Nei, mér finnst þau ekki skipta máli, en mér finnst þetta bara svo hallærislegt ef einhver stigahóruskapur er í gangi. Ástæðan fyrir því að ég sendi inn greinar í nokkrum hlutum er sú að ég er alveg óskaplega upptekin og má ekki vera að því að skrifa mikið í einu. Ég er í lagadeild í háskólanum og hef ekki mikinn tíma til að skrifa, þó ég geri eins og ég get. Eiginlega ætti ég fremur að vera að læra en að skrifa þessar greinar, en ég held það sé í lagi að ég stelist af og til. Miðað við síðustu grein sem ég sendi inn þá ættirðu að sjá að hún er mun lengri en flestar aðrar sem ég hef sent (og flestar hafa þær verið í lengra lagi) og ef ég væri einhver stigahóra þá hefði ég ábyggilega gert þetta að einhverri framhaldssögu og sent þetta inn í fimm hlutum. Ástæðan fyrir því að ég sendi þetta inn í heilu lagi var sú að ég skrifaði þetta í heilu lagi, en ekki nokkrum hlutum eins og hinar greinarnar. Hins vegar skil ég vel að þér skuli hafa dottið þetta í hug, enda ekki svo galin hugmynd. Það kemur alveg heim og saman við það að ég sendi inn greinar í nokkrum hlutum og nöldra svo yfir því að einhver fái fleiri stig en hinir. Það lítur ekki sérlega vel út, en engu að síður er það ekki ástæðan í mínu tilfelli.