vinna í málunum eftir atvikið. Við höfum æft go-around úr eins mörgum aðstæðum og hægt er ásamt því að prófa (flest okkar) að herma eftir þessum aðstæðum sem Gardermoen flugmennirnir lentu í.
Að öðrum leyti verð ég að segja að kassinn er enginn dans á rósum, ég svitna a.m.k. hæfilega mikið bæði fyrir hverja periodu þar sem við erum látin teikna rafmagns- og vökvakerfi vélarinnar og útskýra fyrir tjékkaranum og eins í 6 tíma períodunni sjálfri. Menn eru hiklaust felldir ef eitthvað er að, en fá þó að reyna aftur samkvæmt reglum.
Við erum öll mannleg, við getum öllum ruglast í rýminu og gert mistök en vissulega eru mörg þeirra verri en önnur, ég ætla ekki að draga úr því eða gera lítið úr málinu.
Sá flugmaður sem hins vegar getur alltaf dæmt, sér kokhraust/ur aðeins misfarir annarra og telur sig eiga eftir að komast algjörlega slysalaust út úr lífinu er á hálum ís.
Góðar flugstundir.

Fyrra álit

socata fyrir 21 árum, 3 mánuðum

Kristbjörn
Það er tvennt sem getur skýrt út afhverju flugatvik eru orðin svona fyrirferða mikil hjá flugleiðum annað en öryggisstandard félagsins.

1. Vélum hefur fjölgað og flugtími félagsins líka.
2. Fjölmiðlar eru farnir að nota þessi atvik sem æsifréttir, sérstaklega DV og fréttablaðið eftir skerjafjarðarslysið. En áður sögðu fjölmiðlar ekki frá nema um slys væri að ræða. Enda hef ég aldrei séð fréttir um rútu eða bíla sem NÆSTUM því hefðu lent í slysi.

Varðandi upplýsinga flæði til farþega. Þá held ég að það sé hagur allra að Flugmenn og áhöfn vinni úr vandanum og komi vélinni á rétt ról og úr allri hættu áður en þeir fara að eyða tíma í að upplýsa farþega.

KV Socata

Fyrra álit

[Notanda eytt] fyrir 21 árum, 3 mánuðum

Socata:
Hvar værum við ef að DV og önnur “æsifréttablöð” hefðu ekki farið að tala um Gardemoen atvikið. Þessi vél væri sennilega ennþá að fljúga. Vildir þú fljúga í þessari vél óskoðaðri eftir þessa rússíbanaferð?
Staðreyndin er sú að með pressu frá farþegum og fjölmiðlum var rannsókinni hrint af stað.
Þar að auki hef ég sagt það áður hérna á huga og segi það enn og aftur, mér finnst að stærstu mistökin sem gerð voru af flugmönnunum voru á jörðu niðri, af hverju grounduðu þeir ekki vélina strax?? Ok, þeir töluðu við einhvern flugvirkja þarna en honum var ekki sagt að vélin hafi fengið 4g rússibanaferð. Hann skoðaði vængbörðin en lítið annað.
Mig grunar að hluti ástæðunar sé sá að flugmönnum er refsað fyrir mistök. Ef flugmenn myndu segja frá öllum sínum mistökum og ekki vera refsað fyrir mistökin, væri flugheimurinn öruggari.

Fyrra álit

[Notanda eytt] fyrir 21 árum, 3 mánuðum

Sammála! Auðvitað þarf að ræða svona hluti, líka opinberlega. Og kannski eru mestu mistökin að hringja ekki í yfirflugstjórann strax í Oslo heldur bíða með það þar til í Arlanda.
Mennirnir voru augljóslega í sjokki og dómgreind kannski eftir því. Þeir hefðu sjálfir þurft á hjálp að halda.
Ég held nú samt að þeir hafi ekki verið hræddir við refsingu enda höfðu þeir samband við yfirflugstjórann og báðu um fund, ennþá í leiðslu.
En eins og áður hefur verið sagt þá var ekki auðsjáanlegt slit að sjá. M.a.s. kom slíkt ekki í ljós í C-skoðun (ársskoðun) heldur í ennþá veigameiri skoðun sem var fyrirskipuð af Boeing.
En auðvitað hefði mátt segja sér að gríðarleg átök áttu sér stað og vélin hefði ekki átt að fljúga meira fyrr en rannsókn lá fyrir.
Flugmennirnir gerðu sér þó ekki almennilega grein fyrir því (af hverju er erfitt fyrir okkur að dæma og segja) og fengu t.d. báðir sjokk þegar útkoman úr flugritanum var skoðuð.
Æi það er svo auðvelt að vera svona vitur…. eftir á.

Fyrra álit

socata fyrir 21 árum, 3 mánuðum

Eureka
Trúir þú því að DV og fréttablaðið hafi komið þessari rannsókn af stað?

Það er ekki mikil trú hjá þér á Flugöryggi okkar Íslendinga.

DV og Fréttablaðið eru Æsifrétta fjölmiðlar og verða aldrei marktækir fjölmiðla

Fyrra álit

Kristbjorn fyrir 21 árum, 3 mánuðum

DV og Fréttablaðið komu ekki þessari rannsókn af stað, en ég held að Aftenposten og Expressen geti hafa átt stóran þátt í því. Það er alla veganna ljóst að málið fór ekki eðlilega boðleið til Rannsóknarnefndar Flugslysa.

Munurinn á sjóslysum og slugslysum er sá að sjóslys eru yfirleitt vinnuslys, flugslys eru yfirleitt slys sem “almenningur” lendir í. Það er ekki skrýtið þó þau þyki fréttnæmari.

Og ef þið lesið fyrra svar mitt þá er ég allta f að tala um ímyndina. Það er mjög óheppilegt fyrir ímynd Flugleiða að lenda í þessum málum, þó að öll séu þau skiljanleg.

PR deildin þarf að taka sig á og flugmenn þurfa að tala meira við farþega. Auðvitað er aðalatriðið að fljúga vélinni, en það hlýtur ða vera tími fyrir nokkur orð í kallkerfið. Þá á ég sérstaklega við Orlando og Malaga vélarnar. Þar lentu vélarnar í tiltölulega litlum og meinlausum atvikum, ákváðu að diverta á annan flugvöll og krúsuðu þangað án þess að segja orð við farþegana (eftir því sem fréttamenn segja). Það er skiljanlegra með Gardemoen, þar sem flugmennirnir voru enn í sjokki þegar vélin lenti.

Auðvitað þurfa menn samt að passa sig á því hvað er sagt í kallkerfið, það er auðvelt að gera alla farþegana frávita af hræðslu með illa orðuðum skilaboðum.

Kristbjörn

Fyrra álit

svg fyrir 21 árum, 3 mánuðum

Ein spurning.
Við félagarnir voru að ræða þetta atvik í gær og einn af okkur sagði að það væri búið að reka bæði flugstjórann og flugmanninn!

Vitið þið e-ð meira um málið?

Var flugstjórinn ekki bara lækkaður í tign og þeir báðir sendir í endurþjálfun

Kv. svg

Fyrra álit

VBA fyrir 21 árum, 3 mánuðum

Hvorugur var rekinn! Það er rétt að flugstjórinn hafi verið lækkaður í tign. Reyndar er aðstoðarflugmaðurinn ekki í vinnu hjá Flugleiðum eins og er enda er hann einn af þessu 49 (neðstu á starfsaldurslistanum) sem var sagt upp í haust vegna samdráttar. Uppsögnin hefur ekkert með atvikið að gera, það er bara sagt upp eftir röð að neðan. Menn með 5 ára starfsreynslu og yfir 3000 tíma fengu “að fjúka”.
En hann á sitt sæti á þessum lista og kemur bara aftur inn þegar Flugleiðir þurfa að fara að fjölga aftur (mars/apríl).

Fyrra álit

svg fyrir 21 árum, 3 mánuðum

Takk fyrir það :)

Kv. svg

Fyrra álit

[Notanda eytt] fyrir 21 árum, 3 mánuðum

Socata skrifar:
>Trúir þú því að DV og fréttablaðið
>hafi komið þessari rannsókn af stað?

Svona að hluta til, og svo eins og Kristjörn segir, æsifréttablöðin í Noregi höfðu væntalega meira að segja.
Ég er ekki viss um að opinber rannsókn hefði hafist nema út af “kvartandi” farþegum og fjölmiðlum.

>Það er ekki mikil trú hjá
>þér á Flugöryggi okkar Íslendinga.

Ekkert er fullkomið, og mér finnst að í þessu máli hefði margt mátt betur fara.

>DV og Fréttablaðið eru Æsifrétta
>fjölmiðlar og verða aldrei
>marktækir fjölmiðlar

Fréttablaðið og sérstkalega DV eru okkar einu fjölmiðlar sem koma með fyrirsagnir. Ég veit að þær eru oft stórar og innihaldslausar, og stundum er þetta algjört sorp. En stundum eru rannsökuð mál sem enginn annar þorir eða vill láta rannsaka.
Ég er á þeirri skoðun að það þurfi svona fjölmiðla. Aftenposten og Expressen í Noregi, Expressen og Aftonbladed í Svíþjóð eru æsifréttablöð en þau komast að mörgu sem annars hefði aldrei komið upp á yfirborðið.
Hvar væri t.d. Árni Johnsen ef ekki væri DV?
Mér finnst DV og Fréttblaðið gegna sömu skildum gagnvart “góðu” fjölmiðlunum og stjórnarandstaðan hefur gagnvart ríkisstjórn.
En þetta er nú sennilega efni í annan þráð á öðru áhugamáli :-)

Kveðja,
Eureka

Fyrra álit

b52 fyrir 21 árum, 3 mánuðum

Eureka Aftenposten verður seint talin til æsifréttablaðs þetta er lang stærsta og Alvarlegasta blað noregs En aftur á móti er Dagbladet og VG Helstu Æsi fréttablöð Noregs og fást þau eingöngu i lausasölu en Aftenposten er í Áskrift.

Kveðja
B-52

Fyrra álit

Fodgett fyrir 21 árum, 3 mánuðum

Það er eitt varðandi þetta atvik sem ég er mikið búinn að velta fyrir mér.
Nú kemur fram í skýrslunni að flugmennirnir hafi fengið fyrirmæli um að skipta um braut rétt áður en þeir komu inn á aðflugsgeislann fyrir þá braut sem þeir voru í aðflugi inn á, s.s. 01R. Þegar þeir fengu fyrirmælin voru þeir u.þ.b. yfir vitanum sem er Final Approach Fix fyrir aðflugið á 01L. Með öðrum orðum, þeir voru á c.a. á aðflugsgeislanum fyrir 01L og að stefna inn á aðflugsgeislann fyrir 01R þegar þeim var að sagt að skipta um braut.
Og hvers vegna í ósköpunum fóru þeir ekki þá strax í go-around? þeir voru ekki settir upp fyrir aðflugið (eins og sést af tekningum af aðfluginu, t.a.m. of hátt og tóku s-beygju til að komast inn á geislann), þeir hafa örugglega átt eftir að taka briefingu fyrir aðflugið (því þó að þetta séu paralell brautir, þá er ekki sama aðflugið), síðan hafa þeir þurft að setja upp nýjar tíðnir fyrir nýtt aðflug. Persónulega finnst mér þetta vera dæmi um slæma ákvörðunartöku, sem hefur alveg örugglega haft áhrif á það sem eftir kom.
Þetta er samt alltaf erfið ákvörðnun hvort eigi að fara í go-around eða ekki, sérstaklega á svona stórum vélum þar sem hvert go-around kostar örugglega nokkur hundruð þúsund.
Ég er samt ekki að kenna flugmönnunum um þetta einum, því flugumferðarstjórnin hefur örugglega líka haft sitt að segja. En þetta er atvik sem við eigum öll að geta lært af.

Fyrra álit

Fodgett fyrir 21 árum, 3 mánuðum

ég tek nú til baka það sem ég skrifaði hérna að ofan, enda hafði ég þá ekki lesið skýrsluna, heldur bara það sem stóð í morgunblaðinu. Síðan las ég skýrsluna og sá að þetta lítur aðeins öðruvísi út =)
Ég er samt á þeirri skoðun að það hefði átt að fara í go-around mun fyrr.

Fyrra álit

flat6 fyrir 21 árum, 3 mánuðum

Hér er þetta allt:http://www.rnf.is/_rnf/IDefe7f32b671090/?LO=000000 01a6b7c8d900000004000000050000351a39757f3b0000000000011 b800000000000000000000000000000000000000000000000000000 0000000000000000000000000000&type=application/pdf&name= skjal.pdf

Accent ‘95 - Micra 2,0GTi ’96

Fyrra álit

Flug

Flug

Ofurhugar

Stjórnendur

Hverjir eru inni

Greinar

Atvikið á Gardemoen.

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi