augljóslega fara moldríkir menn í leit að læknisaðstoð til einkarekinna staða frekar en staða sem koma fram við alla sjúklinga jafnt :p það er bara rökrétt.

Nei það er ekki rökrétt, enda er það vitleysa. Í fyrsta lagi, hvað meinaru ‘jafnt’? Við erum ekki jöfn, við erum mismunandi. Sumir eiga við væg heilbrigðismál að stríða, sum við alvarleg heilbrigðisvandamál að stríða. Sama meðferð gæti ekki hentað öllum og þess vegna þurfum við fjölbreytileika.
Ríkir menn velja ekki að fara á einkarekin sjúkrahús vegna þess að í illsku sinni eru þeir að reyna að koma sér fram fyrir aðra eða álíka, fólk fer einfaldlega til þeirra sem er tilbúið að veita þeim þjónustu. Fólk í Evrópulöndum fær oftar en ekki læknisþjónustuna sem það vantar í sínu landi, og þess vegna fer það til BNA til þess að fá hana… einfalt (og þetta á ekki bara við um einhverja steríóímynd af ríkufólki… þetta á einfaldlega við um venjulegt fólk).

að verða svona gífurlega háður vinnuveitendanum út af tryggingum er eithvað sem ég get ekki ímyndað mér að lifa við.

Enda er það fyrirkomulag sem Bandaríska ríkisstjórnin ætti að hætta að styðja við. Það er verið að reka fleyg á milli þeirra sem þarfnast heilbrigðisþjónust og þeirra sem eru tilbúnir að veita hana. Sem flestar ákvarðanir eiga að vera á milli lækna og sjúklinga, ekki á skrifstofum tryggingafyrirtækja eða opinbera aðila.

út af því að tryggingafélgaðið manns vildi spara sér peninga með því einu að segja nei við mann.

Það er ekkert annað en samningsbrot. Auk þess get ég ekki ímyndað mér að slíkt fyrirtæki myndi halda sínum viðskiptavinum lengi á frjálsum markaði.

Mér finnst heilsugæsla vera of mikill grundvallar hlutur til þess að flækja hann með kerfi eins og tryggingakerfi

Sammála, heilsugæsla er líka allt of mikilvæg til þess að skilja hana eftir í svifaseinum og óskilvirkum höndum ríkisstarfsmanna. Þess vegna ætti hún að vera einstaklingsbundin og læknum og sjúklingum ætti að vera frjálst að leita eigin leiða sem þeim þykir heppilegust.

Ég vill geta farið til læknis ef ég þarf þess og ekki hafa áhyggjur af reikningnum

En hugsaðu þér hvað gerist þá. Það er eins og að fara á ‘all-u-can-eat-buffet’ og halda að einhver annar sé að borða. Þá tekur þú allt það dýrasta, og allt of mikið af því, án þess að þú þurfir þess virkilega.
Einstaklingar ættu að greiða fyrir sem mest af sinni heilbrigðisþjónustu sjálfir, því þá fá þeir tilfinningu fyrir því hversu dýr hún er. Þá eru meiri líkur á því að fólk beri saman lækna og kostnað og reyni að finna sem besta meðferð á sem lægstu verði.

Það er ekki tilviljun að á þeim sviðum læknisþjónustu þar sem ríkið hefur ekki verið að skipta sér að, t.d. lýtalækningum og augnaðgerðum, að þá hefur kostnaður lækkað með árunum á meðan gæðin hafa aukist.
Það á hins vegar ekki við um hina almennu heilbrigðisþjónustu.
Eins og ég sagði áður þá eru til fyrirkomulög sem geta komið í veg fyrir að fólk fari á hausinn þegar það verður alvarlega veikt, eins og tryggingar. Tryggingar eru sniðugt fyrirbæri ef þær eru rétt notaðar. Við notum til dæmis húsnæðistryggingu til þess að koma í veg fyrir að glata öllu ef húsið okkar brennur. Við notum hana samt ekki til þess að greiða fyrir endurinnréttingu til dæmis.

Tryggingar eru notaðar til þess að veita öryggi fyrir stórum og alvarlegum atburðum, en eins og staðan er í dag (í BNA) eru fyrirkomulagið þannig að tryggingarnar eigi að greiða mest allan lækniskostnað… sem býður bara upp á óhagkvæmi, dýrara kerfi og enn meiri hörmungar

bandaríska ríkistjórnin talsvert meiri peningum í heilbrigðiskerfið sitt það kandadíska þó svo einstaklingar í bandaríkjunum borgi sjálfir miklu meiri pening fyrir heilbrigðisþjónustuna sína

Og Kanadabúar mættu kannski læra af BNA mönnum. Í Kanada er meira að segja healthcare-lottery… Kauptu þér miða og þú færð ‘kannski’ að fara til læknis í þessari viku… geðveikt.

Varðandi viðbótina. Auðvitað er það fáránlegt… eitthvað sem fyrirtæki á samkeppnismarkaði myndi ekki samþykkja í 5 mínútur :)