http://www.google.is/search?q=bandr%C3%BAn&ie=utf-8&oe=utf-8&aq=t&rls=org.mozilla:en-US:official&client=firefox-a

Það þýðir ekkert að goggla “Bandrún” og reyna að finna þýðingu. Bandrún er heiti yfir rúnir sem eru samsettar úr fleiri en einni rún.

Ef þessi rún ætti að vera úr einhverri af rúnunum í Fúþark, þá myndi mín besta ágiskun vera að þetta væri tvær Kaun settar saman með strikum á endanna.

Þessi strik sem eru á endunum eru mjög algeng í rúnum og galdrastöfum, og þú finnur þetta t.d. í ægisskjöld, veldismagni, ægishjálmi, ofl.

Þannig að ef þetta á að vera bandrún þá er þetta mjög líklega tvær Kaun með strikum á endunum, sem tákna vernd og aflokun rúnarinnar. Kaun er mjög sterk rún þannig tvær þannig í sömu bandrún er mjög sterkt.

Hins vegar gæti þetta líka alveg verið galdrastafur út af fyrir sig, og þá semsagt ekki bandrún.

Ég er alls ekki sammála þeirri túlkun sem að kom fram hér áðan, sem a.m.m. einkennist af nýaldartúlkun Kaunar, sem er bölrún og táknar sársauka. Kaun og aðrar bölrúnir er auðveldlega hægt að sjá í mörgum bandrúnum (og jafnvel öðrum rúnum ef út í það er farið) og finnst mér þá markmið hennar og tilgangur glatast í bandrúnum.

Ég tel að þetta sé fyrst og fremst verndartákn. Í miðjunni sést augljóslega Yngvi, sem er tígullaga og til í álíka viðbrigðum (sjá á wikipediu) og getur táknað ýmisslegt, sé það frjósemi, heimili eða jafnvel bókstaflega konungur. Túlkanirnar eru margræðar, en ég tel víst að Yngvi sé rúnin sem táknar það sem á að vernda. Á endunum sjáum við svo Elg, sem er verndarrún. Mér finnst frekar sanngjarnt að álykta að þetta sé verndarstafur fyrir heimilið og heimilislífið, en það er ekkert algilt. Með bandrúnir, sem eru mjög torræðar, er frekar erfitt að lesa nákvæmlega úr þeim. Þér hefur ekkert dottið í hug að spyrja þann sem gaf þér rúnina? Var þér bara gefin ‘einhver töff rún’?