jonk fyrir 21 árum Fjöldi lestra: 1157

Bankar - Eins örruggir og þú heldur?

Hæ, ég heiti Jón.

Ég treysti ekki bankanum mínum fyllilega lengur.

Sá banki heitir Búnaðarbanki.

Þetta var bara venjulegur dagur, ekkert stress, allt í gúddí, og ég ákvað að fara og endurheimta notendanafn og lykilorð að Heimilisbanka, sem ég hafði áður týnt.
Allt virðist ganga smurt, læt upplýsingadömuna fá debetkortið mitt og hún les allar nauðsynlegar upplýsingar af því. Ég held heim með miðann með bráðabirgðalykilorði, sallarólegur.
Svo þegar ég er kominn heim dettur mér svo í hug að kíkja á Heimilisbankann og hvað kemur upp? Reikningar hjá einhverjum Tryggva(takið eftir því að Jón og Tryggvi eru gjörólík nöfn). Ég lít á þetta nánar, og þá eru heilar tvær millur inná reikningnum hans. “Hvur ansdskotinn,” segi ég við sjálfan mig. Lít ég svo á kennitöluna og er hún ekki nálægt því að vera lík minni. Hvernig gat konan ruglast svona á þessu? Hún var með kortið mitt fyrir framan sig.
Hafið engar áhyggjur, ég fór nú ekkert að millifæra þessar millur. Bæði af því að ég er innst inni mjög góð persóna og svo áttaði ég mig á að ég hafði ekki leyninúmerið að reikningnum og að það yrði ekki erfitt að rekja það hvort sem er.

En allaveganna, ég fer aftur í bankann daginn eftir. Tala við þjónustufulltrúa og greini frá vandamálinu. “Jahá,” segir hún. Hún lætur mig fá notendanafn og lykilorð að mínum rétta reikning og ætlar bara að ljúka okkar samræðum á því þegar ég spyr: “Á ég ekki að hringja í þennan Tryggva og segja honum bráðabirgðapasswordið, þar sem að hann kemst ekki inná Heimilisbankann sinn núna?” “Nei, nei, hann kemur bara hingað og fær nýtt þegar hann kemst ekki inn. Þú hendir bara blaðinu með notendanafninu hans.” Þar lauk samtali okkar, ég labba út og hugsa: “Huh. Þau treysta mér bara sísona til að henda blaðinu með notendanafni og lykilorði að 2 milljóna reikningi..” Og þau ætla ekki einu sinni að láta þennan Tryggva vita af þessu. Þetta er bara hið argasta cover-up á frekar óþægilegum öryggisgalla í kerfi Búnaðarbankans. “The human error”

Þá vaknar auðvitað upp sú spurning: Hvað fleira ætli geti farið úrskeyðis vegna mannlegra mistaka í bönkum? Er þeim fyllilega treystandi fyrir öllum þessum peningum? Tja, ég bara veit ekki lengur.

Jón “BigJKO” Kristján

Kreator fyrir 21 árum

Heiðarlegur maður. Gott að ég er ekki hjá Búnaðarbankanum

“spurningin er ekki hvad maður getur… heldur hvað maður gerir!” (Purrkur pillnikk, Einar Örn)

Fyrra álit

geirag fyrir 21 árum

Þetta er frekar skondið og kennir manni að vera á varðbergi. En auðvitað er lítið hægt að gera við “human error” nema treysta á “human goodness”. Annars hef ég sjálfur engar áhyggjur - enginn peningur til að stela! :)

Fyrra álit

octavo fyrir 21 árum

Það er nú ekki að ástæðulausu sem það er tvöfalt öryggi í þessum heimabönkum flestum. Mannleg mistök geta átt sér stað.

En endilega taktu peningana þín út og stingdu undir dýnu.

Skoðanir Octavo eru hans eigin og gætu því stangast á við skoðanir annarra á Huga. Þér er velkomið að:

Fyrra álit

binnibinni2456 fyrir 21 árum

hmm ég færi ekkert að hafa áhyggjur af þessu.
varla að þetta hafi komið fyrir áður enn kanski ?
tja ég veit ekki

_________________________________________

Fyrra álit

jonk fyrir 21 árum

Já, ég er nú alveg sammála því. Tvöfalda öryggið gerir það að verkum að mannleg mistök geta átt sér stað. En fyrst að þetta var svona örruggt, hvers vegna vildi konan þá forðast það að segja manninum, sem að ég var að skoða reikninginn hjá, frá þessu?

Allaveganna, þá er ekki eins og það sé miklu að stela frá mér persónulega, en ég er bara að pæla, ætli þetta gerist oft? Ég meina, þetta var svo alveg útí hött, hvorki kennitalan né nafnið var líkt. Þetta náttúrulega opnar möguleikann að því að hér hafi tölvuvilla staðið að verki, en hver veit.

Fyrra álit

octavo fyrir 21 árum

Hvernig gerir tvöfalda öryggið það að verkum? Kemur það ekki frekar í veg fyrir að slæmar afleiðingar verði af mistökunum?

Kannski sagði konan þetta bara til að þú færir ekki að hafa samband við manninn, þetta kæmi þér ekki lengur við eftir að þú varst kominn með réttar upplýsingar.

Ég þekki til í Búnaðarbankanum og get sagt þér að þetta verður athugað.

Skoðanir Octavo eru hans eigin og gætu því stangast á við skoðanir annarra á Huga. Þér er velkomið að:

Fyrra álit

jonk fyrir 21 árum

Úps, orðaði þetta frekar heimskulega. Átti við, að ef þetta tvöfalda öryggi væri ekki þá hefðu mannleg mistök alveg hræðilegar afleiðingar. Semsagt, þá meinti ég að ég skil nákvæmlega hvað þú ert að tala um. Og það er gott að vita að þetta verður athugað.

Afsaka málruglinginn :D

Fyrra álit

lhg fyrir 21 árum

Ég var með reikning í Búnaðarbankanum en er það ekki lengur. Ástæða þess fer hér á eftir…

Sumar eitt, minnir að það hafi verið '89, var bankakortið mitt orðið illa farið eftir að hafa búið í rassvasanum mínum um langa hríð og ég greinilega setið heldur mikið á því. Alla vega fór ég í BÍ og pantaði nýtt. Upphófst þá u.þ.b. mánaðartímabil þar sem ég kom í bankann vikulega og var þá í hvert skipti eitthvað að. Kortið kom en ekkert leyninúmer. Leyninúmer kom en ekkert kort. Í hvert skipti var pöntun afturkölluð og pantað aftur til að reyna að fá kerfið til að virka en í síðasta skiptið sem ég kom þarna lofaði mér ein að þetta myndi allt ganga í þetta skiptið og hún myndi senda mér kortið heim svo ég þyrfti ekki að koma enn eina ferðina. Um viku seinna fékk ég bankakortið og leyninúmerið í pósti. Almennum pósti í sama umslagi! Ef einhver hefði náð í þetta bréf, þá hefði hann getað hreinsað út af reikningum mínum án þess að ég hefði orðið nokkurs var og það hefði ekki verið hægt að rekja það. Ég talaði við BÍ og kvartaði yfir þessu en það var eitthvað fátt um svör.

Bróðir minn var að vinna í Landsbankanum á þessum tíma og hann sagði að þeim væri stranglega bannað að senda bankakort og leyninúmer saman í pósti, meira að segja bankapósti sem fer á milli banka og á að vera nokkuð öruggur þar sem það eru þeirra eigin sendlar. Ég færði mig alla vega yfir í Landsbankann, hef verið með reikning þar í mörg ár og ekkert vesen.

Fyrra álit

Elrond fyrir 21 árum

Ég var í viðskiptum við Búnaðarbankann, hætti eftir að ég komst að því að þér sviku bankaleynd með því að gefa óviðkomandi aðila útprentun af öllum færslum af mínum reikningi eitt ár aftur í tímann.

———————

Fyrra álit

[Notanda eytt] fyrir 21 árum

eg fekk útprentunina

Fyrra álit

Marketwatch fyrir 21 árum

hehe… Búnaðarbankin fær nú ekki góð compliment hérna en það er nú bara eins gott, þetta er bara svika og skítabanki

Fyrra álit

haflidason fyrir 21 árum

Það eru svartir sauðir í bönkum eins og annarstaðar. Ef þú hefðir talað við einhvern annan þá hefði hann/hún örugglega ekki tekið þetta í mál, þú hefur örugglega hitt á einhver ruglaða kellingu. Tek eftir andúð gangvart BÍ, ég er sjálfur með allt mitt þar og líkar vel, þessar elskur redda öllu eins og skot og aldrei neitt vesen. Ég held mig þar.

Magnus Haflidason

Fyrra álit

[Notanda eytt] fyrir 21 árum

Hahaha ég hefði Hlupið útí eikkað InterNetCaffe
eða Bókasafn og fært 1.5 millu yfir á mig síðan myndi ég segja í yfirheirslu “Ég vissi ekkert að það væri komin 1.5 milla inná bókina mína… en ég ætla allavega ekki skila henni nema fá 1 millu fundarlaun.” ;););)

Fyrra álit

lhg fyrir 21 árum

Ég held að maður eigi enga kröfu á þá peninga sem bankinn leggur óvart inn hjá manni, hvað þá sem maður millifærir sjálfur ;) Meira að segja ef vinnuveitandi leggur óvart of mikið inn hjá þér, þá verðurðu að borga það til baka.

Fyrra álit

wbdaz fyrir 20 árum, 12 mánuðum

Ég er nú hjá búnaðarbankanum og það er leyninúmer á mínum reikning sem ég verð að slá inn ef ég vill taka útaf honum. Veit ekki alveg hvernig þú ætlaðir að ná að taka út ef þú hafðir ekki leyninúmer.

Fyrra álit

jonk fyrir 20 árum, 12 mánuðum

Ég er að bara að segja mína sögu á þessu. Það er ekki nokkur leið sem að meðaljón eins og ég hefði haft á að stela nokkru þarna. En hvað ef reyndir þjófar fá svona upplýsingar í hendur sínar? Nei nei, ég er nú bara að ýkja smá. :P

Fyrra álit

FridbertE fyrir 20 árum, 10 mánuðum

Sæll Jón
Ég fekk einu sinni símtal frá banka sem einnig heitir búnaðarbanki. Þar byrjar bankakonan að segja mér frá einhverjum mínus sem reikningurinn minn á að vera í og að það væru ekki góð mál sem ég væri í þar, ég sagði að í fyrsta lagi þá væri ég ekki og hefði aldrei verið með nein viðskipti eða kort í þessu útibúi, síðan uppgötvast að hún hefur hafði hringt í rangan aðila, það eina sem ég og eigandi reikningsins höfðum sameiginlegt var það að eiga sama nafn, og þá er ég ekki að tala um að við séum alnafnar eða að hafa líkar kennitölur.

Langaði bara að segja frá þessu þar sem þú varst að tala um mannleg mistök í bönkum.

Fyrra álit

Fjármál og viðskipti

Fjármál og viðskipti

Ofurhugar

Stjórnendur

Hverjir eru inni

Greinar

Bankar - Eins örruggir og þú heldur?

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi