Þó þeir séu árásagjarnir núna og reynia að fella sem flesta Hezbollah meðlimi, þá er tilgangurinn fyrst og fremst að koma þeim frá landamærunum. Árangurinn er strax byrjaður að sjást. Þeir byrjuðu stórt og sendu óteljandi mörg flugskeyti á Ísrael. Eftir harðar aðgerðir Ísraelsmanna hefur þeim fækkað, í dag var lítið sem ekkert um árásir frá Hezbollah. Auk þess að það er viss þrýstingur á stjórnvöld í Lebanon, að þau beri ábyrgð á eigin yfirráðarsvæði og haldi Hezbollah frá landamærunum. Seinustu 6 árin hafa þeir horft framhjá þeim á meðan þeir söfnuðu liðsmönnum og vopnum. Núna er margt búið að breytast, Líbanska þjóðin er búinn að fá nóg og vill losna við Hezbollah úr landinu.

Á meðan þjóðin tekur ábyrgð á eigin yfirráðarsvæði og afvopnar Hezbollah, þá er engin þörf á Ísraelsmönnum í landinu. Hezbollah er ekkert annað en tengiliður Sýrlands og Íran til þess að ráðast á Ísrael frá Líbanon. Því miður endaði þetta svona, en stjórnvöld í Líbanon bera ábyrgð á því. Með því að gera ekkert gáfu þau Hezbollah tækifæri til þess að ræna Ísraelskum hermönnum og skjóta flugskeytum til Ísraels. Ísraelsmenn brugðust við harkalega enda vilja þeir losna við Hezbollah á einu bretti í stað þess að fá “Hamas-2” og regluleg átök. En þá daginn í dag er það stefna stjórnvalda í Líbanon að gera ekkert í málunum svo það er algjörlega réttlætanlegt að Ísraelsmenn taki málin í eigin hendur og verji ríkið sitt frá utanaðkomandi ógn við landamærin.

Ekki aðeins er þetta vilji Ísraelsmanna heldur var þetta ályktun Sameinuðu Þjóðanna fyrir 2 árum síðan. Þá var skýrt tekið fram að öll erlend heröfl (meðal annars Hezbollah) yfirgefi landið. Skiljanlega misstu Ísraelsmenn þolinmæðina þegar Hezbollah hóf árásir af fyrra bragði og rændi Ísraelskum hermönnum. Auðvitað leiðinlegt að almennir borgarar lendi á milli í átökunum. En þetta er líka hagur Líbönsku þjóðarinnar að losna við hryðjuverkamenn úr landinu fyrir fullt og allt. Á meðan það er haldið þeim frá landamærunum þá er enginn tilgangur lengur fyrir Sýrlendinga/Írani að halda landinu í gíslingu. Svo má nefna líka að Ísraelsmenn reyna að takmarka mannslát á almennum borgurum meðal annars með því að tilkynna áður skotmörk sín. En stríð er ekki fallegt og því miður er aldrei hægt að koma algjörlega í veg fyrir að það bitni á almennum borgurum. Ísraelsmenn stóðu við sinn hluta þegar þeir yfirgáfu Líbanon fyrir 6 árum síðar. Núverandi aðgerðir eru vegna þess að aðrir aðilar hafa ekki gert það sama og vilja nota Líbanon sem skotpall gegn Ísrael.