Ehhemm, ég kann ekkert á þetta, og þessvegna fer þessi grein kannski á vitlausan stað. En, jæja, það skiptir nú ekki svo miklu máli, eða hvað?;)
Jæja, um daginn dreymdi mig að ég væri að ganga eftir vegi, malbikuðum vegi, eins og það skipti einhverju máli:) Svo mætti ég konu. Ég kannaðist eitthvað svo rosalega við hana, svo að ég stoppaði og fór að tala við hana. Hún virtist alveg þekkja mig, svo ég spurði hana hver hún væri. Hún sagðist auðvitað vera mamma mín. Sko, það er nefnilega þannig, að mamma mín hefur verið dáin síðan ég fæddist, og hef ég því aldrei sé hana. Ég spurði mömmu mína, hvort hún væri lifandi eða dáin, og hún sagðist vera lifandi. Þá spurði ég hana afhverju hún hefði þá aldrei áður látið vita af sér. Hún hváði við, og sagðist bara aldrei hafa haft nokkra ástæðu til þess að láta mig né nokkurn annan vita af því að hún væri á lífi. Svo allt í einu varð hún mjög höst og hranalegt við mig, og afneitaði mér í bókstaflegum skilningi. Hún gekk í burtu og sagðist aldrei vilja sjá mig aftur.
Þið getið ímyndað ykkur hvernig mér varð við, og ef þessi draumur merkir eitthvað, þá væri gaman að vita það…;)