Bandaríkjamenn eru nú þegar búnir með meirihlutann af uppbyggingu Íraks.

Það er GRÍÐARLEGA mikil uppbygging búin að vera í Írak. Margfalt meira en Afghanistan. Það er hneyksli að það sé varla fjallað um þetta í fjölmiðlum enda er þetta líklega heimsmet í uppbyggingu á stuttum tíma. Flest lönd eru en þá í rústi 10 árum eftir átök og þá rétt byrjar uppbygging.

Í dag er búið að bólusetja meirihluta barna í landinu. Fleiri börn eru skráð í nám en fyrir innrásina. Efnahagurinn er búinn að vaxa mjög hratt og dánartíðni er lægri en fyrir innrás, en hún var meira að segja hærri árið 2002 en á innrásarárinu 2003. Landið var lyfjalaust og eitt af því fyrsta sem var gert var að flytja mörg tonn af lyfjum inn í landið. Margfalt fleiri hafa nú aðgang að síma og rafmagnsgeta landsins náði í fyrra sögulegu hámarki í landinu. Ekki má gleyma því að stjórnvöld þar í landi hafa völdin en kjósa að hafa bandamenn áfram sem hafa lofað því að fara um leið og þess sé óskað, stjórnvöld eru kosin af Írösku þjóðinni sem er bundin af stjórnarskrá landsins. Staða kvenna er EKKI verri eins og hefur verið haldið fram, en stjórnarskrá landsins tryggir þeim réttindi ásamt því að konur streyma á vinnumarkaðinn meira en áður. Mest áberandi er að konur eru í miklu mæli að stofna fyrirtæki sem áður var næstum óþekkt.

Og fleira og fleira sem hægt er að komast að með því að kynna sér uppbygginguna sjálfa en ekki bara dómsdagsspár um hryðjuverk og fleira neikvætt.

Afstaða Bandaríkjamann er auðvitað á öðrum forsendum.

En aftur þá virðist ekki skipta máli hvort aðgerðirnar voru Írökum í hag eða ekki. Stuðningur við stríðið náði ekki að fara niður í helming fyrr en dauðsföll hermanna nálguðust 2000 og stjórnvöld klúðruðu aðgerðum gegn fellibilnum Katrínu. Frekar sjálfselskar skoðanir að vilja fá hermennina heim nokkrum mánuðum áður en Írakar geta tekið við vörnum landsins að mestu, er verið að óska eftir því að frelsunin klúðrist þegar 80% er lokið? Þá var öll vinnan og dauðsföllin til einskis.

Hvort sem það eru Evrópubúar eða Bandaríkjamenn þá virðast andstæðingar innrásarinnar vera að klóra í bakkann. Írak er orðið lýðræðisríki og Íraskir hermenn eru orðnir fleiri en Bandarískir, eða yfir 200 þúsund. Þær dómsdagsspár sem við fengum að heyra árið 2003 hafa flestar ekki orðið að veruleika og því heyrum við örvæntingafull hróp í dag þar sem að einu röin eru að ekki er allt fullkomið í Írak, þó að mestu sé “verkefnið” að ganga upp. Í raun er ég hissa á því að Bush sé ekki búinn að lýsa yfir sigri. Fyrst var talað um að sigur væri kominn þegar lýðræðið kæmi, nú er búið að fresta slíkum yfirlýsingum þanga til Írakar taka við vörnum landsins. Ástæðan er líklega aukin mótstaða í Bandaríkjunum, annars væri löngu búið að lýsa yfir sigri.