Lestu bara korkinn aftur. Hann spyr hvernig maður myndi ávaxta peningana.

En jú, sömu lögmál gilda um krónuna og dollarann. Í báðum löndum er miðstýrt peningakerfi þar sem Seðlabanki hefur einokun á útgáfu gjaldmiðils og prentar stöðugt fleiri peninga sem rýrir verðgildi þeirra. Einnig er bankakerfið okkar byggt þannig upp að litið er á skuldir sömu augum og eiginlega peninga þannig eftir því sem peningar fara fleiri hringi í gegnum bankakerfið þá skapast fleiri ‘peningar’ sem rýrir verðgildi núverandi peninga.

Það sem gull gerir er að halda verðgildi sínu. Það er alveg rétt hjá þér að krónan mun falla miðað við gull. Allir pappírspeningar sem nokkurn tímann hafa verið gefnir út hafa fallið í verðgildi vegna þess að þeim er alltaf að fjölga á meðan gull forði heimsins er tiltölulega stöðugur og ef það á að ná í meira gull þarf að leggja gífurlega vinnu í það og kostnaðurinn jafngildir virði gullsins. Kosnaðurinn á bak við einn peningaseðil er hins vegar milljónfalt minni en verðgildi hans.

Svo jú, ef þú vilt að 100.000 kr. haldi verðgildi sínu þá er skynsamlegt að kaupa eðalmálma fyrir þær því sveiflur á þeim markaði verða bara svo og svo miklar.

En ef þú vilt fá ávöxtun á peningana þína, þ.e. að 100.000 kr breytist í 200.000 kr þá þarftu að kaupa þér eitthvað sem skilar meiri verðmætum í framtíðinni… hjól til þess að stunda blaðaútburð, verksmiðju til að framleiða skó eða kýr sem skilar af sér mjólk…

Nei, það sem ég er að segja er að gull ávaxtar sig ekki.

Ef þau kaupir þér kíló af gulli og setur það í öryggishólf í eitt ár þá er það enn þá bara kíló af gulli.

Ef þú kaupir þér hins vegar bakaraofn þá geturu, ári síðar, hafa bakað fjöldann allan af brauði og útvegað fólki þannig vöru sem það vantaði og enn átt bakaraofninn.

Það er munurinn á því að fjárfesting ávaxti sig eða ekki.

Sveiflur á verði á gulli, hlutabréfum og öðru er ekki ávöxtun, það kallast brask.
Ef þú græðir á því að hlutabréfin þín hækka í verði þá er það brask, ef þú græðir vegna þess að hlutabréfin þín skiluðu arði þá er það ávöxtun… þó svo að hlutabréf sem skili arði hækki vissulega í verði, ekki misskilja mig