Erfitt að fá flokk til að taka svoleiðis áhættu :/

1. Þú gleymir mikilvægu og stórum hluta trúaðra. Þeir sem einfaldlega trúa allri helvítis vitleysunni og gera ljóta hluti vegna þess að þeir trúa því að það sé gott og rétt í augum almáttugs Guðs sem mönnunum ber að óttast. Það er ekkert djók að díla við svoleiðis.

2. Ef trúað fólk vill hrósa sér fyrir það jákvæða sem kirkjustarf hefur fært heiminum þá verða þeir einnig að taka ábyrgð á því neikvæða, og ég held að þegar við lítum á heildarmyndina þá hafi kirkjustarf fært okkur og reynt að réttlæta fyrir okkur mun ógeðfeldari og viðbjóðslegri hluti og athafnir en þau hafa fært okkur gott.
Þessi áhersla á að kirkjan eigi að vera einhver heilagur og fallegur staður í anda kærleika vil ég meina að sé tiltölulega nýtt fyrirbæri. Um það bil jafn nýtt og fólk byrjaði að hegða sér svona.
Lengst af var kirkjan bara enn ein valdastofnunin sem var notuð til þess að framkvæma ógeðslega hluti fyrir ógeðslegt fólk.

Svo það er greinilegt að góðmennskan, miskunnsemin, hjálparstarfið og samkenndin kemur frá fólkinu sjálfu og hefur ekkert með þessa ógeðslegu stofnun að gera.

3. Nei, mótmælenda trú gengur ekki út frá nýja testamentinu. Í fyrsta lagi skaltu segja mér hvaða mótmælendatrú þú ert að tala um.
Í öðru lagi þá var það sem við köllum ‘lúthersku’ upprunalega afturhvarf til eldri og íhaldssamari tíma þar sem menn hættu að hlusta á kjaftæðið frá Róm og fóru að einbeita sér BÓKSTAFLEGA af Biblíunni, enda iðulega kallað Lútherskur rétttrúnaður, þar sem fólki var bannað að syngja og dansa og lög líkt og Stóri dómur tóku gildi.

Það sem við þekkjum í nútímanum og þú kallar líklegast ‘mótmælendatrú’ er ekkert fengin úr nýjatestamentinu. Þetta er einfaldlega fullt af fólki sem er alveg sama um kirkjuna, alveg sama um biblíuna, alveg sama um trú, kallar sig kristið vegna þess að það er það eina sem þau þekkja, kinkar kolli ef þau heyra eitthvað sem hljómar fallega sama hvaða trúarriti það kemur frá (og virðist hreinlega fá fullnægingu ef það vill svo til að þessi fallegu orð komu frá búddisma, því svo virðist sem þeim finnist það iðulega skástu trúarbrögðin fyrir utan þeirra eigin), hristir hausinn og fussar þegar eitthvað slæmt kemur frá biblíunni og hreinlega hundsa það.

Þetta eru ekki fólk með mótmælenda trú. Þetta er svo gott sem trúlaust fólk sem einfaldlega veltir trúmálum ekkert fyrir sér. Þetta góða og fallega er í okkur flestum, sama hvaða trúarrit var eða var ekki þulið yfir okkur þegar við vorum krakkar.

Fyrst við erum komin út í mína persónulegu trú, þá er ég ekkert sérstaklega trúuð. Jú, ég þekki dæmisögurnar og ef einhver deyr finnst mér gott að hugsa að viðkomandi ástvinur sé á betri stað en ég bið ekki daglega, ég fer ekki í kirkju, ekki einu sinni á jólunum, og ég trúi ekki að Biblían sé orðrétt tilvitnun í Guð.
Ég er semsagt eins og flestir aðrir trúaðir einstaklingar.

Þú veist að lang flestir sem eru kristnir eru ekki svona bókstaflegir… ég til dæmis þekki ekki einn einasta mann sem trúir á helvíti, og ég þekki talsvert af trúuðu fólki.

Ok svo þú tekur það sem hentar þér úr biblíunni en hafnar öðru?

Nýja testamentið er talsvert yngra en það gamla og sýnir miklar breytingar sem urðu í hugsunarhætti samfélagsins sem urðu á þeim tíma sem það er skrifað.
Svo já, biblían kennir manni margt.

Hvernig kennir hún þér margt ef siðfræðin er mörgum öldum á eftir okkur og margt í henni er hreint og beint fáránlegt?

Þú gerir þér væntanlega grein fyrir fordómunum í því sem þú ert að segja. Þetta er eins og að segjast vera á móti öllum íslendingum því einhver fáviti fann upp kæstan hákarl. Þótt einhverjir óprúttnir aðilar nýti sér kirkjuna til að skýla sér frá réttvísinni þýðir það ekki að allir sem nokkurn tímann hafa haft nokkuð með hana að gera séu algerlega siðblindir.

Ég sagði að ég væri ekki á móti þér persónulega.
Ég er á móti öllum sem eru tengdir kirkjunni. Þeir sem eru meðvitaðir um það sem kirkjan hefur gert og líka þeir sem eru ómeðvitaðir. Þeir sem eru ómeðvitaðir hunsa eða jafnvel vita ekki einu sinni af því sem kirkjan hefur gert.
Þú segir að það hafi bara örfáir nýtt sér kirkjuna. En það voru þessir “siðlindu” menn sem skrifuðu biblíuna (annars væri ekki svona margt klikkað í henni).

Hvað nú?

Ég er ekki á móti trúnni, það að trúa á eitthvað æðra. Ég er bara á móti kirkjunni. Ef þú játar að trúin þín sé klikkuð er ég sáttur.

Jesús, þessi þarna sem þú segir að allt Nýja testamentið fjalli um, sagði að maður ætti að skera af sér hendina ef maður drýgði synd með henni. Ætlarðu að hafna þessu og trúa öðru því að þetta hentar þér ekki?
Þetta er algengur hugsunarháttur hjá trúuðu fólki.

Ein spurning að lokum: Ætlarðu að ala börnin þín upp í þessum sið?