DutyCalls fyrir 17 árum, 2 mánuðum Fjöldi lestra: 249

Könnunin - Kosningar í USA

Ágætis könnun. En allt í lagi að fólk geri grein fyrir atkvæði sínu ef það vill.

Ég merkti við Demókrata. Ekki af því ég sé svo ógurlega hrifinn af þeim, heldur því mér finnst þeir skárri en Repúblikanar.

Og það er nú málið: Það er vanalega ýmis framboð í USA með ýmis góð þjóðþrifamál á sínum stefnuskrám. Má þar t.d. nefna Ralph Nader og stuðningsmenn hans. En stjórnkerfið er hreinlega svo rótgróið tvíflokkakerfi, að atkvæði greidd “smáframboði” falla ýmist dauð niður, eða duga í besta falli til að taka fylgi af öðrum tvíflokanna og koma hinum að.

Þetta er því miður eins með fjórflokkakerfið hér á landi, þó skárra sé kannski að hafa flokkana fjóra en tvo. Það mættu Samfylkingarmenn sem láta sig dreyma um tvíflokkakerfi sitt og Íhaldsins athuga. Tvíflokkakerfi er að mínu mati víti að varast.

_______________________

IanAnderson fyrir 17 árum, 2 mánuðum

fjórflokkakerfið hefur breyst alveg gríðarlega. Þeir eru orðnir 3 flokkarnir og tveir hálfir flokkar ef ég má orða það svoleiðis… Frjálslyndir mældir með í kringum 10% og framsókn undir 10%.

Svo má benda á það að ef stefnumál demókrata eru gríðarlega hægrisinnuð. Stjórnkerfið þarna er mjög gallað þar sem það fá ekki allir kosningarétt. Þetta er ekkert lýðræði!

Bandaríkin er mjög hægrisinnað land!

Fyrra álit

DutyCalls fyrir 17 árum, 2 mánuðum

Ég held ekki að íslenska fjórflokkakerfið hafi “breyst gífurlega”, kerfið hefur alltaf verið fast í sessi hvað sem fylgissveiflum flokkanna líður. Alltaf hægt að díla um að komast í ríkisstjórn, hversu ömurlega sem menn koma útúr kosningum (og það á alls ekki bara við Framsókn).

Varðandi Demókratana bandarísku, þá er sá flokkur (líkt og Sjálfstæðisflokkurinn hér) eiginlega meiri breiðfylking en samstæður flokkur. Þar rúmast ýmsar skoðanir, og stundum sveiflast stefna flokksins eftir tíðarandanum. Á tímum Roosevelts var flokkurinn einna vinstrisinnaðastur, og um hríð undir forystu Lyndons B. Johnson. Nú er hinsvegar hægrimennska í tísku, og því reyna þeir að róa á þau mið í atkvæðaveiðum sínum.

_______________________

Fyrra álit

IanAnderson fyrir 17 árum, 2 mánuðum

Jú fjórflokkakerfið hefur breyst(eða hvernig sem þetta blessaða orð er skrifað:D). Þeir eru 5 flokkarnir og hafa áhrif á atkvæði hvors annars.

Ég er ekki að tala bara um gengissveiflur heldur það eru 2 flokkar að berjast við að fá örfáa menn á þing meðan hinir þrír yfir 20% (ath samkvæmt nýlegum skoðunarkönnunum). Framsókn minnkar með hverjum deginum og frjálslyndir eiga eftir að klofna að ég held.

Fyrra álit

DutyCalls fyrir 17 árum, 2 mánuðum

Frjálslyndi flokkurinn er ekki hluti af “fjórflokknum”, og hann hóf reyndar feril sinn sem klofningsframboð Sverris Hermannssonar úr Sjálfstæðisflokknum árið 1999 (Rétt eins og Borgaraflokkur Alberts Guðmundssonar árið 1987). Slíkir flokkar hafa aldrei verið annað en hugsanlegar “hækjur” fjórflokkanna þegar kemur að ríkisstjórnarmyndum (t.d. fengu vinstri flokkarnir stuðning Borgaraflokksins árið 1989 í skiptum fyrir eitt ráðherrasæti).

Og slíkt á einnig við um fleiri framboð sem hafa náð mönnum inn á þing. T.d. var Kvennalistinn aldrei meira en “hækja” á sinni tíð, sem vinstri- og hægrimenn fjórflokkanna notuðu sem hótun á samstarfsflokka sína: "Nú, ef þið samþykkið ekki okkar tillögur, getum við alltaf hent ykkur og talað við (gasp) Kvennalistann um ríkisstjórnarsamstarf.

Ég á ekki von á að þetta system breytist eitt eða neitt í komandi kosningum.

_______________________

Fyrra álit

IanAnderson fyrir 17 árum, 2 mánuðum

Nema það að núna er framsókn og frjálslyndir jafn stórir. Það er einsdæmi í sögunni. Það skiptir gríðarlegu máli vegna þess þeir eru núna jafn mikilvægir öðrum flokkum. Ég veit vel hvernig frjálslyndi flokkurinn var stofnaður. En hann er engin hækja þar sem hann er að verða 4 stæðsti flokkurinn.

Þetta er að þróast í nýja átt. Ef að meirihlutinn mun ekki halda þá munu verða svakalegt panik. Sjálfstæðisflokkurinn mun tala við frjálslynda og framsókn meðan samfylkingin við vinstri græna og frjálslynda. En ég held að Samfylkingin og Sjálfstæðisflokkurinn myndi næstu stjórn ef ríkisstjórnin fellur.

Það mun drepa Samfylkinguna, ég er 100% á því. Svo ég held að stjórnmál muni breytast mikið næstu 12 árin. Fjórflokkakerfið mun ekki vera eins áberandi eins og það var. Þetta er þegar farið að gerast.

Fyrra álit

DutyCalls fyrir 17 árum, 2 mánuðum

Nú segi ég eins og þessir ömurlegu atvinnu-pólitíkusar: Spyrjum að leikslokum. Framsóknarflokkurinn hefur einstakt lag á að koma miklu betur útúr kosningum en könnunum, og alls óvíst er hvernig fer með Frjálslynda.

Annars er ég nokkuð sammála því sem þú segir þarna um úrslit kosninganna og hugsanlega stjórn Sjalla og Samfylkingar. Þetta verður spennandi að sjá í vor.

_______________________

Fyrra álit

IanAnderson fyrir 17 árum, 2 mánuðum

Ég veit að sjálfstæðismenn og hægrisinnaðir verða glaðir… En vinstrisinnað fólk verður hundsvekkt. Fáránlegt að Ingibjörg stofnar ekki bandalag með Steingrími. Hún vill bara þennan forsætisráðherrastól og ekkert annað!

Fyrra álit

DutyCalls fyrir 17 árum, 2 mánuðum

Það er bara gamli fjórflokkurinn aftur: Kratar og Kommar hafa lítinn áhuga á að gera eitthvert bandalag sín á milli, enda hafa þeir ekkert betra álit á hvor öðrum en á Íhaldi og Framsókn. Það er engin von til að það breytist neitt í bráð.

_______________________

Fyrra álit

IanAnderson fyrir 17 árum, 2 mánuðum

Ég held að þetta muni breytast í tvíflokkakerfi eftir 12 ár. 2 gríðarlega stórir flokkar og 3 sem ná valla fylgi…

Fyrra álit

Deiglan

Deiglan

Ofurhugar

Hverjir eru inni

Korkar - Heitar umræður

Könnunin - Kosningar í USA

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi