Þú virðist ekki vera að skilja umræðuna. Við erum ekki hér að rökræða hvort sé betra, Islam eða eitthvað annað. Við erum ekki að styðja tvö lið sem keppa við hvort annað og stangast á. Ég hef ekkert á móti kristnum mönnum, enda lang flestir vinir mínir kristnir eða trúlausir. Það ert þú sem leggst algjörlega gegn múslimum og predikar hatur knúið af eigin fáfræði og vanþekkingu. Þar skiljast leiðir í viðhorfi okkar gagnvart þessu umræðuefni.

Ég ræðst hvergi á þig og ef ég hef móðgað þig biðst ég velvirðingar á því. Mér finnst reyndar skrýtið hversvegna þú minnist hvergi á hvenær ég á að hafa mógðað þig, en hvað um það. Ég benti þér á þá augljósu staðreynd að ég er betur lesnari í málefnum Islam en þú, en þó virðist þú reyna að tala um fyrir mér. Þú segir mig hinsvegar heilaþveginn og síðan móðgar alla múslima, þar með mjög góða vini mína og vinkonur. Ég er að reyna að fá þig til að hugsa um viðhorf þitt út frá akademísku sjónarhorni og vera víðari í hugsun. Þú segir hinsvegar að bræður mínir og systur séu fífl, án þess að rökstyðja það. Það kalla ég ekki friðsamar samræður af þinni hálfu. Ég bendi þér því á bjálkann í auga þínu.

Í fyrsta lagi segir maður klisja, ekki klausa. Klisja er íslenskun á fransk/enska orðinu cliché sem þýðir eitthvað sem er ofnotað. Klausa er afturámóti neðanmálsgrein, yfirleitt í lagabálkum. Þetta kemur umræðuefninu þó lítið við.

Í öðru lagi skulum við hafa það alveg á hreinu að kristnir menn viðurkenna allir gamla testamentið sem hluta af hinni heilögu ritningu, svo ekki reyna að segja að hún sé ekki með. Biblían er skrifuð af mörgum mönnum yfir langt tímabil, svo erfitt er að segja hver sagði hvað og hvað er búið til síðar. En enginn efast t.d. um að boðorðin 10 séu hluti af kristinni trú, svo ekki reyna að afskrifa gamla testamentið í heild sinni. Það eru fleiri spámenn í kristni en bara Jesú(friður sé með honum).

Í þriðja lagi þá var ég einfaldlega að benda þér á þá staðreynd að kristnir menn gera líka slæma hluti, og réttlæta það með því að þeir séu að breiða út kristna trú. Það þýðir samt ekki að trúin segi þeim að gera það eða að það sé réttlætanlegt samkvæmt henni. Það sama á við um trúleysi, en blóðugasta öld mannkynssögunnar var líka öld trúleysis. Gleymdu því ekki að nýlendustefnan og allar hörmungarnar sem fylgdu henni var stjórnað af kristnum mönnum.

Þú hlýtur að vita það að Jesú(friður sé með honum) er mikilvægasti spámaður Islam fyrir utan Muhammed og múslimum er ítrekað gert að fylgja fordæmi hans í Kóraninum. Það er okkar trú að hann muni koma til með að sameina kristna menn og múslima í endurkomu sinni. Það er því fásinna að halda því fram að múslimar fari ekki eftir boðun hans. Vandinn er bara sá að mjög lítið hefur varðveist eftir hann og margt af því hefur glatast eða brenglast í tímans rás. Því fylgjum við einnig boðum Muhammed(sallallahu ‘alayhi wa sallam)

Meirihluti múslima eru á móti sjálfsmorðsárásum, enda eru sjálfsmorð og dráp á saklausu fólki og konum og börnum bönnuð í Islam. Smár hluti múslima hafa þó réttlætt þær, þ.e.a.s. líta fram hjá banninu, með því að þær séu gerðar til að berjast gegn kúgun á múslimum. En ekki nokkur einasti maður heldur því fram að Muhammed, eða aðrir spámenn, ætlist til þess að trúin sé breidd út með sverðinu. Hvergi eru til dæmi þess, í Hadithum eða Súrum, að Muhammed hafi sagt fólki að neyða annað fólk til að fara með trúarjátninguna eða að drepa fólk án þess að vera í vörn. (Reyndar er ein Haditha sem mikið er talað um sem hvetur til baráttu gegn vantrúuðum, en henni er beint að ákveðnu fólki í ákveðinni stöðu og gildir allsekki allstaðar. Það er minnst á þetta í vídjóinu sem ég benti þér á.) Það eru mjög skýrar reglur í Islam um hvað sé leyfilegt að gera í stríði og hvað ekki, og hvet ég þig til að kynna þér það áður en þú myndar þér skoðun.

