ajlil fyrir 23 árum, 1 mánuði Fjöldi lestra: 464

óvelkominn hæfileiki?

Ég var að velta því fyrir mér hvort að það sé eitthvað til í því að ef að maður sér eitthvað svona “dulrænt” eða verður fyrir smá heimsókn að handan og verður alveg logandi hræddur, mun það þá aldrei koma fyrir aftur? Það var mér sagt þegar ég var lítil. Þegar ég var þriggja ára vaknaði ég nefnilega við einhverja yfirþyrmilega “þunga” tilfinningu ´sem var í herberginu og þegar ég settist upp þá er þarna í horninu beint á móti mér gamli dobermanhundurinn hans afa, urrandi. Ég skil ekki afhverju ég man þetta svona skýrt, ég man nefnilega ekki neitt eftir hundinum sjálfum en mamma sagði mér að ég hefði alltaf verið skíthrædd við hann. Nú, ég varð svona líka frávita af hræðslu og gargaði og veinaði á mömmu, sem kom inn í herbergið mitt og ég bara vældi “taka dobba, taka dobba” (ég þekkti hann víst undir því nafni). Enginn Dobbi sjáanlegur og mamma var nú ekki hrifin, því að þegar pabbi minn var lítill og vaknaði um miðja nótt til að fara á klósettið sat löngu liðinn afi hans þar og pabbbi varð rosalega hræddur og hefur ekki talað um að neitt sdvona hafi komið fyrir síðan.
Mig langar að vita hvort einhver hefur heyrt þetta áður og hvort eitthvað vit sé i þessu.
Skrítð, ég var nefnilega að lesa grein frá einhverjum og þar kom fram eitthvað að hundar hafi ekki sál eins og við hin. Hvernig gat ég þá séð hann? Og ekki fara að benda mér á að þetta hafi örugglega verið draumur, ég er búin að ara í gegnum þetta fram og aftur, þetta var ekki draumur.
Og svo hefur svona “spookie stuff” komið fyrir mig síðan og alltaf verð ég svo hrædd að ég bara stífna upp og hjartað fer á hundraðogtuttugu. Samt kemur þetta fyrir-þótt ég vilji alls ekki eiga neitt með svona lagað að gera. Ég segi frá einhverju af þessu seinna, of langt aðrekja það hér. Svo er ekki séns að ég fari til miðils eða neitt þannig lagað, ég vil alls ekki vita að einhver sé að fylgja mér eða reyna að ná sambandi, það er eins gott að ég er ekki hjartaveik því þá væri ég löngu látin úr hræðslukasti. Svo fór mamma mín einusinni til miðils og ég var ekki alveg að fíla það að hún segði mer hitt og þetta…samt finnst mér þetta voðalega áhugavert og spennandi en ofsahræðsla kemur í veg fyrir að ég þori að vita eitthvað meira.
Endilega svarið ef þið hafið heyrt þetta með að verða hræddur og sjá þessvegna aldrei neitt meir eða hafið bara eitthvað að segja mér um þetta.

magoo fyrir 23 árum, 1 mánuði

Það er til nokkuð sem heitir dýrafylgja; hún dvelur með mönnum og getur birst þeim bæði í draumi og vöku, indíánar kölluðu þetta totemdýr. Mín er úlfur, þín gæti verið þessi hundur.
magoo

Fyrra álit

Retrofire fyrir 23 árum, 1 mánuði

Að sjá hundinn gæti einfaldlega verið undirmeðvitund þín að “losa” sig við gamla drauga, það er hugsanlegt að þessi hudur hafi hrætt þig það mikið þegar þú varst barn að þú hafir orðið fyrir einhverjum skaða án þess að nokkur hafi tekið eftir því og þar á meðal þú.
Svo er auðvitað hinn möguleikinn að þú sjáir
og þá á ég við framhjá hinum snertanlega heimi, ég sjálfur hef séð og fundið fyrir ýmislegu sem að ég get ekki útskýrt að fullu. Hinsvegar hef ég farið til miðils nokkrum sinnum og hef fengið svör við ýmsu sem að mig hefur grunað í nokkur ár, sú reynsla hjálpaði mér mjög mikið að skilja hvað væri að gerast með mig sjálfan og hvernig ég ætti að takast á við það og lifa með því, allt þetta tekur sinn tíma og því verður maður að leyfa því að meltast hjá sjálfum sér en ekki of lengi, ég hvet þig til að allavega tala við miðil til að fá útskýringar eða aðstoð við það sem að þú hefur séð fyrr á árum og kannski enn nú í dag. Þeir miðlar sem að ég hef farið til hafa tekið mjög vel í allar spurningar sem að ég hef lagt fyrir þá og þeir hafa reynt að svara mér til fullnustu, ég hinsvegar bað þá um að halda engu eftir og fékk þessvegna allann pakkann, þú getur hinsvegar beðið miðil um að halda hinu og þessu frá, segðu bara að þér líði illa við að vita það, en svo getur verið að í endann á fundinum/samtalinu að þú viljir vita afganginn þar sem þú sért tilbúin til að meðtaka það.

Fyrra álit

ajlil fyrir 23 árum, 1 mánuði

Já þú hefur nokkuð til þíns máls, en satt best að segja þá vildi ég helst að ég væri þessi “ef það er ekki hægtað sanna það, t´rúi ég ekki á það”-týpa því ég þessi fólk sem bara hlær að svona löguðu og finnst þetta bara bull og vitleysa í hjátrúuðu fólki. Mikið rosalega öfunda ég það fólk, alveg rosalega, því það trúir ekki á þetta og þá getur það víst ekki mikið verið hrætt við þetta. En það er bara svo einfalt að hvort sem fólk trúir eða ekki-þetta er hérna allt í kringum okkur og það breytist ekki hvað sem fólk tautar og raular.
Ég þakka bara fyrir að vera ekki alsjáandi og geta ekki fengið frið.
En takk fyrir svörin :)

Fyrra álit

Sunbeam fyrir 23 árum, 1 mánuði

Kæra ajlil. Mér finnst að þú ættir að fara til miðils, eða allavega einhvern sem þú getur talað við og sem gæti hjálpað þér með þetta. Mér skilst það á þér að þetta sé eitthvað sem þú ræður ekki við og hræðir þig rosalega. Stundum er ég hrædd við að sjá eitthvað og ég gæti ekki ímyndað hvað gerðist ef eitthvað svona kæmi í alvöru fyrir mig. En ég er þeirrar skoðunar að það að tala um þetta við fólk sem skilur þig og getur frætt þig meira um þessi mál sé af hinu góða, í staðinn fyrir að velkjast í vafa um allt þetta sem gerist fyrir þig. Ég hef eitthvað verið að lesa um dulræn málefni og í bók las ég um konu sem fæddist með þennan hæfileika en fór svo til miðils og lét “loka sér”, miðilinn hélt bara í höndina á henni og sagði henni að þetta myndi fara núna en einhvern dag þegar hún yrði tilbúin myndi hún geta tekist á við þetta og síðar á lífsleiðinni gerði hún þetta að starfi sínu, gerðist miðill. Síðan er líka til á Íslandi Sálarrannsóknafélagið sem ábyggilega margir hafa heyrt um, þar gætir þú ábyggilega fengið upplýsingar um allt milli himins og jarðar. T.d. hvort þú getir komið þér upp vernd gengn því sem þú vilt ekki sjá. Það er spurning.. Vonandi getur þú látið þér líða vel með lífið því ég held að þessi eiginleiki fari ekki bara einn daginn fyrir tilviljun, án þess þó að ég viti eitthvað um það. Mér bara langaði að taka þátt í umræðunni og reyna að gefa þér einhver ráð, hvort þú tekur þau ræður þú allveg.. Allavega, lifið heil..

Fyrra álit

ajlil fyrir 23 árum, 1 mánuði

Vel þegið innskot, hef þetta í huga.

Fyrra álit

MadMonk fyrir 23 árum, 1 mánuði

Þegar ég var 10 ára vaknaði ég upp um miðja nótt, sem ég gerði yfirleitt aldrei á þessum aldri. Allavega, ég settist upp mjög snögglega því mér fannst eitthvað vera að (get ekki alveg útskýrt það), ég leit upp og sá það sem mér sýndist allavega vera frekar öldruð kona, í hvítum náttkjól. Mér hefur sjaldan brugðið jafn mikið, en ég lokaði augunum aftur og opnaði svo eftir smá stund (“typical”, ég veit) og viti menn þarna var ekkert. Mér leið illa í tvær þrjár vikur á eftir, alveg þar til ég sá þetta aftur. Það var spegill í herberginu mínu, við hurðina. Ég gekk inn í herbergið að kvöldi til og sá hana mjög greinilega í gegnum spegilinn, sitja á rúminu mínu. Ég starði í töluverða stund en um leið og ég gekk inn í herbergið og leit á rúmið sá ég ekkert á rúminu, ekki neitt.

Ég hef alveg síðan þá oft fundið fyrir einhverri nærveru sem er erfitt að útskýra, það hafa verið margir “miðlar” í ættinni minni, hversu misjafnir sem þeir voru. Mér var einu sinni sagt að þetta væri bara einhver sem fylgdist með mér, og ég þyrfti ekkert að óttast. Ég hef ekki enn leitað til almennilegs miðils til að fá að vita hver þetta var, en ég ætla að gera það. Ég trúi ekki á að það séu margir andar sem vilji vinna manni mein, það eru einstaka tilvik sem eiga sér líklegast einhverja sögu að rekja. Ég ætla ekki að láta loka á þetta, ef einhver vill að ég viti af sér þá vil ég vita af honum.

Fyrra álit

lhg fyrir 23 árum, 1 mánuði

Það er algengt að börn sjái svona sem eldist síðan af þeim. Ég myndi ekki hafa áhyggjur af þessu. Þetta þýðir samt kannski að þú gætir ræktað upp hjá þér meiri næmni ef þú vildir og myndir einbeita þér að því.

Fyrra álit

[Notanda eytt] fyrir 23 árum, 1 mánuði

Ég er ekki svo viss um að þetta “eldist af þeim”. Ég er mun hallari undir þá skoðun, að þeim er kennt að það sem að þau telja sig sjá sé ekki til staðar í raun og veru. Þetta er eins og þegar okkur er kennt að hlutir sem eru langt í burtu virðast litlir. Litlu barni virðast fjarlægir hlutir vera litlir, en fyrst í stað áttar það sig ekki á því hve langt í burtu hluturinn er. Það tekur okkur þó nokkur ár að læra t.d. að stækkandi hlutur er oftast hlutur að nálgast - samanber bíla.

Fyrra álit

ajlil fyrir 23 árum, 1 mánuði

Já ég hef oft heyrt að börn séu næmari fyrir svona hlutum en fullorðnir en því miður er þetta ekki fastbundið við barnæsku, þetta með hundinn er bara það fyrsta sem ég man eftir. Sem betur fer kemur þetta ekki eins oft fyrir og ég veit að gerist hjá sumum en t.d. fyrir ekki svo löngu vaknaði ég um nóttina og var svona líka rosalega þyrst, fór fram í eldhús og fékk mér vatnsglas, og þar sem ég stend við eldhúsborðið og er að svala þorsta mínum fæ ég allt í einu þennan rosalega hroll-eitthvað öðruvísi en venjulega. Eldhúshurðin er bara rétt á hægri hönd þar sem ég stend og þá labbar einhver úr stofunni þvert yfir ganginn inn á bað með tilheyrandi hljóðum í gömlu parketgólfi. Ég veit ekki hvert hjartað ætlaði að fara og ég var svo ótrúlega hrædd, því ég vissi alveg að það var enginn inni í stofu og ég hálfhljóp inná bað til þess að ganga úr skugga um að það væri einhver fjölskyldumeðlimur að stríða mér eða ganga í svefni þess vegna. En nei, enginn inni á baði og ég var svo stjörf að ég gat ekki einu sinni gargað. Svo hljóp ég eins og geðveik inn til mömmu og pabba og gat ekki sagt neitt annað en “það fór einhver inn á bað, það fór einhver inn á bað.” og mamma fékk sjokk þegar hún sá mig því ég var svo náföl í framan. (svona fer ofsahræðlsan við hið óþekkta með mig)
Annars þakka ég svörin.

