Ég veit ekki hvar ég á að byrja. Svör mín verða í réttri röð við það sem þú segir þannig ef þú nærð ekki samhenginu geturu rúllað upp í þitt svar.

Ég neita því ekki að jákvæður hugsunarháttur getur haft áhrif. Hann hefur sálræn áhrif sem við getum beitt til hins veraldlega. En þú einfaldaðir þetta jafn mikið og fólk sem les the Secret gerir. Jákvæður hugsunarháttur hefur ekki áhrif á óumflýjanlegar líkur.
dæmi: Það að hugsa jákvætt eins og “ég fæ stæði beint fyrir framan búðina” lætur ekki stæði birtast beint fyrir framan búðina. Hins vegar er líklegra að maður sem hugsi þannig prófi alla vega að keyra fram hjá búðinni og gá hvort það sé stæði, ólíkt manni sem hugsar neikvætt og fer strax og leggur 200 m í burtu.

En ég er ekki að segja að það sé þín skoðun. Við skulum ekki ræða þetta frekar (nema þú sért á öðru máli)

ég skildi ekki spurninguna þína sem þú vildir mest fá svar við.
Af hverju opinbera ég mig ekki í stærðfræðitíma? Kannski af því ég þröngva ekki minni skoðun yfir á aðra. Ég ræði ekki trúmál í skólanum nema sú umræða skapist.
Ég hins vegar tjái mig á huga þar sem þetta er UMRÆÐUVEFUR.

Hvernig áttu að skilja hið almáttuga? Ég veit það ekki. Ég held þú skiljir það ekki af því það er ekki til. Ef það væri til þá væri það fáránlegt og þú sérð það sjálfur… þess vegna skiluru það ekki.

Reglur eins og að grýta homma?

Ég er ekki að segja að sýklar hafi minni tilverurétt. Ég er bara einfaldlega að benda á vandamálið sem hann skapaði. Af hverju ljóstillífa ekki bara allar lífverur?
Hann skapaði bara eitt risastórt VESEN. Ef ég væri guð hefði ég staðið mig miklu betur.

auðvitað gerir mannkynið illt. Við erum ekki mjög vel heppnaðar lífverur. Spurningin er af hverju skapaði guð mannskepnuna með þann hæfileika að geta framkvæmt illsku? Er það ekki dálítið fáránlegt af hinu almáttuga. það eiginlega… meikar ekki sens.

Fer allt samkvæmt áætlun guðs?
Hann sem sagt pyntaði gyðinga í Þýskalandi áður en hann sendi þá til helvítis?
Hann réðst á tvíburaturnana og stóð á bak við innrásina í afganistan og Írak?
Hann sendir fólk viljandi, milljónum saman, hvert ár, til helvítis þegar það eina sem hann þarf að gera til að bjarga þeim er að koma með sönnunargögn.

Ég er ekki að reyna að afsanna tilvist guðs! Það er ekki hægt!
Enn og aftur… trúmenn hafa búið svo um hnútana að það er ómögulegt að afsanna guð. Þetta veistu sjálfur.
Afsannaðu Seif, Þór, Allah, Jahve, og alla aðra anda.
Þú getur það ekki. Af hverju kýstu þér þá Drottinn og jesú sem þína guði?

Ég ætla ekki að trúa vísindum. Það er engin trú falin í vísindum. Ólíkt trúarbrögðum þá snúast vísindi út á það að koma með sönnunargögn og finna hvað er virkilega satt í þessum heimi.

Þegar ég dey þá munu líkamsleifar mínar rotna í jörðinni. Já.
Það væri örugglega gaman að fara til himna, en það skiptir ekki máli hvað ég vil að sé satt, það er hinn raunverulegi sannleikur sem skiptir mig máli, sama hver hann er.

Auk þess finnst mér það eigingirni, sjálfselska og stælar að vilja eilíft líf. Ég get sagt ástæðuna fyrir því ef þú spyrð mig um hana. Það er alveg efni í kork en ég fengi pottþétt bara skítkast fyrir það.

Þú sagðir: Hvernig getur gott verið til ef það er ekkert illt til að skilgreina gott út frá.
Ég sagði, enn og aftur… af hverju er það vandamál fyrir almættið?
Hefði hann ekki léttilega getað skapað bara gott? Án þess að þurfa illt til að skilja það sem er gott?
Af hverju ætti það að vera vandamál fyrir almætti

En annars, þá þurfum við ekki vanlíðan til að skilja vellíðan. Eins og ég sagði, endorfín er gleðiefni. Við þurfum ekki að hafa meitt okkur til þess að skilja fyrst hvað vellíðan er.

Ef gott og illt geta ekki verið til án hvers annars, hver var þá fyrsta tilfinningin?
Okkur líður vel við ákveðnar aðstæður, okkur líður illa við aðrar aðstæður.
Mér þarf ekki að líða illa af og til svo að ég viti hvernær mér líður vel.