keypti evrur um daginn á 74 kr og ætla að kaupa meira ef evran lækkar meira.þesu mun seðlabankinn halda áfram að hækka vexti og að frekari styrking verður, þannig að botninum er greinilega ekki enn náð.

Íslandsbanki hefur verið hvað duglegastur að gefa út spár um gengi krónunar. Í morgunpunktum Íslandsbanka núna á fimmtudag birtist þessi grein:

Áfram hækkar gengi krónunnar

Gengi krónunnar hefur hækkað mikið í morgun og síðustu daga en það má rekja til fregna af vaxandi útgáfu erlendra skuldabréfa í íslenskum krónum. Útgáfan hefur vaxið um níu milljarða króna í vikunni og nemur nú alls um 97 milljörðum króna en það jafngildir um 10% af landsframleiðslu Íslendinga í ár. Gengi krónunnar stendur nú hærra en það hefur gert síðan í upphafi síðasta áratugar og hefur hún aldrei verið hærri á þeim tíma sem gengi hennar hefur ráðist á markaði. Gengisvísitalan stendur nú í um 101,3 stigum. Mikil velta hefur verið á gjaldeyrismarkaði síðustu vikurnar. Til dæmis hefur meðalvelta á dag síðustu fimm vikur verið 10,5 ma.kr. samanborið við 7 ma.kr. veltu á dag að meðaltali það sem af er árs.

Seðlabankinn mun sennilega hækka stýrivexti sína enn frekar á næstu vikum til að slá á verðbólgu í hagkerfinu. Vextir bankans eru nú 10,25% og teljum við að hann muni hækka þá í 11% fyrir áramót og fari hæst með þá í 12% á næsta ári. Frekari vaxtahækkun styður við gengi krónunnar á næstu vikum ásamt líkum á frekari skuldabréfaútgáfu erlendis í krónum. Sennilegt er að gengisvísitalan fari tímabundið í tveggja stafa tölu á næstunni. Gengi krónunnar er engu að síður ofmetið um þessar mundir m.v. langtímavirði og teljum við að gengið muni byrja að lækka á síðari hluta næsta árs og muni lækka verulega á árinu 2007.



Ég tók erlent lán fyrir 25 dögum síðan til að fjármagna kaup á fasteign. Síðan þá hefur krónan styrkst um 5% gagnvart þeim myntum sem ég valdi í mína körfu. Það er á hreinu að ég mun skipta þessu yfir í íslenskar krónur í lok febrúar, byrjun mars 2006 og halda láninu í krónum í 2 ár eða svo. Afhverju kunna einhverjir að spyrja´, en svarið er einfalt. Á þeim tímapunkti er spá manna að gengisvísitalan verði kominn í tveggja stafa tölu. Það er nægur hagnaður fyrir mig og því vill ég verja mig tapi næstu 2 ár og hafa lánið í þeirri mynt sem ég hef mínar tekjur í. Ef að þessi skellur kemur þá er ekki gott að skulda í erlendum myntum. Það er samt klárt að þegar krónan hefur veikst aftur að þá mun ég hiklaust skipta aftur yfir í erlendarmyntir því að vaxtamunurinn er svo gríðarlegur að það er engu lagi líkt. Í dag er ég að borga um 2% vexti af erlenda láninu mínu en væri að borga lágmark 5% + vísitölu í íslenskum. Hvaða rugl er það.

Kveðja,
Xavie