Fyrra álit

Uriel fyrir 23 árum, 1 mánuði

Mér þykir gott hjá þér að fara ekki til miðils. Ég hef sjálfur upplifað ýmislegt skrítið en ég fer ekki til miðla því að ég hef eftir heimild sem ég treysti að það sé hættulegt að skipta sér af andaheiminum, ég vil ekki að andaheimurinn skipti sér eitthvað sérstaklega af mér. Andar geta logið og breytt útliti sínu( þeir hafa heldur engan áþreifalegan líkama . Farðu varlega og gættu að þér.

%MYND coollogo_com.26794102.gif%

Fyrra álit

ajlil fyrir 23 árum, 1 mánuði

Já ég er sammála þér um að það sé hættulegt að skipta sér af þessu, eða það er allavega mín skoðun, en ég veit svo sem ekki það mikið um þetta þannig að ekki ætla ég að fara með eitthvað sem ekki reynist rétt. En samt sem áður er ég sammála þér með það að fara ekki´til miðils-a.m.k. þangað til að eitthvað fær mig til að skipta um skoðun.

Fyrra álit

spotta fyrir 23 árum, 1 mánuði

ok í sambandi við það að hundar hafi enga sál, það er RANGT. Hundar hafa sál, alveg eins og ég og þú og öll önnur dýr.
Ekki vera hrædd við þetta, farðu til miðils og þá geturu komist að því hvort að hann sé að reyna að ná sambandi við þig. Og þá er það ekki neitt slæmt. Trúðu mér ég veit þetta, ég gekk í gegnum þetta sama, kannski ekki með hund, en það var alltaf gamall maður sem ég sá þegar ég var ein, og svo fór ég til miðils, og hann sagði mér að hann væri bara að fylgjast með mér, og að hann vildi passa mig, þetta var langafi minn og ég hafði aldrei séð hann áður.
En ekki vera hrædd, farðu til miðils, kannski er hann bara að passa þig,
það hafa allir fyljgur, og fleiri en eina, eins og t.d. systir mín, hún hefur nokkrar manneskjur og svo hund.
ég hef líka nokkrar manneskjur og svo þroskaheft dýr :( greyið dýrið, en ég hef séð það og hann líkjist mest hundi en samt er ég ekki viss,´ég fæ vissa öryggistilfinningu af því að vita að það er verið að fylgjast með mér. Bróðir minn hefur móðir Theresu sem fylgju.
Ég gæti haldið áfram í alla nótt, en það eina sem ég bið þig er að vera ekki hrædd, hann gæti verið fylgjan þín, rétt eins og litli þroskahefti hundurinn minn og langafi og amma mín :)

kv.
spotta

Fyrra álit

PeepingTom fyrir 23 árum, 1 mánuði

Hvað var afi að gera á klósettinu? Nr 1 eða 2?

Fyrra álit

ajlil fyrir 23 árum, 1 mánuði

He he, vit ekki en hann var allavegana skælbrosandi :)

Fyrra álit

Dulspeki

Dulspeki

Ofurhugar

Stjórnendur

Hverjir eru inni

Greinar

óvelkominn hæfileiki?

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi