Ég ætla að segja þér nokkuð skrýtið sem vonandi vekur þig til umhugsunar. Draumar geta nefnilega verið sannir af og til.

Ég kynntist strák þegar ég var fjórtan ára gömul. Okkur varð vel til vina og höfum verið bestu vinir síðan þá. Sem sagt í fimm ár.
Við spiluðum oft tölvuleiki saman, spunaspil fórum auðvitað á fjölmörg fyllerí og í hinar ýmsu útilegur með vinum okkar.
Aldrei litum við á hvort annað sem kynverur.

Í febrúar á þessu ári dreymdi mig svo draum sem ég gat ekki útskýrt og mér leið mjög asnalega þegar ég vaknaði daginn eftir. Afhverju var mig að dreyma svona um minn besta vin, hugsaði ég með mér. Ég hef engan áhuga á honum.

Draumurinn var á þessa leið:
Við vorum stödd í partýi með góðum félögum okkar og allt í einu fer ég að finna hversu mikið ég elska hann sem karlmann.
Svo byrja tvær stelpur eitthvað að gefa honum auga og hann tekur vel í það, þar sem hann hefur enga hugmynd um áhuga minn. Ég fer þá að finna fyrir gífurlegri afbrýðisemi og ákveð að segja honum hug minn.

Hann verður óskaplega glaður og segir við mig að hann elski mig og vilji enga nema mig.

Ég hugsaði mikið um þennan draum í nokkrar vikur, en svo hætti ég bara að spá í honum og hélt að þar með væri sagan öll.

En svo núna í júni þá vorum við á fyllerýi með vinum okkar og ég fer eitthvað inn í herbergi að bardúsa. Hann kemur í humátt á eftir mér og kyssir mig upp úr þurru.

Við höfum verið saman síðan þá, og aldrei hef ég elskað nokkurn mann jafn heitt.

Ótrúlegt hvað draumar geta stundum verið sannir ;)

—