Abigel fyrir 21 árum, 7 mánuðum Fjöldi lestra: 670

Að yfirgefa líkamann

Ég veit ekki hvort maður eigi að þora að skrifa aðra grein fyrir öllum þröngsýnu brandaraköllunum, en maður verður bara að taka áhættuna :o)

Af öllu sem ég hef upplifað varðandi orku, skyggnigáfu, framtíðarsýnir og annað því um líkt hefur ekkert verið eins gott og að geta yfirgefið líkamann. Ég veit ekki hversu margir hafa upplifað það og gaman væri ef einhverjir myndu vilja lýsa sinni reynslu af þessu en sjálf finnst mér eins og maður sé loksins frjáls, engar áhyggjur, bara slökun meðan þú svífur í loftinu.
Ég á það til að gera þetta stundum ósjálfrátt í svefni, sérstaklega þegar ég er búin að grúska eitthvað í andlegum hlutum, og það er betra en nokkur svefn að geta svifið, því þú færð einhvern megin miklu meiri frið, því áhyggjurnar verða eftir í líkamanum.
Fyrir þá sem kannski eru að spá í að reyna þetta þá get ég eiginlega bara sagt hvað ég geri til að yfirgefa líkamann, og það eru örugglega til miklu fleiri leiðir heldur en sú sem ég nota og eins og ég sagði fyrr í greininni væri mjög gaman að heyra frá öðrum varðandi þetta.
Það sem ég geri er að byrja á algerri andlegri íhugun. Ég slekk ljósin, set rólega tónlist undir (má alls ekki vera það há að þú byrjir að taka eftir henni, því hún á bara að ýta undir flæði milli heilahvolfa. Síðan sest ég á gólfið inni hjá mér, krosslegg fæturnar í jógastellingu og tæmi algerlega hugann. Oft þegar maður er orðinn góður í að tæma hugann þá geta ótrúlegustu sýnir komið fram. En þegar hugurinn er algerlega tómur þá byrjar þú að ímynda þér að þú stígir út úr líkamanum. Kannski byrjar á að reyna að láta orkuna í höndunum fara úr líkamanum og ímyndar þér sem þú stígir úr líkamanum. Þetta tekur þónokkra æfingu og mikla íhugun en ef þig virkilega langar til að líða vel þá er það þess virði!

Tankian fyrir 21 árum, 7 mánuðum

Vá, skemmtileg lesning /:#)

Ég hef aldrei einu sinni prufað að fara í neina hugleiðslu, jóga eða eitthvað slíkt.. en ég hef reyndar nokkrum sinnum útaf einhverri ástæðu verið sofandi og vaknað andlega og fundið fyrir líkamanum en getað hvorki hreyft mig né opnað augun, það er einkennilegasta upplifun sem ég hef átt með sjálfum mér má segja og reyndar dálítið ógvekjandi þegar þetta kom fyrst fyrir =) en þetta hefur komið ekki oftar en 10 sinnum fyrir á ævinni minni.

Fyrra álit

icez fyrir 21 árum, 7 mánuðum

Góð grein Abigel!

Góðir punktar hjá þér. Það mætti kannski að bæta við að fyrir óvana sakar ekki að biðja um vernd og aðstoð (frá leiðbeinendum) þegar fólk er að fara prufa þetta :)

Fyrra álit

brezhnev fyrir 21 árum, 7 mánuðum

Af hverju heldur þú að þig sé ekki bara að dreyma og að þetta sé ímyndun þín?

Fyrra álit

Abigel fyrir 21 árum, 7 mánuðum

Vegna þess að tilfinningin er allt önnur heldur en nokkurn tímann í draumi. Ég get gert það sem ég vil og einhvern veginn þá finnur maður mikinn mun. Þeir sem hafa upplifað það geta kannski útskýrt þetta betur :o)

Fyrra álit

Kelsey fyrir 21 árum, 7 mánuðum

ég þekki hana og hún er sko ALLS EKKI að ljúga og þetta er ekki draumur og ekki ímyndun þín þetta skeður í alvörunni hjá henni!

Fyrra álit

Adddi fyrir 21 árum, 7 mánuðum

Ég ætla ekki að móðga þig en sem efahyggjumaður verð ég að benda á að líklega er þetta bara mjög gott form af algjörri slökun, eins og þú segir, svo að af hverju er þetta kallað að yfirgefa líkamann? Er það bara svo fólk almennt haldi að þeir sem stunda þetta séu geggjaðir?

Betur sjá augu en eyru

Fyrra álit

Abigel fyrir 21 árum, 7 mánuðum

Þar sem ég er vísindamanneskja í hugsun, þá vil ég benda þér á sem efahyggjumanni að við erum orka og orka getur færst frá einum stað til annars. Ég segi að vísindin hafi bara ekki ennþá þróast nógu mikið til að geta sannað mikið af því sem við “geggjaða fólkið” höfum haldið fram frá upphafi siðmenningar.

Fyrra álit

skyage fyrir 21 árum, 7 mánuðum

Flott grein….. (klukkan er ekki einu sinni búin að slá 2 hjá vísindamönnum samtímans). Og þeir sem trúa þessu ekki, eiga aldrei eftir að geta þetta. Allir ættu að vera meðvitaðir um sjálfan sig og hæfileika sína.

Fyrra álit

Adddi fyrir 21 árum, 7 mánuðum

Við erum reyndar efni, það er hægt að breyta orku í efni og til baka, en enn sem komið er er ekkert sem bendir til að mannsheilinn sé fær um slíka breytingu. T.d. ef efni rekst á andefni breytast bæði í háorku gammageislun og efnið hverfur.

Það er enn sem komið er ekkert sem bendir til að hugsun sé annað eða meira en flókið ferli lífrænna efna í heilanum, það er ekki þar með sagt að allt sem dulspekingar segja hljóti að vera vitleysa, en það er þar með sagt að það er óvísindalegt að gera ráð fyrir að allt sem þeir segja hljóti að vera rétt, bara af því að ekki er búið að afsanna það.

Þekking mannsins hefur aukist mikið frá upphafi siðmenningar, það er órökrétt að halda að það sem menn segja í dag sé rétt af því að það hafi verið sagt lengi.

Það er alveg möguleiki á að mannslíkaminn eða heilinn geti haft áhrif á seglusvið, eða jafnvel skynjað á einhverju sviði sem við getum ekki enn skilgreint. Það er samt enn sem komið er bara möguleiki.

Maður getur komist í annarlegt ástand á ýmsan hátt, t.d. með því að of-anda, eða anda að sér eiturgufun (eins og véfréttin í Delphi gerði víst), eða með alls konar efnum. Það gæti útskýrt mikið af því sem kallað er sýnir. Svo er líka hægt að þjást af geðsjúkdómum sem lýsa sér með ofskynjunum. Ég er auðvitað ekki að segja að sýnir eða “að sjá drauga” eða það sé allt vitleysa, þannig séð gæti það alveg gerst þar sem ekki er búið að afsanna að það gæti gerst, ég er bara að segja að í >90% tilfella mætti útskýra þessa hluti með hefðbundnari leiðum.

p.s. Ég sagði ekki að fólk væri geggjað, ég lagði til að þið gætuð haft gaman af að vera álitin geggjuð, t.d. sést það á því að kalla fullkomna slökun þar sem ímyndunaraflið fær lausan tauminn “að fara úr líkamanum”.

Betur sjá augu en eyru

Fyrra álit

[Notanda eytt] fyrir 21 árum, 7 mánuðum

Sæl,
er það ekki bara málið að heilinn “heldur” að maður hafi yfirgefið líkaman.

kv. ^Schafer^

Fyrra álit

Valva fyrir 21 árum, 7 mánuðum

að sjálfsögðu er það málið… þegar algerri slökun líkamans er náð eykst virkni hugans og fyrir þá sem hafa frjótt ímyndunarafl fyrir er eftirleikurinn auðveldur… að yfirgefi líkamann er eðlisfræðilega ómögulegt hvort sem sú eðlisfræði er vanþróuð eða ekki… þetta er því bara spurning um hugarástand

Fyrra álit

Valva fyrir 21 árum, 7 mánuðum

að hugurinn yfirgefi líkamann átti þetta víst að vera

Fyrra álit

Abigel fyrir 21 árum, 7 mánuðum

Áður fyrr var talið að súrefni og vetni gætu ekki verið sameindir fyrir vatn. Afhverju getur þetta ekki verið einhver efnaformúla sem við höfum bara ekki ennþá þekkingu til að uppgötva?

Fyrra álit

Adddi fyrir 21 árum, 7 mánuðum

Það gæti vel verið að eitthvað eigi eftir að uppgötvast sem rennir stoðum undir að fólk geti yfirgefið líkamann. Það gengur samt ekki að ganga út frá því að það muni gerast, bara af því við viljum það.

Betur sjá augu en eyru

Fyrra álit

Valva fyrir 21 árum, 7 mánuðum

ég var ekkert að tala um efnafræði, ég var að tala um eðlisfræði sem fjallar alls ekkert um efnaformúlur. Ég held hinsvegar að það sé rétt hjá þér að umhverfis okkur býr ýmislegt sem við getum ekki útskýrt og viljum þá strax bendla það við dulspeki, galdra og auðvitað kerti… sem ég hef aldrei skilið. Mér finnst þetta hins vegar hin mesta vitleysa. Ég hef sjálf verið það sem þið kallið að vera skyggn frá því að ég man eftir mér og mér finnst það ekkert svakalega merkilegt og síst af öllu dulrænt eða yfirnáttúrulegt eða hvernig sem þessi orð öllsömul hljóma. Við nefninlega gleymum því alltaf að það eru örugglega til miklu fleiri víddir heldur en þær þrjár sem við lifum í og þegar við deyjum þá flyst hugurinn milli vídda og sum okkar eru svo heppin að geta skynjað einhvern hluta af þessum víddum… þetta er að minnsta kosti mín tilfinning fyrir þessu…
en ég verð að segja að ég gæfi mjög mikið fyrir að sjá þig yfirgefa líkamann þinn..

Fyrra álit

Abigel fyrir 21 árum, 7 mánuðum

Þegar þú talar um víddir þá ertu komin í dulræna eða yfirnáttúrulega rökræðu, það vita allir. Hins vegar hef ég þá kenningu um að látið fólk fari yfir á aðra tíðni, ekki víddir, sbr. radio er á ákveðinni tíðni, einhversskonar ályktun útfrá því. Reyndar á ég eftir að rökstyðja betur og yfirfara í ræðu sem ég mun bráðlega halda um svona hluti og ég skrifa þá kannski þessa kenningu mín hingað :o)

Kveðja,
Abigel

Fyrra álit

Valva fyrir 21 árum, 7 mánuðum

hvað er svona dulrænt við víddir?

Fyrra álit

Adddi fyrir 21 árum, 7 mánuðum

Einmitt, þetta er hugarástand, þess vegna er ég á móti því að kalla þetta “Að yfirgefa líkamann”

Betur sjá augu en eyru

Fyrra álit

thew fyrir 21 árum, 7 mánuðum

Nú hafa læknar náð að framkalla “out of body” reynslu fólks með því að örva ákveðið svæði heilans.

Því verða sumir að fara að finna sér aðra sögu en þá að “fólk á dánarbeði fór út úr líkama sínum” því þetta virðist einfaldlega vera skammhlaup í heilanum.

En hver trúði svosem öðru?

http://news.bbc.co.uk/2/hi/health/2266740.stm

Fyrra álit

Abigel fyrir 21 árum, 7 mánuðum

Það er athyglisvert. Þótt þetta mætti vera langsótt væri ekki hægt að útaf því það var leitt rafmagn inn á ákveðin svæði hafi skapast heilaflæði og um leið mikil orka. Með mikilli orku gætum við losað okkur frá líkamanum. En hver trúir svo sem ruglaðri manneskju eins og mér :o)

Fyrra álit

[Notanda eytt] fyrir 21 árum, 7 mánuðum

Abigel,

Þessi lýsing þín, sem mér virðist heiðarleg og einlæg, er samhljóma upplifun þúsundum annarra manna, bæði núlifandi og genginna.

Viðbrögðin sem ég sé hér að ofan eru líka mjög svipuð þúsundum annarra, sem ekki þekkja þessa skynjun.

En, meðal annarra orða, hvernig getur þú lýst fyrir blindum manni t.d. fögru sólarlagi þannig að hann upplifi og skynji þá fegurð sem þú sérð.

Eða hvernig lýsir þú fyrir heyrnalausum manni fallegu lagi, svo hann megi skynja tilfinninguna sem þú upplifir.

…það er bara ekki hægt, / en það er rétt að reyna það - og kannski hjálpar það til við að opna hug og hjarta einhverra. En, Þetta verður ekki “sannað” á næstunni.

Gangi þér vel.

Fyrra álit

litlablom fyrir 21 árum, 7 mánuðum

Abigel
Mig langar að spyrja um nokkuð sem hefur ekki komið fram hér, þ.e. Hvað er svona eftirsóknavert við það að yfirgefa líkamann?

Mér finnst bara ágætt að vera bara í mínum líkama og hann dugar mér alveg ágætlega, fyrst við erum nú staðsett í líkamanum frá fæðingu eigum við þá ekki bara að halda okkur við hann?

Reyndar er formgalli á þessari hugsun en spurningin stendur samt fyrir sínu. Formgallinn er víst sá að fyrst við erum staðsett á þessari jörð tilhvers þá að fara til tunglsins og fyrst við erum á íslandi tilhvers að fara til útlanda.

Er þetta ekki bara flótti frá raunveruleikanum?
með kveðju
POE

Fyrra álit

Abigel fyrir 21 árum, 7 mánuðum

Þú getur einnig sagt að svefn sé flótti frá raunveruleikanum, dagdraumar eru flótti frá raunveruleikanum og í hvert skipti sem við hugsum um framtíð eða fortíð þá er það einnig flótti frá raunveruleikanum. Þannig að fyrst allir þessir þættir eru einnig flótti frá raunveruleikanum, afhverju ekki að notfæra sér hann líka?
Oft getur komið fram mikill sársauki í líkama og þá er gott að geta komið sér frá honum í smá stund (flótti frá raunveruleikanum) og margar aðstæður aðrar er gott að geta yfirgefið líkamann. En það er eins og með margt annað, maður verður sjálfur að upplifa þetta til að skilja hversu dásamlegt þetta er.

Kveðja,
Abigel

Fyrra álit

gomamiso fyrir 21 árum, 7 mánuðum

hæ, Abigel.
flott grein :)
en getur maður gert þetta ef maður er í miklu uppnámi?
ég meina, ef maður hefur átt erfiðann dag og allt er í rugli og þá vill maður fá að slaka á. getur maður þá “flúið” vandamálin ef maður gerir þetta?
gleymir maður þeim á meðan?

k.v. Katta

Vatn er gott

Fyrra álit

Abigel fyrir 21 árum, 7 mánuðum

Það er dálítið erfiðara að gera þetta þegar maður er í uppnámi, því alger ró og tæming á huga er nauðsynleg. Aftur á móti þegar þú ferð úr líkamanum þá hverfa allir verkir og áhyggjur sem fylgja þér dags daglega. Eina sem þú finnur fyrir er óendanlegur friður.

Kveðja,
Abigel

Fyrra álit

Adddi fyrir 21 árum, 7 mánuðum

Mig langar að taka sem dæmi þegar maður er að labba úti á götu og byrjar að raula eitthvað lag eða hugsa um það, eftir 1-2 mínútur setur maður útvarpið í gang og það er verið að spila þetta lag. Ég hef oft lent í þessu, en það þarf ekki að þýða að ég sé skyggn.

T.d. væri rökrætt útskýring að ég hafi heyrt það mjög lágt, t.d. úr bíl sem var að keyra hjá án þess að gera mér meðvitað grein fyrir því, eða jafnvel að heilinn sé eitthvað smá næmur fyrir útvarpsbylgjum og maður sé farinn að þekkja geislunina sem fylgir uppáhaldslaginu manns. Nú eða bara að það sé tilviljun.

Það sem ég er að segja er að það er mjög órökrétt að gera ráð fyrir að eitthvað yfirskilvitlegt sé að eiga sér stað, bara vegna þess að manni dettur ekki nein hefðbundin skýring í hug fyrst um sinn.

Betur sjá augu en eyru

Fyrra álit

litlablom fyrir 21 árum, 7 mánuðum

Adddi
Talandi um furðulegar tilviljanir, það var alveg stórfurðulegt þegar sama lagið heyrðist með ca. 3 sek mismun á tveimur útvarpsstöðvum einn daginn.
Enn furðulegra var að laglínan sem oftast var endurtekin var: “Let's start things together…”
Annað hvort yfirnáttúrulegt fyrirbæri hjá FM og Steríó, samantekin ráð eða einfaldlega tilviljun.
m.k.
litlablom

Fyrra álit

Kreoli fyrir 21 árum, 7 mánuðum

Geggjað fólk er ekki til allir lifa í sýnum heimi en það er bara misjafnt hversu margir lifa í sama heiminum.- Ég.

Fyrra álit

Mithrill fyrir 21 árum, 7 mánuðum

Um daginn var vinur minn að kasta tuttuguhliða teningi, hann kastaði þrisvar. Áður en að hann kastaði hugsaði ég um töluna 15, hann kastaði svo og fékk 15! Ó, ókei, tilviljun? Aftur byrjaði ég að hugsa um tölu, allt í einu og það var talan 11. Hann kastaði og fékk 11. Ég varð pínku hissa og svo hugsaði ég um töluna 10, hann kastaði en hann var fyrir þannig að ég sá ekki hvað hann fékk. Ég spurði hvort að hann fékk 10 og hann sagði já… 3 sinnum í röð, tilviljun, skyggni eða var ég bara að picka upp eitthvað efna eitthvað!? Þetta byrjaði eftir að ég fór næstum “út úr líkamanum” í sjöunda skipti.

Fyrra álit

Viskan fyrir 21 árum, 7 mánuðum

Það gerist líka oft að þegar maður dettur út, ég hugsa að þið vitið hvað ég meina, þá á maður til með að heyra einhvað og sjá, það er doldið draugalegt þegar það gerist og það liggur við að manni fer að líða illa, það er ekki alltaf allt sem er gott sem maður sér!
kv. Taran

Fyrra álit

Exitmusic fyrir 21 árum, 7 mánuðum

flott grein
samt, ég á smáreynslu af þessu og ég varð hálf skelkaður…….en kannski var það bara ímyndun…..hver veit

Hafið það gott

Fyrra álit

cutypie fyrir 21 árum, 7 mánuðum

Hmm… Veistu hvað. Ég fékk svona bók í jólagjöf einu sinni um hvernig maður ætti að fara frá líkamanum og þarna voru einnig sögur frá fólki sem hafði prufað þetta og reynslu þeirra. Mér finnst þessi bók mjög spúkí og ég hef aldrei opnað hana aftur.

Eitt svona heillarráð úr bókinni. Þegar þú gerir þetta að fara svona út úr líkamanum þá er það eina sem heldur þér (líkamanum og sálinni/andanum) saman er mjór þráður úr miðpunkti enni þíns í sálina. Ef einhver kemur og truflar þig eða hristir líkamann þinn á einhvern hátt þá getur strengurinn rofnað og þá missiru tengslin milli líkama þíns og sálar og það boðar ekki gott.

I´m crazy in the coconut!!! (",)

Fyrra álit

fidrildi fyrir 21 árum, 6 mánuðum

hvað meinar þú með því að það boði ekki gott. Kemst maður ekki til baka eða hvað.Forvitin!!!

Fyrra álit

cutypie fyrir 21 árum, 6 mánuðum

Þar sem bókin var á ensku og ég þori eiginlega ekki að lesa hana því hún er svo spooky þá skildist mér að þetta væri kannski róandi á allan hátt fyrir mann að gera svona en ef eitthvað gerist þá á maður víst ekki afturkvæmt. Engin sál, enginn líkami. Kannski verður það svona óskýranlegur dauðdagi. En það er mælt með í bókinni að maður verður að gera þetta í einrúmi og algjörlega hljóðlátum stað, verða alls ekki fyrir truflun. Þess vegna áttu margar svona sálfarir eins og það kallast, í svefni, þegar maður er afslappaður og með tóman huga.

I´m crazy in the coconut!!! (",)

Fyrra álit

Dulspeki

Dulspeki

Ofurhugar

Stjórnendur

Hverjir eru inni

Greinar

Að yfirgefa líkamann

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi