Það eru einhverjar verur sem vaka yfir okkur, sumir vilja kalla þær engla, verndaranda o.s.frv. þ.e. það er einhver heimur sem er fyrir ofan okkur sem að bæði látið fólk og dýr fara til eftir líkamsdauðann með öðrum orðum sál okkar fer eitthvert eftir líkamsdauðann. Það fer allt eftir sjónarmiði okkar hvert við förum. Hafir þú verið illgjarn og svikull eða með sterkar hugmyndir um að það sé ekkert eftirlíf þá ferðu að öllum líkindum á svokallað gráa-svæði sem er á lægri sviðum en þar sem góðar sálir fara til. Sá staður sem gott og hugulsamt fólk fer til er það sem flestir kalla himnaríki en Dulspekingar kalla þetta oftast Sumarlandið, eflaust til að koma í veg fyrir trúarbragðaágreining.

Þegar fólk talar um að einhver vondur draugur hafi komið til þeirra og sé að angra þá, gera þeim eitthvað illt, þá hefur sú sál komið frá þessu gráa-svæði og það eru þesskonar sálir sem gera oftast vart við sig í andaglösum þar sem þessar sálir vilja ekkert fremur en að komast til jarðarinnar til að geta lifað áfram í spillingu, græðgi og annars konar vitleysu sem að þessi tiltekna sál stundaði á þessu jarlífi og reyna því að lifa því í gegnum grandalausa krakka sem fara óreynd í andaglas.

Þessi vernd sem að khonsu var að tala um fæst ekki einn tveir og tíu. Þú segir ekki bara “Guð verndaðu okkur” og ferð svo í andaglas. Flestir hópar sem stunda einhvers konar tengsl við andaheimin, sem samanstanda af fólki sem treysta hvoru öðru, byrja ekki á því að fara í andaglas í fyrsta tíma heldur sitja saman jafnvel á fleiri tugum funda og biðja fyrir sér og sínum og fyrir þessum hóp sem er þarna samankomin. Jafnframt biðja þau æðri máttarvöld, nefni engin trúarbrögð, um að hafa leggja blessun sína yfir þessar tilraunir sínar. Kallst Bænahringir eða tilraunarhingir.
Þetta fólk er yfirleitt mjög trúað og hjálpar það því að ef þú trúir því ekki sem er að gerast þá hjálpar það þér lítið og að sama skapi er því vitleysa að unglingar séu að fikta við dulræn málefni þar sem oftast eru unglingar að efast um trú sína á gelgjuárunum og því góður biti fyrir þá anda sem kunna að notfæra sér krakka.

Ef þú kíkir á fyrri korka og greinar um andaglas þá sérðu að það eru 95% þeirra á þessu áhugamáli á móti andaglasi. Einhver prósenta þeirra eru næmir eða mjög skyggnir og því liklegra að þeir viti um hvað þeir eru að tala heldur en þeir sem eru ónæmir eða finnst bara nett að fara í andaglas.

Ef þú/þið ætlið að þráast við þá get ég bara mælt með því að lesa ykkur til um dulspeki áður en þið gerið einhverja vitleysu því margir þeirra sem koma frá gráa-svæðinu geta hreyft hluti eða gert einhvern skandal eins og illum sæmir. Samt sem áður geta líka kommið einhverjir góðir en það eru litlar líkur á því nema með því að biðja um áðurnefnda vernd.

Svo að vendi nú mínu kvæði í kross þá vill ég endregið mæla gegn því að fara í andaglas því að ég hef slæma reynslu af því.

Og munið þó að þið trúið einhveju ekki, þá þýðir það ekki að það sé ekki til.

Kveðja.
MacLeod.