Með því að benda þér á aldur og stærðargráðu Islam var ég að reyna að sýna þér fram á að þetta er mun stærra og margþættara fyrirbæri en þú áttar þig á, og menningarleg áhrif spila oft mun stærra hlutverk en bein trúarleg áhrif. Það er munur á trúariðkun innan einstakra ríkja, t.d. í Austur- og Vesturhluta S-Arabíu. Þú getur því rétt ímyndað þér hvort ekki sé munur á Indonesíu, Kína, Súdan og Tyrklandi. Ekki reyna að setja okkur öll undir einn hatt.

Þú virðist ekki alveg hafa skilið inntakið í Job svarinu mínu. Reyndu frekar að svara innihaldinu frekar en bara þessu eina atriði sem ekkert hefur að gera með innihaldið. Þú getur bara ekki sagt að Guð hati konur vegna þess að hann sagði að það ætti að refsa þessari einu konu í þessu tilviki, það er glórulaust. En ef þú vilt get ég paste'að partinn; “take in your hand a bundle of thin grass and strike therewith your wife, and break not your oath.” Í íslenskri þýðingu Helga Hálfdánarsonar er talað um “visk af fölnuðu laufi” Ég minni þó á að Kóraninn ætti einungis að taka bókstaflega á hans upprunalega máli og ef menn tala ekki arabísku þarf handleiðslu kennara eða góða þýðingu með útskýringum. Þú ættir að fá leiðbeiningar um slíkt í moskunni.

Hér eftir skal ég fara í gegnum tilvitnanir þínar lið fyrir lið, en áður en ég geri svo vil ég ítreka fyrri beiðnir mínar um að gera meira en að sigta út einstaka hluta Kóransins og halda þar með að þú hafir náð innihaldi hans. Islam er flókið fyrirbæri og ekki fyrir hvern sem er að ná tökum á því. Ég ráðlegg þér af fyllstu vinsemd að horfa á myndböndin sem ég sýni þér og öðrum hér og reyna að öðlast betri skilning á því sem er til umræðu. Ef að þú ákveður að halda skoðun þinni eftir það þá er þér frjálst að gera svo, en þangað til muntu ekki geta tjáð þig um málið að fullu.

Fyrst vil ég leiðrétta þig varðandi konur í moskunni. Konur eru velkomnar í moskur í langflestum löndum heimsins, þar með talið hér á landi, enda ekkert í trúnni sem bannar þær. Þær eru hinsvegar ekki skyldugar til þess að mæta, líkt og karlmennirnir, heldur hafa þær frjálst val hvort þær geri svo. Það er þó mín ósk að sem flestir fái tækifæri til að koma í moskuna, inshallah. Vissulega eru þær bannaðar á ákveðnum stöðum heimsins, en þar komum við aftur að trú vs. menningu sem ég talaði um áðan. Hér er vídjó sem útskýrir þetta á einfaldan hátt:

http://www.youtube.com/watch?v=GT3ol-iuCGU

(Þessi náungi er reyndar ansi góður í að útskýra flókin málefni á einfaldann hátt, ég mæli með því að tékka á fleiri vídjóum eftir hann)

Áður en ég byrja vil ég útskýra eitt fyrir þér. Þegar ég segi að konur og karlar séu jöfn í Islam þá á ég ekki við að það sé enginn munur á þeim. Bæði kynin hafa ákveðna meðfædda eiginlega sem gera þau fremri hinu á einhveru afmörkuðu sviði. Karlar eru líkamlega sterkari og hæfari til erfiðisvinnu, konur eru vinalegri og hæfari í ummönun, sem dæmi. Hér á ég við meirihluta hvors hóps fyrir sig. Það er engin tilviljun að verkamenn eru karlar og leikskólakennarar konur. Í V-Evrópskri menningu á undanförnum árum hefur fólk ákveðið að gera lítið úr viðhaldi heimilis og uppeldi barna, og tengja það við fangelsun kvenna. Konum er gert að vinna bæði fulla vinnu og sjá um börnin, sem veldur því að mörg börn alast að miklu leyti upp á einhversskonar stofnunum. Þetta er að miklu leyti ástæðan fyrir því að gildum og viðmiðum fer hnignandi í okkar menningu, mörgum til armæðu, og ekki allir viðurkenna það sem eðlilegt ástand.Þó máttu ekki skilja þetta sem svo að konur megi ekki vinna úti eða mennta sig. Í helstu heimsveldum Islam voru konur útivinnandi og menntaðar, og eru það enn víða í hinum múslimska heimi. Við erum búnir að fara yfir þetta.

Því þarftu að skilja að þó konum og körlum sé ætluð ólík hlutverk í Islam upp að vissu marki þá þýðir það ekki að annað kynið sé betra en hitt. Þetta myndirðu vita ef þú hefðir horft á myndbandið sem ég benti þér á í síðasta svari. Þar er talað um að vegna líkamlegra eiginleika kvenna fái séu þær skrefi nær himnaríki í þessu lífi. Þessvegna sé gert ráð fyrir að karlar iðki trúnna að meira kappi, t.d. með því að fara í moskuna. Ég spyr þig á móti, ef konur eru ekki jafnar körlum sínum hversvegna mega þær þá skilja við þá ef þær vilja, eins og gert er í lögum Islam?

Tilvitnun 1: Hér er enganveginn verið að tala um fullkomna yfirburði. Þetta er sagt í samhengi við að körlum sé gert að vernda konur sínar og því er átt við líkamlega yfirburði. Þetta “managers of the affairs of women” er hvergi í upprunalegu útgáfunni, enda hafa karlar ekki þann rétt eins og áður sagði. Margir hlutar þessarar súru skýra út að karlar hafi alls ekki fullt vald yfir konum sínum. Endilega útvegaðu þér betri Kóran. Svona af forvitni, hvar fannstu þetta rusl?

Hér er útskýring Dr. Ahmad Shafaat:

Because God has favoured some of them more than others". It is not explicitly stated here who is favoured more than whom but in view of the context it is probable that men are understood in some way to be favoured more than women. But in what way? Again no answer is given in the verse under consideration or elsewhere in the Qur'an. But we can justifiably take the reference to physical strength and energy in which men generally excel women and which enables men to guard women against some of the dangers to which they may be exposed in society and to take care of some of their needs.

From the statement that God has favoured men more than women in some ways we should not conclude, as many careless readers of the Qur'an do, that Islam views men superior to women. For this statement does not exclude the possibility that in some other ways women may be favoured more than men. Indeed observation shows that women are in general more patient, caring and have a more developed intuition than men.

Moreover, the Holy Qur'an makes it clear that while there are many favours of God that He bestows on His creatures in different measures, there is only one favour which determines the superiority of one member of the human species over another and that is taqwa or God consciousness. Thus wealth, strength, health, intelligence, position, education, etc. are all favours of God but we cannot say that a wealthier person is superior to a poorer person, a stronger person is superior to a physically feeble person and so on. we can say only that a more muttaqi person is superior to a less muttaqi person.

Tilvitnun 2: Veistu ekki hvað orðið status þýðir? Það er notað yfir stöðu innan samfélaga og/eða líkamlega stöðu. Þú veist jafn vel og ég að í öllum samfélögum allra tíma hafa karlar verið í meirihluta í stjórnun samfélagsins og eru vitanlega hærri í loftinu. En eins og áður sagði, og raunar í þessari sömu tilvitnun, þá þýðir það ekki að karlinn ráði yfir konunni. Þessi kafli er í raun að segja að þó að karlar ráði samfélaginu séu þeir ekki æðri.

Tilvitnun 3: Ekki taka þetta úr samhengi. Það er verið að tala um rétt til arfs. Þar sem karlinn vinnur fyrir meirihlutum tekna í Islam er gert ráð fyrir því að hann erfi stærri hluta ef til dauðsfalls foreldra kemur. Þó skal vera á hreinu að karlinn á ekki þessa peninga einn, heldur eru þau sameign hjónanna þó að þeir séu í höndum hans. Lestu kafla 4 og 19 og 20 í þessari sömu súru.

Tilvitnun 4: Nei, þetta er dæmi um hversu illa upplýstur þú ert. Í fyrsta lagi þá er þetta bullshit þýðing sem þú ert að vitna í. Þetta snýst ekkert um það hvort konur gleymi einu eða neinu, heldur til að sporna gegn því að hún sé hlutlæg í dómnum. Fáðu þér nýjan Kóran. Í öðru lagi þá á þetta bara við í dómum sem við koma fjárhag og skuldum, þar sem vitnin gætu átt hagsmuna að gæta. Á S-Arabíu á þetta hinsvegar við í öllum dómum, sem er gegn lögum Islam, og því nefndi ég það ríki til viðmiðunar. Þetta er mjög umræddur kafli og hægt að velta því fyrir sér hversvegna þetta er svona. Ein útskýring er sú að þetta sé gert til þess að tryggja að vitnin geti ekki verið gift, eða að þau hafi möguleika á því, og því verið hlutlæg í dómi sínum. Enginn sem þekkir trúarbrögðin hefur túlkað þetta sem svo að konur séu óæðri körlum. Ég veit fyrir víst að þessi kafli hefur verið ræddur á kvennafundum í moskunni okkar og hvet ég þig til að tala við einhvern þar til að fá frekari upplýsingar um þetta. Hér: http://www.islamic-invitation.com/book_show.php?bID=12
er bók sem ætti að útskýra þetta viðfangsefni ágætlega. Hana geturðu pantað hérna: http://www.islamic-message.net/English/index.htm
þér að kostnaðarlausu.

Ef að það eru einhverjar frekari spurningar þá hvet ég þig til að spyrja mig. Ég mun svara þeim sem fyrst og ráðfæra mig við menn, eða konur, fróðari en mig sjálfan ef ég get ekki svarað þeim. Ég vona að þessar útskýringar mínar verði þér að einhverju liði og óska ég þér velfarnaðar, inshallah.

Ég ákvað að renna yfir þetta svar þitt aftur og fann þá fyrir tilviljun kóraninn sem þú ert að vitna í;

http://answering-islam.org/Authors/Arlandson/women_inferior.htm

Þetta er síða skrifuð af manni sem er ekki múslimi, þekkir augljóslega ekkert til raunverulegra fræða Islam og er að búa til þessa síðu til að viljandi dreyfa hatri gegn trúnni. Þessar tilvitnanir eru úr þýðingu Sayyid Abul Ala Maududi, sem segir þér kannski ekki mikið. Það sem þú veist hinsvegar ekki, og James Arlandson sleppir því að segja þér, er að þessi gæji er mjög umdeildur fræðimaður í málefnum Islam. Hann hefur m.a verið fangelsaður tvisvar og dæmdur til dauða í Pakistan fyrir að reyna að þröngva trúartúlkunum sínum upp á fólk og steypa ríkisstjórn landsins af stóli. Ofaná það þá er hann hvorki lærður í enskri tungu né í þýðingum. Hvergi í öðrum þýðingum Kóransins finnurðu þetta orðalag, og það er ástæðan fyrir því að þessi “þýðing” var valin til að dreyfa áróðri gegn Islam.

Til að kóróna fávisku þessarar heimasíðu þá tekur hann viljandi tilvitnanir úr samhengi til að beyta áróðri sínum, og skrifar útfrá því það sem hann heldur að sé merking versins. Þetta er svo langt frá því að vera fullnægjandi heimild að orð fá því vart lýst.

Þú hefur augljóslega bara googlað “women are inferiour in the quran” eða eitthvað slíkt, og valið út niðurstöður sem henta boðskap þínum án þess að hugsa út í hvort þær séu góðar heimildir eða ekki. Þú getur ekki ætlast til þess að fólk taki þig alvarlega í umræðu sem þessari ef að þú hefur ekki meiri metnað til að kynna þér umræðuefnið en þetta. Þú hefðir auðveldlega getað valið traustari heimildir með einfaldri leit á netinu, t.d. á www.womaninthequran.com

http://www.islam101.com/quran/yusufAli/

Þetta er sú þýðing Kóransins sem er mest viðurkennd af fræðimönnum. Þó vantar þarna útskýringarnar sem fylgja með upphaflegu útgáfu þessarar þýðingar og hafði það í huga við lesturinn. Mundu svo að engin þýðing nær fullkomlega boðskap Kóransins, þær eru bara mis lítið gallaðar. Gangi þér vel og friður veri með þér.