Ég held að kennarar viti það nefnilega oft t.d. eins og er á þessari heimasíðu í sambandi við leikfimikennarann sem kom inn og fór bara að hlæja þegar hann sá alla vera að berja einn.

Svo vita þeir það náttúrulega alltaf þegar það er búið að segja þeim það þar sem krakkinn sem lendir í einelti kvartar við foreldra sína og þeir við kennarann.

Hins vegar er það oft þannig að kennari gerir ekkert í málinu eða jafnvel kemur einelti á stað eða eykur á það með því að taka ákveðna krakka fyrir. Ég þekki persónulega dæmi þar sem kennari í 2. bekk varð þess valdandi viljandi eða óviljandi að byrjað var að leggja eina stelpuna í bekknum í einelti og var því haldið áfram allan grunnskólann.

Hins vegar gerðist það í mínum bekk að það var byrjað að taka strák fyrir og kennarinn sem var þá frétti að þessi strákur hefði verið laminn í aukatíma fyrir hádegi. Ég reyndar hafði skrópað þannig að ég missti af þessum atburði. Krakkarnir þóttust alla vega ekkert vita af hverju strákurinn mætti ekki eftir hádegi og kennarinn las þvílíkt yfir hausamótunum á bekknum að það skömmuðust sín allir niður í tær og allur bekkurinn fór eftir skóla að biðja hann afsökunar og hann var látinn í friði eftir það. Þetta hefur líklega verið í 10 ára bekk.